ହଲିଉଡ୍ରେ ଓଡିଆ ଝିଅ

ହାଇ ଫାଇ ଗ୍ରାଫିକ୍ସ, ମନୋଲୋଭା ପିକ୍ଚରାଇଜେସନ ପାଇଁ ଫିଲ୍ମଟି ବେଶ ଦର୍ଶକୀୟ ଆଦୃତି ଲାଭ କରୁଛି ।ସବୁ ବର୍ଗର ଦର୍ଶକଙ୍କ ପ୍ରଥମ ପସନ୍ଦ ପାଲଟିଥିବା ଏହି ଫିଲ୍ମ ରେ ଭିଜୁଆଲ ଇଫେକ୍ଟ ଦେଇଛନ୍ତି ଓଡିଆ ଝିଅ ମିତା । ମିତାଙ୍କ ଘର ଟିଟିଲାଗଡ ଉପଖଣ୍ଡର ବାଙ୍କେଲ ଗାଁରେ । ଟିଟିଲାଗଡରେ ସ୍କୁଲ ଓ କଲେଜ ପାଠ ସାରିବା ପରେ ସେ ଭୁବନେଶ୍ବରରେ ଏନିମେସନ୍ କୋର୍ସ କରିଥିଲେ ମିତା ଦାସ। ଏବେ ସେ ଏଭେଞ୍ଜର ଏଣ୍ଡଗେମ୍ ପରି ହଲିଉଡ୍ ମୁଭିରେ କାମ କରିବାର ସୁଯୋଗ ପାଇ ଚର୍ଚ୍ଚାକୁ ଆସିଛନ୍ତି । ମିତାଙ୍କ ବାପା ଜଣେ ମନ୍ଦିର ପୂଜକ ଓ ମା ଅଙ୍ଗନୱାଡି କର୍ମୀ । ଝିଅର ସଫଳତା ପାଇଁ ପରିବାର ଲୋକଙ୍କ ଛାତି ଏବେ କୁଣ୍ଢେମୋଟ ।