କୁନ୍ଦୁଲି ଦୁଷ୍କର୍ମ ମାମଲାର ହେବ ଏସଆଇଟି ତଦନ୍ତ

କଟକ()  କୋରାପୁଟ ଜିଲ୍ଲା ପଟାଙ୍ଗୀ ବ୍ଲକ୍ କୁନ୍ଦୁଲି ନା ବାଳିକା ଦୁଷ୍କର୍ମ ମାମଲାର ସ୍ୱତନ୍ତ୍ର ତଦନ୍ତକାରୀ ଦଳ(ଏସଆଇଟି) ତଦନ୍ତ କରିବେ। ସୋମବାର ରାଜ୍ୟ ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ୩ ଜଣ ଡିଆଜି ସ୍ତରୀୟ ଅଧିକାରୀଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏସଆଇଟି ତଦନ୍ତ କରାଯିବ ବୋଲି କୋର୍ଟ କହିଛନ୍ତି।

୧୦ ଅକ୍ଟୋବର ୨୦୧୭ ମସିହାରେ ଜନୈକା ନବମ ଶ୍ରେଣୀ ଛାତ୍ରୀ ଗଣ ଦୁଷ୍କର୍ମର ଶିକାର ହୋଇଥିଲେ। ଜବାନ ପୋଷାକ ପିନ୍ଧା ୪ ଜଣ ବ୍ୟକ୍ତି ନାବାଳିକା ପ୍ରତି ଦୁଷ୍କର୍ମ କରିଥିବାର ଅଭିଯୋଗ ହୋଇଥିଲା। ତେବେ ପୀଡିତାଙ୍କ ଅଭିଯୋଗର ତଦନ୍ତ କରୁଥିବା ପୋଲିସ ଓ ଡାକ୍ତରୀମାଇନା କରିଥିବା ଡାକ୍ତର ଗଣ ଦୁଷ୍କର୍ମର କୌଣସି ପ୍ରମାଣ ପାଇନଥିଲେ। ତେବେ ପୀଡିତା କଟକ ଏସସିବିରେ ଦୀର୍ଘ ଦିନ ଚିକିତ୍ସିତ ହୋଇ ଘରକୁ ଫେରିଯାଇଥିଲେ। ଅଭିଯୋଗ ଆଧାରରେ ପୋଲିସ କାର୍ୟ୍ୟାନୁଷ୍ଠାନ ନ ହେବାରୁ ୨୨ ଜାନୁୟାରୀ ୨୦୧୮ ମସିହାରେ ପୀଡିତା ମାନସିକ ଭାରାସାମ୍ୟ ହରାଇ ଆତ୍ମହତ୍ୟା କରିଥିଲେ।