ଘରୋଇ ବସ ଧକ୍କାରେ ନାବାଳିକା ମୃତ, ରାସ୍ତାରୋକ କଲେ ଗ୍ରାମବାସୀ
ଘରୋଇ ବସ ଧକ୍କାରେ ନାବାଳିକା ମୃତ । ଗଞ୍ଜାମ ଜିଲ୍ଲା ସୋରଡ଼ା ଥାନା ଢଉପଦା ଗାଁ ନିକଟରେ ଘଟିଛି ଦୁର୍ଘଟଣା । ଘରୋଇ ବସଟି ବ୍ରହ୍ମପୁରରୁ ସୋରଡ଼ା ଯାଉଥିଲା । ଢଉପଦା ନିକଟରେ ନାବାଳିକାକୁ ଧକ୍କା ଦେଇଥିଲା । ଫଳରେ ବସ ତଳେ ନାବାଳିକା ଜଣଙ୍କ ଚାପି ହୋଇଯାଇଥିଲା । ମୃତ ନାବାଳିକା ୬ ବର୍ଷିୟ କଳ୍ପନା ନାୟକ । ଘଟଣାକୁ ନେଇ ଚାପା ଉତ୍ତେଜନା ସହ ରାସ୍ତା ରୋକ୍ କରିଥିଲେ ଉତ୍ତ୍ୟକ୍ତ ଲୋକେ । ଘଟଣାସ୍ଥଳରେ ଆସିକା ଏସଡିପିଓ ପହଞ୍ଚି ଲୋକଙ୍କୁ ବୁଝାସୁଝା କରିଛନ୍ତି । ଦୁର୍ଘଟଣା ପରେ ଘଟଣାସ୍ଥଳରେ ସ୍ଥାନୀୟ ଲୋକଙ୍କ ଭିଡ଼ ଜମିଥିଲା । ନାବାଳିକାଙ୍କ ମୃତ୍ୟୁକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା ।
ଉତ୍ତ୍ୟକ୍ତ ଲୋକେ ରାସ୍ତାରୋକ କରିବାରୁ ଯାତାୟାତ ପ୍ରଭାବିତ ହୋଇଥିଲା । ଦୁର୍ଘଟଣାସ୍ଥଳରେ ପୋଲିସ ପହଞ୍ଚି ପରିସ୍ଥିତି ନିୟନ୍ତ୍ରଣ ଉଦ୍ୟମ କରିଥିଲା । ଖବର ପାଇ ଆସିକା ଏସଡିପିଓ ଘଟଣାସ୍ଥଳରେ ପହଞ୍ଚିଥିଲେ। ସେ ଉତ୍ତ୍ୟକ୍ତ ଲୋକଙ୍କ ସହ ଆଲୋଚନା କରି ବୁଝାସୁଝା କରିଥିଲେ । ରାସ୍ତାରୋକ ହଟାଇ ଯାତାୟାତ ସ୍ୱାଭାବିକ କରିବାକୁ ପୋଲିସ ପକ୍ଷରୁ ଉଦ୍ୟମ କରାଯାଇଛି । ଅନ୍ୟପଟେ ଦୁର୍ଘଟଣାର ପ୍ରକୃତ କାରଣ ଏବଂ ବସ ଚାଳକଙ୍କ ଭୂମିକା ସମ୍ପର୍କରେ ପୋଲିସ ତଦନ୍ତ କରୁଛି । ଘଟଣାକୁ ନେଇ ପରିବାର ଓ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
