ସୁବର୍ଣ୍ଣରେଖା ବନ୍ଦର ପକ୍ଷରୁ ବ୍ରାହ୍ମଣୀପାଳରେ କମ୍ପ୍ୟୁଟର ଓ ଇଂରାଜୀ ଶିକ୍ଷା କେନ୍ଦ୍ରର ଶୁଭାରମ୍ଭ ଟାଟା ଷ୍ଟିଲ୍ ଫାଉଣ୍ଡେସନ କେନ୍ଦ୍ରର ପରିଚାଳନା କରିବ
ଭୁବନେଶ୍ୱର: ସୁବର୍ଣ୍ଣରେଖା ବନ୍ଦର ପ୍ରାଇଭେଟ୍ ଲିମିଟେଡ୍ (ଏସ୍ପିପିଏଲ୍) ପକ୍ଷରୁ ଟାଟା ଷ୍ଟିଲ୍ ଫାଉଣ୍ଡେସନ ସହଯୋଗରେ ବାଲିଆପାଳରେ କମ୍ପ୍ୟୁଟର ଓ ଇଂରାଜୀ ଶିକ୍ଷା କେନ୍ଦ୍ରର ଶୁଭାରମ୍ଭ କରାଯାଇଛି । ବାଲିଆପାଳ ପ୍ରତାତପୁର ସ୍ଥିତ କୃଷ୍ଣ ଚନ୍ଦ୍ର ପିପିଲି ମହାବିଦ୍ୟାଳୟ ପରିସରରେ ଏନେଇ କାର୍ଯ୍ୟକ୍ରମ ଆୟୋଜନ କରାଯାଇଥିଲା ଏବଂ ସେଥିରେ ବାଲେଶ୍ୱର ସ୍ଥିତ ଫକୀର ମୋହନ ବିଶ୍ୱବିଦ୍ୟାଳୟର କୁଳପତି ଡକ୍ଟର ସନ୍ତୋଷ କୁମାର ତ୍ରିପାଠୀ ଓ ଏସ୍ପିପିଏଲ୍ର କାର୍ଯ୍ୟନିର୍ବାହୀ ନିର୍ଦ୍ଦେଶକ ସୁଶାନ୍ତ କୁମାର ମିଶ୍ର ଅତିଥି ଭାବେ ଯୋଗ ଦେଇଥିଲେ ।
ଏହି କେନ୍ଦ୍ରର ପ୍ରମୁଖ ଉଦ୍ଦେଶ୍ୟ ହେଉଛି ମୂଲ୍ୟବାନ ଲଘୁ ଦକ୍ଷତା ତାଲିମ ପ୍ରଦାନ କରିବା ଏବଂ କଥିତ ଇଂରାଜୀ ଭାଷା ଜ୍ଞାନ ଜରିଆରେ ବ୍ୟକ୍ତିତ୍ୱ ବିକାଶରେ ଉନ୍ନତି ଆଣିବା । କ୍ୟାରିୟର ଅଭିଳାଷ ରଖିଥିବା ଯୁବବର୍ଗଙ୍କୁ ଦକ୍ଷ କରିବା ଉପରେ ଧ୍ୟାନ ଦିଆଯିବା ସହ ଏକ ଉଜ୍ଜ୍ୱଳ ଭବିଷ୍ୟତ ପାଇଁ ସେମାନଙ୍କୁ ଆବଶ୍ୟକ ଦକ୍ଷତା ପ୍ରଦାନ କରାଯିବ ।
ଏଥି ସହିତ ଏହି ଅଂଚଳର ଅନ୍ତର୍ଭୁକ୍ତୀକରଣ ଅଭିବୃଦ୍ଧି ପ୍ରତି ଯୋଗଦାନ ପ୍ରଦାନ କରିବା ଲାଗି ମହିଳା ସ୍ୱୟଂ ସହାୟକ ଗୋଷ୍ଠୀ ସଦସ୍ୟାଙ୍କ ମଧ୍ୟରେ ଡିଜିଟାଲ ସାକ୍ଷରତାର ପ୍ରସାର କରିବାକୁ ଏହି କେନ୍ଦ୍ର ଲକ୍ଷ୍ୟ ରଖିଛି ।
ଗୋଷ୍ଠୀ ବିକାଶକୁ ସୁଦୃଢ଼ କରିବା ଲକ୍ଷ୍ୟ ପ୍ରତି ଏସ୍ପିପିଏଲ୍ ପ୍ରତିବଦ୍ଧ ରହିଛି ଏବଂ ବାଲିଆପାଳ ବାସିନ୍ଦାଙ୍କ ଜୀବନକୁ ସମୃଦ୍ଧ କରିବା ପାଇଁ ପଦକ୍ଷେପ ଗ୍ରହଣ କରିବା ଜାରି ରଖିବ ।
