ଟିପିସିଓଡିଏଲ୍ ପକ୍ଷରୁ କଷ୍ଟମର ରିୱାର୍ଡ କାର୍ଯ୍ୟକ୍ରମର ଶୁଭାରମ୍ଭ
ଭୁବନେଶ୍ୱର, ଏପ୍ରିଲ୍ ୧୮, ୨୦୨୬: ଟିପି ସେଣ୍ଟ୍ରାଲ୍ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିସିଓଡିଏଲ୍) ପକ୍ଷରୁ ଏହାର ବହୁ ପ୍ରତୀକ୍ଷିତ ‘କଷ୍ଟମର ରିୱାର୍ଡ କାର୍ଯ୍ୟକ୍ରମ’ ର ଶୁଭାରମ୍ଭ କରାଯାଇଛି। ଗ୍ରାହକଙ୍କ ସହ ସମ୍ପର୍କକୁ ଅଧିକ ସୁଦୃଢ଼ କରିବା ଏବଂ ନିଜର ସେବା ଯୋଗାଣ ଅଞ୍ଚଳରେ ଉପଭୋକ୍ତାମାନଙ୍କୁ ଭରସାଯୋଗ୍ୟ ସେବା ପ୍ରଦାନ କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ସାବ୍ୟସ୍ତ ହେବ।
ଗ୍ରାହକଙ୍କ ସନ୍ତୁଷ୍ଟି, ବିଶ୍ୱାସ ଏବଂ ଦୀର୍ଘସ୍ଥାୟୀ ସମ୍ପର୍କ ଗଠନ ଭଳି ଟିପିସିଓଡିଏଲ୍ର ମୂଳ ଲକ୍ଷ୍ୟକୁ ଆଖିରେ ରଖି ଏହି କାର୍ଯ୍ୟକ୍ରମ ପ୍ରସ୍ତୁତ କରାଯାଇଛି। ଏହା ମାଧ୍ୟମରେ କମ୍ପାନୀ କେବଳ ପାରମ୍ପରିକ ବିଦ୍ୟୁତ୍ ସେବା ପ୍ରଦାନ ମଧ୍ୟରେ ସୀମିତ ନରହି ନିଜର ମୂଲ୍ୟବାନ ଗ୍ରାହକମାନଙ୍କୁ ସ୍ୱତନ୍ତ୍ର ସୁବିଧା ଏବଂ ପୁରସ୍କାର ପ୍ରଦାନ କରିବ।
ଏହି ସ୍ୱତନ୍ତ୍ର ପଦକ୍ଷେପ ମାଧ୍ୟମରେ ଗ୍ରାହକମାନେ ବଛାବଛା ବ୍ରାଣ୍ଡ୍ ଉପରେ ସର୍ବାଧିକ ୩୦% ପର୍ଯ୍ୟନ୍ତ ରିହାତି ପାଇବାର ସୁଯୋଗ ପାଇବେ। ଏହାର ପ୍ରମୁଖ ସୁବିଧାଗୁଡ଼ିକ ମଧ୍ୟରେ ଆମୋଦ ପ୍ରମୋଦ ପାର୍କ ଟିକେଟ୍ ଉପରେ ସ୍ୱତନ୍ତ୍ର ରିହାତି, ଗ୍ରୋସରି କିଣାକିଣି ଉପରେ କ୍ୟାଶ୍ବ୍ୟାକ୍, ଏବଂ ଇଲେକ୍ଟ୍ରୋନିକ୍ ଉପକରଣ କିଣିବା ସମୟରେ ଅର୍ଥ ସଞ୍ଚୟ କରିବାର ସୁବିଧା ରହିଛି। ଏହା ବ୍ୟତୀତ ଗ୍ରାହକମାନେ ଫିଟନେସ୍ ସଦସ୍ୟତା ଏବଂ ବିଭିନ୍ନ ଆତିଥ୍ୟ ସେବା କ୍ଷେତ୍ରରେ ମଧ୍ୟ ଆକର୍ଷଣୀୟ ଲାଭ ପାଇପାରିବେ।
ସାତଟି ଅଂଶୀଦାର କମ୍ପାନୀ ଏବଂ ୨୦ରୁ ଅଧିକ ପ୍ରତିଷ୍ଠିତ ବ୍ରାଣ୍ଡର ସହଯୋଗରେ ବିକଶିତ ଏହି କାର୍ଯ୍ୟକ୍ରମ ଟିପିସିଓଡିଏଲ୍ର ୩୦ ଲକ୍ଷରୁ ଅଧିକ ଉପଭୋକ୍ତାଙ୍କ ପାଇଁ ଏକ ବ୍ୟାପକ ପୁରସ୍କାର ବ୍ୟବସ୍ଥା ସୃଷ୍ଟି କରୁଛି।
ଏହି କାର୍ଯ୍ୟକ୍ରମରେ ବିଗ୍ବାସ୍କେଟ୍ ଏବଂ କ୍ରୋମା ଭଳି ପ୍ରମୁଖ ଟାଟା ବ୍ରାଣ୍ଡଗୁଡ଼ିକ ସାମିଲ ହୋଇଛନ୍ତି। ଆତିଥ୍ୟ ସେବା କ୍ଷେତ୍ରରେ ଆଇଟିସି ୱେଲକମ୍ ହୋଟେଲ୍ ଏବଂ ଲାଇଫ୍ ହୋଟେଲ୍ସ ଭଳି ଅଂଶୀଦାରମାନେ ଗ୍ରାହକଙ୍କୁ ସେବା ଯୋଗାଇଦେବେ। ଏହା ବ୍ୟତୀତ ପ୍ରସିଦ୍ଧ ୱାଣ୍ଡରଲା ଆମ୍ୟୁଜମେଣ୍ଟ ପାର୍କ ଏବଂ ୱାନ୍ମୋରରେପ୍ ଜିମ୍ ମଧ୍ୟ ଏହି ଯୋଜନାର ଅଂଶବିଶେଷ ଅଟନ୍ତି। ଗ୍ରାହକମାନେ ଅନ୍ୟାନ୍ୟ ଜଣାଶୁଣା ବ୍ରାଣ୍ଡ୍ ଯଥା ୟୁସିବି, ଫାର୍ଷ୍ଟକ୍ରାଏ, ଟମି ହିଲଫିଗର, ୟାତ୍ରା, ମେଡିବଡି, ନିମାନ୍ସ ଏବଂ ଅର୍ବାନ ଜଙ୍ଗଲ ପ୍ରଭୃତିରେ ମଧ୍ୟ ବିଭିନ୍ନ ଅଫରର ଲାଭ ଉଠାଇପାରିବେ।
ଏହି କାର୍ଯ୍ୟକ୍ରମରେ ଟାଟା ପାୱାରର ଚିଫ୍ ଓଡିଶା ଡିଷ୍ଟ୍ରିବ୍ୟୁସନ୍ ବିଜନେସ ଶ୍ରୀ ଗଜାନନ କାଲେ ଏବଂ ଟିପିସିଓଡିଏଲ୍ର ସିଇଓ ଶ୍ରୀ ଅରଭିନ୍ଦ ସିଂହ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। ସେମାନଙ୍କ ସହ ଅଂଶୀଦାର ସଂଗଠନର ପ୍ରତିନିଧି ଭାବେ ୱାଣ୍ଡରଲାରୁ ଶ୍ରୀଯୁକ୍ତ ସମୀର ଅଲି ଏବଂ ୱାନ୍ମୋରରେପ୍ ରୁ ଶ୍ରୀଯୁକ୍ତ ଆନନ୍ଦ ରେଡ୍ଡୀଙ୍କ ସମେତ ଟିପିସିଓଡିଏଲ୍ର ଅନ୍ୟାନ୍ୟ ବରିଷ୍ଠ କର୍ମକର୍ତ୍ତାମାନେ ମଧ୍ୟ ଉପସ୍ଥିତ ରହି କାର୍ଯ୍ୟକ୍ରମର ଶୋଭା ବଢ଼ାଇଥିଲେ।
ଏହି ଅବସରରେ ଟିପିସିଓଡିଏଲ୍ର ସିଇଓ ଶ୍ରୀ ଅରଭିନ୍ଦ ସିଂହ କହିଛନ୍ତି ଯେ, “କେବଳ ଭରସାଯୋଗ୍ୟ, ବିଦ୍ୟୁତ୍ ଯୋଗାଣ ନୁହେଁ ବରଂ ଗ୍ରାହକମାନଙ୍କୁ ଏକ ଉନ୍ନତ ଅନୁଭୂତି ପ୍ରଦାନ କରିବା ସର୍ବଦା କମ୍ପାନୀର ପ୍ରାଥମିକତା ରହିଆସିଛି। ସେ ଆହୁରି ମଧ୍ୟ କହିଛନ୍ତି ଯେ, ଏହି ‘କଷ୍ଟମର ରିୱାର୍ଡ କାର୍ଯ୍ୟକ୍ରମ’ ଗ୍ରାହକ-କୈନ୍ଦ୍ରିକ ସେବା ଏବଂ ନୂତନତା ପ୍ରତି ଆମର ନିଷ୍ଠାକୁ ପ୍ରମାଣିତ କରୁଛି। ଏହି ପଦକ୍ଷେପ ମାଧ୍ୟମରେ ଆମେ ଗ୍ରାହକଙ୍କୁ ବିଭିନ୍ନ ଲାଭଦାୟକ ସୁବିଧା ପ୍ରଦାନ କରି ସେମାନଙ୍କ ସହ ସମ୍ପର୍କକୁ ଅଧିକ ନିବିଡ଼ କରିବାକୁ ଚାହୁଁଛୁ। ଏହି କାର୍ଯ୍ୟକ୍ରମ ଟିପିସିଓଡିଏଲ୍କୁ ଉପଭୋକ୍ତାଙ୍କ ଦୈନନ୍ଦିନ ଜୀବନର ଏକ ମୂଲ୍ୟଭିତ୍ତିକ ସହଯୋଗୀ ଭାବେ ଉପସ୍ଥାପିତ କରିବ।
ଏହି ପଦକ୍ଷେପ ଉପଭୋକ୍ତାମାନଙ୍କ ପାଇଁ ଏକ ଅଧିକ ଆକର୍ଷଣୀୟ ଏବଂ ଲାଭଦାୟକ ଅନୁଭୂତି ସୃଷ୍ଟି କରିବା ସହ ଟିପିସିଓଡିଏଲ୍ର ଡିଜିଟାଲ୍ ପ୍ଲାଟଫର୍ମଗୁଡ଼ିକରେ ଅଧିକ ସଂଖ୍ୟକ ଉପଭୋକ୍ତାଙ୍କ ଅଂଶଗ୍ରହଣକୁ ଉତ୍ସାହିତ କରିବ।
ଜରୁରୀକାଳୀନ ବିଦ୍ୟୁତ୍ ସେବା ସହିତ ଆକର୍ଷଣୀୟ ଲାଭଗୁଡ଼ିକୁ ସଂଯୁକ୍ତ କରି ଟିପିସିଓଡିଏଲ୍ ଗ୍ରାହକ ଅନୁଭୂତିକୁ ଏକ ନୂତନ ରୂପ ଦେବା ସହ ବିଦ୍ୟୁତ୍ ବିତରଣ କ୍ଷେତ୍ରରେ ସଫଳତାର ନୂଆ ମାନଦଣ୍ଡ ସ୍ଥାପନ କରିଛି।
