ଏକ ଦୃଢ଼ ଆର୍ଥିକ ମୂଳଦୁଆ ପାଇଁ ଯୁବ ଭାରତୀୟଙ୍କ ଆବଶ୍ୟକ ଅର୍ଥ ଦକ୍ଷତା
ଟ୍ରାନ୍ସୟୁନିୟନ ସିବିଲର ବରିଷ୍ଠ ନିର୍ଦ୍ଦେଶକ ତଥା ଉପଭୋକ୍ତା ଇଂଟରଆକ୍ଟିଭ୍ (ଡାଇରେକ୍ଟ-ଟୁ-କଞ୍ଜ୍ୟୁମର) ଇଣ୍ଡିଆର ମୁଖ୍ୟ ଭୂଷଣ ପାଡକିଲ୍ଙ୍କ ଦ୍ୱାରା ଲିଖିତ
ଭୁବନେଶ୍ୱର: ଭାରତର ଯୁବପିଢ଼ି ହେଉଛନ୍ତି ଦେଶର ଭବିଷ୍ୟତ ବିକାଶ ଓ ଆର୍ôଥକ ସଫଳତାର ଆଲୋକବର୍ତିକା । ତେଣୁ ପ୍ରାରମ୍ଭିକ ବର୍ଷଗୁଡ଼ିକରେ ଏକ ସୁଦୃଢ଼ ଆର୍ôଥକ ମୁଳଦୁଆ ଗଠନ ସେମାନଙ୍କ ପାଇଁ ଗୁରୁତ୍ୱପୂର୍ଣ୍ଣ । ଏହା ସେମାନଙ୍କୁ ସେମାନଙ୍କର ଅର୍ଥକୁ ଭଲ ଭାବରେ ପରିଚାଳନା କରିବାରେ ଏବଂ ଅତ୍ୟାବଶ୍ୟକ ଅର୍ଥ କୌଶଳ ହାସଲ କରିବାରେ ସାହାଯ୍ୟ କରିବ ଯାହା ସେମାନଙ୍କୁ ଜଣେ ବ୍ୟକ୍ତି ଭାବେ ଆର୍ôଥକ ସ୍ଥିରତା ହାସଲ କରିବାରେ ସହାୟକ ହେବ ।
କ୍ରେଡିଟ୍ ସ୍କୋରକୁ ବୁଝିବାଠାରୁ ଆରମ୍ଭ କରି ନିବେଶ ଏବଂ ବଜେଟ୍ ବିଷୟରେ ଶିଖିବା ପର୍ଯ୍ୟନ୍ତ, ଆର୍ôଥକ ସ୍ଥିତିକୁ କିପରି ପ୍ରଭାବଶାଳୀ ଭାବରେ ପରିଚାଳନା କରାଯିବ ସେ ବିଷୟରେ ସୂଚନାର ଅଭାବ ନାହିଁ । ତେବେ ଯୁବ ଭାରତୀୟମାନେ ନିବେଶ କିମ୍ବା ଋଣ ନେବା ଭଳି ଜଟିଳ ପଦ୍ଧତିର ଫାଇଦା ଉଠାଇବା ପୂର୍ବରୁ ସେମାନେ କେଉଁ ମୌଳିକ ଦକ୍ଷତା ହାସଲ କରିବା ଆବଶ୍ୟକ ସେ ବିଷୟରେ ସଚେତନ ହେବା ଆବଶ୍ୟକ ।
ଏହି ବ୍ଲଗରେ, ଆମେ କିଛି ଅତ୍ୟାବଶ୍ୟକ ଅର୍ଥ କୌଶଳ ବିଷୟରେ ଆଲୋଚନା କରିଛୁ ଯାହା ପ୍ରତ୍ୟେକ ଯୁବ ଭାରତୀୟଙ୍କୁ ଏକ ମଜଭୁତ ଆର୍ôଥକ ମୁଳଦୁଆ ଗଠନ କରିବାରେ ଦକ୍ଷ କରିବ ।
ବଜେଟ୍ ଓ ଅର୍ଥ ସଂଚୟ
ବଜେଟ୍ ହେଉଛି ଆପଣଙ୍କ ଆୟ ଏବଂ ଖର୍ଚ୍ଚ ଆଧାରରେ ମାସ ପାଇଁ ଆପଣଙ୍କ ଖର୍ଚ୍ଚ ଉପରେ ଏକ ସୀମା ସ୍ଥିର କରିବା, ଯେତେବେଳେ କି ସଂଚୟ ହେଉଛି ଭବିଷ୍ୟତ ବ୍ୟବହାର ପାଇଁ ଆପଣଙ୍କ ଆୟରୁ କିଛି ଅଂଶକୁ ଅଲଗା ରଖିବା । ଏକ ବଜେଟ୍ ସୃଷ୍ଟି କରିବା ଆପଣଙ୍କୁ ଆପଣଙ୍କ ଆର୍ôଥକ ସ୍ଥିତିକୁ ଭଲ ଭାବରେ ପରିଚାଳନା କରିବାରେ ସାହାଯ୍ୟ କରିପାରେ କାରଣ ଏହା ଆପଣଙ୍କୁ କେଉଁଠାରେ ଟଙ୍କା ଖର୍ଚ୍ଚ କରୁଛନ୍ତି ତାହା ଜାଣିବାରେ ଏବଂ ସେହି କ୍ଷେତ୍ରଗୁଡିକୁ ଚିହ୍ନଟ କରିବା ଅନୁମତି ଦେଇଥାଏ ଯେଉଁଠାରେ ଆପଣ ଅଧିକ ଟଙ୍କା କାଟିପାରିବେ କିମ୍ବା ଅଧିକ ସଂଚୟ କରିପାରିବେ ।
ଅପରପକ୍ଷେ, ଟଙ୍କା ସଂଚୟ କରିବା ଦ୍ୱାରା ଭବିଷ୍ୟତରେ ଯଦି କିଛି ଅପ୍ରତ୍ୟାଶିତ ଘଟଣା ଘଟେ, ତେବେ କ୍ରେଡିଟ୍ କାର୍ଡ ଉପରେ ନିର୍ଭର ନକରି କିମ୍ବା ଋଣ ନ ନେଇ ନିଜକୁ ସମର୍ଥନ କରିବା ପାଇଁ ଆପଣଙ୍କ ପାଖରେ ପର୍ଯ୍ୟାପ୍ତ ପାଣ୍ଠି ରହିବାକୁ ସୁନିଶ୍ଚିତ କରିବାରେ ସହାୟକ ହେବ ।
ବଜେଟ୍ ତିଆରି କରିବା ଏବଂ ଏହାକୁ ଜାରି ରଖିବା ପାଇଁ କିଛି ଟିପସ୍: ଆପଣଙ୍କ ଖର୍ଚ୍ଚକୁ ଜାଣିବା; ବାସ୍ତବିକ ଲକ୍ଷ୍ୟ ସ୍ଥିର କରିବା ଯାହାକୁ ଆପଣ ଜାରି ରଖିପାରିବେ; ଚାହିଦା ଅପେକ୍ଷା ଆବଶ୍ୟକତାକୁ ପ୍ରାଥମିକତା ଦେବା; ଜରୁରୀକାଳୀନ ପାଣ୍ଠି ଗଠନ; ଆବେଗ କ୍ରୟରୁ ଦୂରେଇ ରହିବା; ଏବଂ ରିହାତି କିମ୍ବା କୁପନର ଫାଇଦା ନେବା ।
ବଜେଟରେ ସ୍ୱଳ୍ପକାଳୀନ ଆର୍ôଥକ ଲକ୍ଷ୍ୟ ଏବଂ ଅବସର ଭଳି ଦୀର୍ଘମିଆଦୀ ଲକ୍ଷ୍ୟ ପାଇଁ ସଞ୍ଚଚୟକୁ ମଧ୍ୟ ଅନ୍ତର୍ଭୁକ୍ତ କରାଯିବା ଉଚିତ୍ । କ୍ରେଡିଟ୍ କାର୍ଡ କିମ୍ବା ଋଣ ଉପରେ ନିର୍ଭର ନକରି ଭବିଷ୍ୟତର ଆବଶ୍ୟକତା ପୂରଣ କରିବା ପାଇଁ ପାଖରେ ପର୍ଯ୍ୟାପ୍ତ ପାଣ୍ଠି ରଖିବାରେ ।ଏହା ଯୁବ ଭାରତୀୟମାନଙ୍କୁ ସୁନିଶ୍ଚିତ କରିବାରେ ସାହାଯ୍ୟ କରିବ ।
କ୍ରେଡିଟ୍ ଏବଂ ଋଣ ପରିଚାଳନା
କ୍ରେଡିଟ୍ ଏବଂ ଋଣ ପରିଚାଳନା ହେଉଛି ଯେକୌଣସି ଯୁବବର୍ଗଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ ଦକ୍ଷତା । କ୍ରେଡିଟ୍ କାର୍ଡ, ଋଣ ଏବଂ ଅନ୍ୟାନ୍ୟ ପ୍ରକାରର ଋଣ ଦାୟିତ୍ୱପୂର୍ଣ୍ଣ ଭାବରେ ବ୍ୟବହାର କଲେ ବହୁତ ଉପଯୋଗୀ ହୋଇପାରେ । କିନ୍ତୁ ଏହାର ସଠିକ୍ ପରିଚାଳନା କରା ନଗଲେ ତାହା ଶୀଘ୍ର ଅସମ୍ଭାଳ କରଜର କାରଣ ହୋଇପାରେ ।
ଋଣ ଜାଲରେ ପଡ଼ିବାରୁ ବଂଚିିବା ପାଇଁ ଯୁବପିଢ଼ି ନିଜ କ୍ରେଡିଟ୍ କାର୍ଡକୁ କିପରି ବ୍ୟବହାର କରିବେ କିମ୍ବା ବୁଦ୍ଧିମତା ସହିତ ଋଣ କରିବେ ତାହା ବୁଝିବା ଦରକାର । ଏଥିରେ ସୁଧ ହାର କ\’ଣ ତାହା ବୁଝିବା ଅନ୍ତର୍ଭୁକ୍ତ; ଭିନ୍ନ ଭିନ୍ନ ମିଆଦ କେତେ ଦିନ ପର୍ଯ୍ୟନ୍ତ ରହିଥାଏ; କେତେବେଳେ ଦେୟ ଦେବା ଆବଶ୍ୟକ, ବିଳମ୍ବିତ ଦେୟ ପାଇଁ କୌଣସି ଜରିମାନା ଅଛି କି ନାହିଁ; ଏବଂ ଠିକ୍ ସମୟରେ ଋଣ ପରିଶୋଧ କରିବାର ଗୁରୁତ୍ୱ ଆଦି ଏଥିରେ ସାମିଲ ରହିଛି ।
ଯୁବପିଢ଼ିଙ୍କ ପାଇଁ କ୍ରେଡିଟ୍ ସ୍କୋରର ଧାରଣାକୁ ବୁଝିବା ମଧ୍ୟ ଗୁରୁତ୍ୱପୂର୍ଣ୍ଣ, ଯାହାକୁ ଆର୍ôଥକ ଅନୁଷ୍ଠାନଗୁଡିକ ଜଣେ ବ୍ୟକ୍ତିର ଋଣଯୋଗ୍ୟତାର ମୂଲ୍ୟାଙ୍କନ କରିବା ପାଇଁ ବ୍ୟବହାର କରନ୍ତି । ଋଣ ନେବା ଏବଂ କ୍ରେଡିଟ୍ କାର୍ଡ ପାଇଁ ଅନୁମୋଦନ ପାଇବା ପାଇଁ ଏକ ଭଲ ସିବିଲ୍ ସ୍କୋର ରହିବା ଜରୁରୀ, କାରଣ ଏହା ଋଣଦାତାମାନଙ୍କୁ ଋଣ ଦେବା କି ନାହିଁ ସେ ବିଷୟରେ ସଚେତନ ନଷ୍ପତିି ନେବାରେ ସାହାଯ୍ୟ କରେ ।
ଭବିଷ୍ୟତ ପାଇଁ ନିବେଶ
ଯୁବପିଢ଼ିଙ୍କ ପାଇଁ ନିବେଶ ଏକ ଗୁରୁତ୍ୱପୂର୍ଣ୍ଣ କୌଶଳ କାରଣ ଏହା ସେମାନଙ୍କୁ ଦୀର୍ଘକାଳୀନ ସମ୍ପତି ଗଠନ କରିବାରେ ସାହାଯ୍ୟ କରେ । ଶୀଘ୍ର ନିବେଶ କରିବା ସେମାନଙ୍କୁ ଚକ୍ରବୃଦ୍ଧି ଶକ୍ତିର ଫାଇଦା ଉଠାଇବାରେ ସାହାଯ୍ୟ କରିପାରେ, ଅର୍ଥାତ୍ ନିବେଶ ରିଟର୍ଣ୍ଣ ଅର୍ଜନ କରିବା ଏବଂ ସେହି ରିଟର୍ଣ୍ଣକୁ ପୁନଃନିବେଶ କରୁଥିବାରୁ ସମୟ କ୍ରମେ ସେମାନଙ୍କ ଟଙ୍କା ଦ୍ରୁତ ଗତିରେ ବୃଦ୍ଧି ପାଇବ । ପୁଞ୍ଜିନିବେଶ ପୂର୍ବରୁ ଯୁବ ଭାରତୀୟମାନେ ବିଭିନ୍ନ ପ୍ରକାର ନିବେଶ ବିକଳ୍ପ ଯଥା ଷ୍ଟକ୍, ବଣ୍ଡ୍, ମ୍ୟୁଚୁଆଲ୍ ଫଣ୍ଡ୍ ଏବଂ ଇଟିଏଫ୍ ବିଷୟରେ ଜାଣିବା ଉଚିତ୍ ।
ବିପଦ ସହନଶୀଳତାକୁ ବୁଝିବା ଏବଂ ବ୍ୟକ୍ତିଗତ ଲକ୍ଷ୍ୟ ଆଧାରରେ ନିବେଶ କିପରି ଚୟନ କରାଯିବ ତାହା ମଧ୍ୟ ଗୁରୁତ୍ୱପୂର୍ଣ୍ଣ । ଶେଷରେ, ଯୁବ ନିବେଶକମାନେ ସମୟ କ୍ରମେ ସେମାନଙ୍କ ନିବେଶ ସହିତ ସନ୍ତୁଳିତ ରହିବା ଏବଂ ସ୍ୱଳ୍ପକାଳୀନ ବଜାର ଅସ୍ଥିରତା ଦ୍ୱାରା ନିରୁତ୍ସାହିତ ନହେବା ଗୁରୁତ୍ୱପୂର୍ଣ୍ଣ । ଏହା ସୁନିଶ୍ଚିତ କରିବ ଯେ ସେମାନେ ଦୀର୍ଘକାଳୀନ ଭାବରେ ସେମାନଙ୍କ ନିବେଶର ଲାଭ ଉଠାଇବାରେ ସକ୍ଷମ ହେବେ ।
ଅବସର ପାଇଁ ଯୋଜନା
ଅବସର ଯୋଜନା ହେଉଛି ଏପରି ଏକ ବିଷୟ ଯାହା ବିଷୟରେ ଯୁବପିଢ଼ି ଶୀଘ୍ର ଚିନ୍ତା କରିବା ଉଚିତ୍ । ଯଦି ଆପଣ ଶୀଘ୍ର ସଂଚୟ କରିବା ଆରମ୍ଭ କରନ୍ତି ଏବଂ ନିୟମିତ ନିବେଶ କରିବା ଆରମ୍ଭ କରନ୍ତି ତେବେ ସୁଧ ବୃଦ୍ଧି ଆପଣଙ୍କୁ ଅବସର ପାଇଁ ଗୁରୁତ୍ୱପୂର୍ଣ୍ଣ ଅର୍ଥ ସଞ୍ଚୟ କରିବାରେ ସାହାଯ୍ୟ କରିପାରେ ।
ନିଜର ବୟସ ଏବଂ ବିପଦ ସହନଶୀଳତାକୁ ଦୃଷ୍ଟିରେ ରଖି କାର୍ କିଣିବା ଭଳି ସ୍ୱଳ୍ପକାଳୀନ ଲକ୍ଷ୍ୟ ଏବଂ ଅବସର ଭଳି ଦୀର୍ଘମିଆଦୀ ଲକ୍ଷ୍ୟ ମଧ୍ୟରେ ସଠିକ୍ ସନ୍ତୁଳନ ଖୋଜିବା ଜରୁରୀ । ଅବସର ଯୋଜନାରେ ବିଭିନ୍ନ ପ୍ରକାରନିବେଶ ବିକଳ୍ପ, ଟିକସ ପ୍ରଭାବକୁ ବୁଝିବା ଏବଂ ସମୟ କ୍ରମେ ହାସଲ ଯୋଗ୍ୟ ବାସ୍ତବିକ ଲକ୍ଷ୍ୟ ସ୍ଥିର କରିବା ଆବଶ୍ୟକ ।
ପରିଶେଷ
ଏକ ସୁଦୃଢ଼ ଆର୍ôଥକ ମୁଳଦୁଆ ଗଠନ ଦକ୍ଷତା ହାସଲ କରିବା ଭାରତୀୟଙ୍କ ପାଇଁ ଗୁରୁତ୍ୱପୂର୍ଣ୍ଣ । ଏଥିପାଇଁ ଅର୍ଥ, ଋଣ ଏବଂ ଋଣ କିପରି ପରିଚାଳନା କରାଯିବ, ଭବିଷ୍ୟତ ପାଇଁ ନିବେଶ କରିବା ଏବଂ ଅବସର ପାଇଁ କିଭଳି ଯୋଜନା କରିବାକୁ ହେବ ତାହା ବୁଝିବା ଆବଶ୍ୟକ । ବିଭିନ୍ନ ଆର୍ôଥକ ଧାରଣା ବିଷୟରେ ଜାଣିବା ପାଇଁ ସମୟ ନେଇ ସେମାନେ ସୁନିଶ୍ଚିତ କରିପାରିବେ ଯେ ସେମାନେ ନିଜ ଅର୍ଥରେ ଚତୁରତାର ସହ ନିଷ୍ପତି ନେବାରେ ସକ୍ଷମ ହୋଇପାରିବେ ଏବଂ ଦୀର୍ଘକାଳୀନ ସମ୍ପତି ନିର୍ମାଣ କରିପାରିବେ ।
