ଶରୀର ପାଇଁ ଉପକାରୀ କୋଳଥ, ଜାଣନ୍ତୁ କେମିତି କରିବେ ବ୍ୟବହାର

ଅନେକ ଲୋକ କୋଳଥ ଖାଇବାକୁ ବେଶ୍ ଭଲପା’ନ୍ତି। କୋଳଥ ଡାଲି ବେଶ୍ ସୁଆଦିଆ ଲାଗେ। ହେଲେ ଆପଣ ଜାଣନ୍ତି କି, ପାଟିକୁ ସୁଆଦିଆ ଲାଗୁଥିବା ଏହି ଡାଲିଜାତୀୟ ଖାଦ୍ୟ ସାମଗ୍ରୀଟି ଆମ ଶରୀର ପାଇଁ କେତେ ଉପକାରୀ ?
୧.କୋଳଥରେ ମେଟାବଲିଜିମ୍ ବଢ଼ାଇବାର କ୍ଷମତା ରହିଛି। ତେଣୁ ନିୟମିତ କୋଳଥ ଡାଲି ଖାଇବା ଦ୍ୱାରା ମେଦ ହ୍ରାସ ହୋଇଥାଏ। ଦୈନିକ ୧୦୦ ଗାମ୍ର କୋଳଥ ଡାଲି ଖାଇବା ଦ୍ୱାରା ମାସକ ମଧ୍ୟରେ ମୋଟାପଣ କମିଯାଏ।
୨. କୋଳଥକୁ ଖାଦ୍ୟ ରୂପେ ବ୍ୟବହାର କରିବା ଦ୍ୱାରା ମହିଳାଙ୍କ ଋତୁକାଳୀନ ଯନ୍ତ୍ରଣା ଏବଂ ଅନିୟମିତ ଋତୁସ୍ରାବ ସମସ୍ୟା ଦୂର ହୁଏ। ଏଥିପାଇଁ ଆପଣ କୋଳଥ ସୁପ୍ ମଧ୍ୟ ପିଇପାରିବେ।
୩. କୋଳଥକୁ ଚୂନା କରି ରଖନ୍ତୁ। ସେହି ଚୂନାରୁ ପ୍ରତିଦିନ ଦୁଇ ଚାମଚ ପାଣିରେ ମିଶାଇ ପିଇବା ଦ୍ୱାରା ତ୍ୱଚାରୁ କୁଞ୍ଚନ ଦୂର ହୋଇଥାଏ।
୪. କୋଳଥ ଖାଇବା ଦ୍ୱାରା ଅତ୍ୟଧିକ ତୈଳିକ ତ୍ୱଚାରୁ ମୁକ୍ତି ମିଳେ। କୋଳଥ ବ୍ରଣ ସମସ୍ୟା ମଧ୍ୟ ଦୂର କରେ।
୫. କୋଳଥ ଡାଲି ଖାଇବା ଦ୍ୱାରା ପେଟରେ ପଥର ବା ଷ୍ଟୋନ୍ ସମସ୍ୟା ଦୂର ହୁଏ। ଏଥିରେ ଥିବା ଭିଟାମିନ୍-ଏ ପେଟର ପଥରକୁ ବାହାର କରିବାରେ ସହାୟକ ହୋଇଥାଏ।
୬. କୋଳଥର କାଢ଼ା ପ୍ରସ୍ତୁତ କରି ସେବନ କରିବା ଦ୍ୱାରା ବାତ ସମସ୍ୟା ଦୂର ହୁଏ। ତେବେ ଏହି କାଢ଼ାରେ ଗୋଲମରିଚ ଗୁଣ୍ଡ ପକାଇ ପିଇବା ଦ୍ୱାରା ଗଳା ସମସ୍ୟାରୁ ସୁରକ୍ଷା ମିଳିଥାଏ।
୭. କୋଳଥ କାଢ଼ାରେ ହେଙ୍ଗୁ ଏବଂ ଶୁଣ୍ଠି ଗୁଣ୍ଡ ସହ ସାମାନ୍ୟ ଲୁଣ ମିଶାଇ ସକାଳେ ଏବଂ ସନ୍ଧ୍ୟାରେ ସେବନ କରିବା ଦ୍ୱାରା ପେଟ ଯନ୍ତ୍ରଣା ଦୂର ହୁଏ।

Share

Leave a Reply

Your email address will not be published. Required fields are marked *

4 × 1 =