ଥାଇଲାଣ୍ଡର ୨୦୨୩ ଏସିଆ ରୋଡ ରେସିଂ ଚାମ୍ପିୟନସିପ ଫାଇନାଲ ରାଉଣ୍ଡ ପାଇଁ ହୋଣ୍ଡା ରେସିଂ ଇଣ୍ଡିଆ ଚାଳକ ପ୍ରସ୍ତୁତ

ଭୁବନେଶ୍ୱର: ଥାଇଲାଣ୍ଡର ଚାଙ୍ଗ ଇଂଟରନ୍ୟାସନାଲ ସର୍କିଟ (ବୁରିରାମ)ରେ ଅନୁଷ୍ଠିତ ହେବାକୁ ଥିବା ୨୦୨୩ ଏସିଆ ରୋଡ୍ ରେସିଂ ଚାମ୍ପିୟନଶିପ୍ (ଏଆର୍‌ଆର୍‌ସି)ର ଗ୍ରାଣ୍ଡ ଫିନାଲେରେ ଚମତ୍କାର ରେସିଂ ପ୍ରଦର୍ଶନ କରିବା ଲାଗି ଆଇଡେମିସୁ ହୋଣ୍ଡା ରେସିଂ ଇଣ୍ଡିଆ ଦଳ ପ୍ରସ୍ତୁତ ରହିଛି ।
ରାଉଣ୍ଡ-୫ରେ ଆଇଡେମିସୁ ହୋଣ୍ଡା ରେସିଂ ଇଣ୍ଡିଆ ଦଳ ଅତିରିକ୍ତ ୬ଟି ମୂଲ୍ୟବାନ ପଏଂଟ ହାସଲ କରି ୨୦୨୩ ଏଫ୍‌ଆଇଏମ୍ ଏସିଆ ରୋଡ୍ ରେସିଂ ଚାମ୍ପିଅନସିପ୍‌ରେ ଏପର୍ଯ୍ୟନ୍ତ ମୋଟ ୨୭ ପଏଂଟ୍ ହାସଲ କରିଛି ।
ଭାରତୀୟ ଚାଳକ କେଭିନ୍ କ୍ୱିଂଟାଲ ଏବଂ ମୋହସିନ ପରମବନ ଉଲ୍ଲେଖନୀୟ ଦକ୍ଷତା ଏବଂ ଅତୁଟ ସଂକଳ୍ପ ପ୍ରଦର୍ଶନ କରି ଆଇଡିଇମିସୁ ହୋଣ୍ଡା ଇଣ୍ଡିଆ ରେସିଂ ଦଳ ପାଇଁ ନିରନ୍ତର ପ୍ରଦର୍ଶନ କରିଥିଲେ ।
ରାଉଣ୍ଡ-୫ର ରେସ୍‌-୧ରେ କେଭିନ୍ କ୍ୱିଂଟାଲ୍ ୧୦ ଲ୍ୟାପ୍ ରେସ଼ରେ ସମସ୍ତ ଅନ୍ତର୍ଜାତୀୟ ଚାଳକଙ୍କ ବିପକ୍ଷରେ ଅତୁଟ ନିଷ୍ଠା ପ୍ରଦର୍ଶନ କରିଥିଲେ । ସେ ନିର୍ଭୀକ ଭାବରେ ପ୍ରତିଦ୍ୱନ୍ଦ୍ୱିତା ଜାରି ରଖିଥିଲେ ଏବଂ ଚତୁର୍ଦ୍ଦଶ ସ୍ଥାନରେ ରହି ରେସ କରିଥିଲେ । ଚୂଡ଼ାନ୍ତ ରାଉଣ୍ଡରେ କାଭିନ ନିଜର ରେସିଂ ଦକ୍ଷତା ପ୍ରଦର୍ଶନ କରି ଦ୍ୱାଦଶ ସ୍ଥାନକୁ ଉନ୍ନୀତ ହୋଇ ଦଳ ପାଇଁ ୪ଟି ମୂଲ୍ୟବାନ ପଏଂଟ ହାସଲ କରିଥିଲେ । ଏହି ସମୟରେ ମୋହସିନ ପରମବନ ନିରନ୍ତର ଓ ସ୍ଥିର ପ୍ରଦର୍ଶନ କରି ନିଜର ଶ୍ରେଷ୍ଠ ଦକ୍ଷତା ପ୍ରଦର୍ଶନ କରିଥିଲେ । ଚ୍ୟାଲେଞ୍ଜିଂ ଦୌଡ଼ ମଧ୍ୟରେ ରେସ୍‌-୨ରେ ସେ ୧୮ତମ ସ୍ଥାନ ଅଧିକାର କରିଥିଲେ ।
ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆର ସେଲ୍ସ ଆଣ୍ଡ ମାର୍କେଟିଂ ନିର୍ଦ୍ଦେଶକ ଯୋଗେଶ ମାଥୁର କହିଛନ୍ତି ଯେ, “ଆଇଡେମିସୁ ହୋଣ୍ଡା ରେସିଂ ଇଣ୍ଡିଆ ଟିମର ଏକ ଅଂଶ ଭାବରେ ଆମେ ଉତ୍ସାହ, ନିଷ୍ଠା ଏବଂ ଅସାଧାରଣ ପ୍ରଦର୍ଶନରେ ପରିପୂର୍ଣ୍ଣ ଏକ ଋତୁ ଦେଖିଛୁ । ଆମର ରାଇଡର୍ କେଭିନ୍ କ୍ୱିଂଟାଲ୍ ଏବଂ ମୋହସିନ୍ ପରମବନ ରେସିଂର ଭାବନା ପ୍ରଦର୍ଶନ କରନ୍ତି । ସମଗ୍ର ଋତୁରେ, ଆମେ ସେମାନଙ୍କର ସମର୍ପଣ, ପ୍ରତ୍ୟେକ ଦୌଡ଼ର ଆହ୍ୱାନକୁ ସାମ୍ନା କରିବାର ଦକ୍ଷତା ଏବଂ ପ୍ରତିବନ୍ଧକକୁ ଅତିକ୍ରମ କରିବାରେ ସେମାନଙ୍କର ଦୃଢ଼ତା ଦେଖିଛୁ । ସେମାନଙ୍କ ପ୍ରଦର୍ଶନ କେବଳ ସେମାନଙ୍କ ବ୍ୟକ୍ତିଗତ ପ୍ରତିଭାକୁ ପ୍ରଦର୍ଶନ କରିନାହିଁ ବରଂ ଆମ ସମଗ୍ର ଦଳର ଶକ୍ତି ଏବଂ ଏକତାକୁ ମଧ୍ୟ ଦର୍ଶାଇଛି । ଏହି ଯାତ୍ରା ଅବିଶ୍ୱସନୀୟ ଥିଲା ଏବଂ ଆମେ ଥାଇଲାଣ୍ଡରେ ଏକ ଅବିସ୍ମରଣୀୟ ଫାଇନାଲ ରାଉଣ୍ଡକୁ ଅପେକ୍ଷା କରିଛୁ ।’’

\”ମୋ ପାଇଁ ରେସିଂ କେବଳ ବେଗ ବିଷୟରେ ନୁହେଁ; ଏହା ସଠିକ୍ ସମୟରେ ସଠିକ୍ ରଣନୀତି ବିଷୟରେ ଅଟେ । ଏସିଆ ରୋଡ୍ ରେସିଂ ଚାମ୍ପିୟନଶିପ୍ ର ଅନ୍ତିମ ରାଉଣ୍ଡରେ ପହଂଚିବା ପରେ ମୁଁ ମୋର ସବୁକିଛି ଦେବାକୁ ପ୍ରସ୍ତୁତ ଅଛି ବୋଲି କେଭିନ୍ କହିଛନ୍ତି ।
ଆମେ ଗ୍ରାଣ୍ଡ ଫିନାଲେରେ ପହଂଚିଥିବା ବେଳେ ମୁଁ ସର୍କିଟରେ ଥିବା ଟ୍ୱିଷ୍ଟ ଏବଂ ଟର୍ଣ୍ଣକୁ ଗ୍ରହଣ କରିବା ଉପରେ ଧ୍ୟାନ ଦେଉଛି । ମୋର ସଂକଳ୍ପ ଅତୁଟ ଏବଂ ମୁଁ ସୀମା ଅତିକ୍ରମ କରିବାକୁ ପ୍ରତିଶ୍ରୁତିବଦ୍ଧ ବୋଲି ପରମବାନ କହିଛନ୍ତି ।

Share

Leave a Reply

Your email address will not be published. Required fields are marked *

four × one =