ବାତ୍ୟା ‘’ମୋନ୍ଥା’’ର ମୁକାବିଲା ପାଇଁ ପ୍ରସ୍ତୁତ ଟିପିଡବ୍ଲୁଓଡିଏଲ୍: ବିଦ୍ୟୁତ୍ ସେବା ପୁନରୁଦ୍ଧାର ଲାଗି ଦଳ ମୁତୟନ ଏବଂ ପର୍ଯ୍ୟାପ୍ତ ପରିମାଣରେ ବୈଦ୍ୟୁତିକ ସାମଗ୍ରୀ ମହଜୁଦ, ଭାବନୀପାଟଣାଠାରେ ନିୟନ୍ତ୍ରଣ କକ୍ଷ ସ୍ଥାପନ

• ଭବାନୀପାଟଣାଠାରେ ନିୟନ୍ତ୍ରଣ କକ୍ଷ ପ୍ରତିଷ୍ଠା କରାଯାଇଛି; ଜରୁରୀକାଳୀନ ପରିସ୍ଥିତିରେ ନିରବଚ୍ଛିନ୍ନ ଯୋଗାଯୋଗ ସୁନିଶ୍ଚିତ କରୁଛି ସାଟେଲାଇଟ୍ ଲିଙ୍କ୍ ।
• ସମ୍ଭାବ୍ୟ ବାତ୍ୟାକୁ ମୁକାବିଲା କରିବା ପାଇଁ ରଣନୀତିକ ଭାବରେ ମାନବଶକ୍ତି, ଯନ୍ତ୍ରପାତି ଏବଂ ସାମଗ୍ରୀ ମହଜୁଦ କରାଯାଇଛି ।

ବୁର୍ଲା: ସମ୍ଭାବ୍ୟ ବାତ୍ୟା ‘’ମୋନ୍ଥା’’ ସମୟରେ ବିଦ୍ୟୁତ୍ ଭିତ୍ତିଭୂମିର ସୁରକ୍ଷା ତଥା ନିରବଚ୍ଛିନ୍ନ ବିଦ୍ୟୁତ୍ ଯୋଗାଣ ସୁନିଶ୍ଚିତ କରିବା ପାଇଁ ପଶ୍ଚିମ ଓଡ଼ିଶାର ବିଦ୍ୟୁତ୍ ବିତରଣ କମ୍ପାନୀ ଟିପି ୱେଷ୍ଟର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ ପକ୍ଷରୁ ବ୍ୟାପକ ପ୍ରସ୍ତୁତି ପଦକ୍ଷେପ ଗ୍ରହଣ କରାଯାଇଅଛି । ସମ୍ଭାବ୍ୟ ବାତ୍ୟା ପ୍ରଭାବିତ ଅଞ୍ଚଳ ଗୁଡ଼ିକରେ ଶୀଘ୍ର ପୁନରୁଦ୍ଧାରକୁ ସକ୍ଷମ କରିବା ପାଇଁ କମ୍ପାନୀ ପକ୍ଷରୁ ରଣନୀତିକ ଭାବରେ ମାନବଶକ୍ତି, ଯନ୍ତ୍ରପାତି ଏବଂ ଅତ୍ୟାବଶ୍ୟକ ସାମଗ୍ରୀ ନିୟୋଜିତ କରାଯାଇଅଛି ।

ମାନବଶକ୍ତି ଏବଂ ଯନ୍ତ୍ରପାତି ନିୟୋଜନ:

ଇଞ୍ଜିନିୟର ଏବଂ ବୈଷୟିକ କର୍ମଚାରୀଙ୍କ ସମେତ ୫,୨୦୦ରୁ ଅଧିକ କର୍ମଚାରୀଙ୍କୁ ବିଭିନ୍ନ ବିଭାଗୀୟ କାର୍ଯ୍ୟାଳୟରେ ନିୟୋଜିତ କରାଯାଇଛି । ସମସ୍ତ ରକ୍ଷଣାବେକ୍ଷଣ ଦଳ ସମ୍ପୂର୍ଣ୍ଣ ପ୍ରସ୍ତୁତି ସହିତ ସଜାଗ ଅଛନ୍ତି, ଯେତେବେଳେ କଳାହାଣ୍ଡି ଜିଲ୍ଲାଗୁଡ଼ିକରେ ସ୍ୱତନ୍ତ୍ର ପ୍ରକଳ୍ପ ଏବଂ ପୁନରୁଦ୍ଧାର ଦଳ ନିୟୋଜିତ ହୋଇଛନ୍ତି । କଳାହାଣ୍ଡି ଜିଲ୍ଲାର ବିଭିନ୍ନ ସବଷ୍ଟେସନ ଗୁଡ଼ିକରେ ୫୨ଟି ପୋଲ ମାଷ୍ଟର ଏବଂ ୧୨୦୦ କର୍ମଚାରୀଙ୍କୁ ନେଇ ଗଠିତ ରାପିଡ୍ ରିସ୍ପୋନ୍ସ ଟିମ ୨୪ ଘଣ୍ଟା କାର୍ଯ୍ୟ ତଦାରଖ ଏବଂ କ୍ଷେତ୍ର କାର୍ଯ୍ୟକୁ ସମର୍ଥନ କରିବା ପାଇଁ ମୃତୟନ କରାଯାଇଅଛି ।

ସେହିପରି ପୁନରୁଦ୍ଧାର କାର୍ଯ୍ୟ ପାଇଁ ୧୫୦ ରୁ ଅଧିକ ଉପଯୋଗୀ ଯାନ, କ୍ରେନ୍ ଏବଂ ଟ୍ରେଲରଗୁଡ଼ିକୁ ନିୟୋଜିତ କରାଯାଇଛି । ଆଇଏମଡି ପ୍ରେସ୍ ରିଲିଜ୍ ଅନୁଯାୟୀ ଟିପିଡବ୍ଲୁଓଡିଏଲ୍ ଅଞ୍ଚଳରେ କଳାହାଣ୍ଡି ସର୍ବାଧିକ ପ୍ରଭାବିତ ହେବାର ଆଶଙ୍କା ଥିବାରୁ କଳାହାଣ୍ଡିର ନିମ୍ନଭାଗ ଏବଂ ବନ୍ୟା ପ୍ରବଣ ଅଞ୍ଚଳକୁ ସମର୍ଥନ କରିବା ପାଇଁ ୨୦ଟି ଉଚ୍ଚ-କ୍ଷମତା ସମ୍ପନ୍ନ ଡିୱାଟରିଂ ପମ୍ପ, ୧୨ଟି ପୋର୍ଟେବଲ୍ ଡିଜି ସେଟ୍ ଏବଂ ମୋବାଇଲ୍ ଲାଇଟିଂ ଟାୱାର ବ୍ୟବସ୍ଥା କରାଯାଇଛି । ସେହିପରି ଟିପିଡବ୍ଲୁଓଡିଏଲ୍ ଅଧୀନରେ ଥିବା ସମସ୍ତ ଡିଭିଜନକୁ ହାଇ ଆଲର୍ଟରେ ରଖାଯାଇଛି । ସମସ୍ତ କ୍ଷେତ୍ର କର୍ମଚାରୀଙ୍କୁ ପ୍ରକୃତ ସମୟ ସମନ୍ୱୟ ପାଇଁ ଇନସୁଲେଟେଡ୍ ଉପକରଣ, ସୁରକ୍ଷା ଗିଅର ଏବଂ ଯୋଗାଯୋଗ ସହାୟତା ସହିତ ସଜ୍ଜିତ କରାଯାଇଛି ।

ପର୍ଯ୍ୟାପ୍ତ ପରିମାଣରେ ବୈଦ୍ୟୁତିକ ସାମଗ୍ରୀ ମହଜୁଦ:

ବୈଦ୍ୟୁତିକ ସାମଗ୍ରୀ ମହଜୁଦ ସୁନିଶ୍ଚିତ କରିବା ପାଇଁ, କମ୍ପାନୀ ପକ୍ଷରୁ ୪,୮୦୦ ପିଏସସି ପୋଲ, ୨୬୦୦ ଟ୍ୟୁବୁଲାର୍ ପୋଲ ଏବଂ ୨୧୦ଟି ବଣ୍ଟନ ଟ୍ରାନ୍ସଫର୍ମର, ପର୍ଯ୍ୟାପ୍ତ କଣ୍ଡକ୍ଟର, କେବୁଲ୍ ଏବଂ ଆନୁଷଙ୍ଗିକ ସାମଗ୍ରୀ ମହଜୁଦ ରଖାଯାଇଅଛି । ଜରୁରୀକାଳୀନ ପ୍ରେରଣ ପାଇଁ ଉତ୍ସର୍ଗୀକୃତ ଲଜିଷ୍ଟିକ୍ସ ସହିତ ଡିଭିଜନାଲ ଷ୍ଟୋରଗୁଡ଼ିକ 24×7 କାର୍ଯ୍ୟକ୍ଷମ ରହିଛି ।

ଭାବନୀପାଟଣାଠାରେ ନିୟନ୍ତ୍ରଣ କକ୍ଷ ସ୍ଥାପନ:

ବାତ୍ୟା ମୋନ୍ଥା ସମୟରେ ବିଦ୍ୟୁତ୍ ଯୋଗାଣ ସମ୍ବନ୍ଧୀୟ ସମସ୍ୟା ଉପରେ ନଜର ରଖିବା ଏବଂ ପୁନରୁଦ୍ଧାର କାର୍ଯ୍ୟର ସମନ୍ୱୟ ପାଇଁ କଳାହାଣ୍ଡି ଜିଲ୍ଲାର ଭବାନୀପାଟଣାରେ କମ୍ପାନୀ ପକ୍ଷରୁ ଏକ ନିୟନ୍ତ୍ରଣ କକ୍ଷ ସ୍ଥାପନ କରାଯାଇଅଛି । କଳାହାଣ୍ଡିର ମଣ୍ଡଳ କାର୍ଯ୍ୟାଳୟ ଏବଂ ବୁର୍ଲା ସ୍ଥିତ କର୍ପୋରେଟ୍ କାର୍ଯ୍ୟାଳୟ ମଧ୍ୟରେ ସାଟେଲାଇଟ୍ ଫୋନ୍ ସଂଯୋଗ ସ୍ଥାପନ କରାଯାଇଅଛି । ଜରୁରୀକାଳୀନ ଗତିବିଧି ଏବଂ ସୁଦୃଢ଼ୀକରଣ ପାଇଁ ବରଗଡ଼ ଏବଂ ବଲାଙ୍ଗୀର ବିଦ୍ୟୁତ୍ ମଣ୍ଡଳରୁ ଷ୍ଟାଣ୍ଡବାଇ ଦଳଗୁଡ଼ିକୁ ମଧ୍ୟ ସଜାଗ ରଖାଯାଇଅଛି ।

ଗ୍ରାହକ ସହାୟତା ଏବଂ ଯୋଗାଯୋଗ:

TPWODL ର 24×7 ଟୋଲ୍-ଫ୍ରି ହେଲ୍ପଲାଇନ୍: 1800-3456-798 / 1912
ଟିପିଡବ୍ଲୁଡିଏଲ ପକ୍ଷରୁ ଜନସାଧାରଣ ତଥା ସମସ୍ତ ବିଦ୍ୟୁତ୍ ଉପଭୋକ୍ତାମାନଙ୍କୁ ବାତ୍ୟା ଜନିତ କ୍ଷୟକ୍ଷତି ପାଇଁ ଉପରକ୍ତ ୨୪ ଘଣ୍ଟିଆ ଦେୟମୁକ୍ତ ନମ୍ବରରେ ଯୋଗାଯୋଗ କରିବାକୁ ଅନୁରୋଧ କରାଯାଉଅଛି । ଆପଣମାନଙ୍କର ସମସ୍ତ ସମସ୍ୟା ଗୁଡ଼ିକର ତୁରନ୍ତ ଏବଂ ଦକ୍ଷତାର ସହିତ ପରିଚାଳନା କରିବା ପାଇଁ କମ୍ପାନୀ ପକ୍ଷରୁ ବିଭିନ୍ନ ଜୋନରେ ଜରୁରୀକାଳୀନ ପ୍ରତିକ୍ରିୟା ଦଳଗୁଡ଼ିକୁ ନିୟୋଜିତ କରାଯାଇଅଛି ।

ସୁରକ୍ଷା ପରାମର୍ଶ:

ସମ୍ଭାବ୍ୟ ବାତ୍ୟା ‘’ମୋନ୍ଥା’’କୁ ଦୃଷ୍ଟିରେ ରଖି ଟିପିଡବ୍ଲୁଓଡିଏଲ୍ ଏହାର ସମସ୍ତ ଉପଭୋକ୍ତା ତଥା ଜନସାଧାରଣଙ୍କୁ ସତର୍କ ରହିବାକୁ ଏବଂ ଅତ୍ୟାବଶ୍ୟକ ସୁରକ୍ଷା ନିର୍ଦ୍ଦେଶାବଳୀ ପାଳନ କରିବାକୁ ଅନୁରୋଧ କରୁଅଛି:

o ବର୍ଷା ଏବଂ ବନ୍ୟା ସମୟରେ ବିଦ୍ୟୁତ୍ ଖୁଣ୍ଟ, ତାର କିମ୍ବା କୌଣସି ପ୍ରକାର ବୈଦ୍ୟୁତିକ ଉପକରଣକୁ ସ୍ପର୍ଶ କରନ୍ତୁ ନାହିଁ ।
o ପ୍ରବଳ ପବନ ସମୟରେ ଘର ଭିତରେ ରୁହନ୍ତୁ ଏବଂ ଗଛ କିମ୍ବା ଅସ୍ଥାୟୀ ସ୍ଥାନରୁ ଦୂରରେ ରୁହନ୍ତୁ ।
o ଓଦା ହାତରେ କିମ୍ବା ପାଣିରେ ଠିଆ ହୋଇ ବୈଦ୍ୟୁତିକ ଉପକରଣ ବ୍ୟବହାର କରନ୍ତୁ ନାହିଁ ।
o ଖୋଲା ଡ୍ରେନ୍ ଏବଂ ଜଳବନ୍ଦୀ ଅଞ୍ଚଳରୁ ପିଲାମାନଙ୍କୁ ଦୂରରେ ରଖନ୍ତୁ ।

ସମ୍ଭାବ୍ୟ ବାତ୍ୟା ‘’ମୋନ୍ଥା’’ ସମୟରେ ବିଦ୍ୟୁତ୍ ସେବା ବିତରଣକୁ ନେଇ ଟିପିଡବ୍ଲୁଓଡିଏଲର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ପ୍ରବୀଣ ବର୍ମା ପ୍ରକାଶ କରିଛନ୍ତି ଯେ, ବାତ୍ୟାକୁ ଦୃଷ୍ଟିରେ ରଖି ଆମର ପ୍ରାଥମିକତା ହେଉଛି ଜନସାଧାରଣଙ୍କ ସୁରକ୍ଷା ସୁନିଶ୍ଚିତ କରିବା ଏବଂ ଆଗୁଆ ଯୋଜନା ଏବଂ ଦ୍ରୁତ ପ୍ରତିକ୍ରିୟା ମାଧ୍ୟମରେ ବିଦ୍ୟୁତ୍ ବିଭ୍ରାଟକୁ କମ କରିବା । ଆମର ସମସ୍ତ ଦଳ ଏବଂ ସମ୍ବଳ ଯେକୌଣସି ବିଭ୍ରାଟ ହେଲେ ଯଥାଶୀଘ୍ର ଯୋଗାଣ ପୁନଃସ୍ଥାପିତ କରିବା ପାଇଁ ଉଚ୍ଚ ସତର୍କତା ଅବଲମ୍ବନ କରୁଛନ୍ତି ।
ଟିପିଡବ୍ଲୁଓଡିଏଲ ସମ୍ଭାବ୍ୟ ବାତ୍ୟା ‘’ମୋନ୍ଥା’’ ସମୟରେ ସୁସମନ୍ୱିତ ମାନବଶକ୍ତି ଏବଂ ସାମଗ୍ରୀ ପ୍ରସ୍ତୁତି ମାଧ୍ୟମରେ ସୁରକ୍ଷା, ନିର୍ଭରଯୋଗ୍ୟତା ଏବଂ ଦ୍ରୁତ ପୁନରୁଦ୍ଧାର ସୁନିଶ୍ଚିତ କରିବା ପାଇଁ ଏହାର ପୂର୍ଣ୍ଣ ପ୍ରତିବଦ୍ଧତାକୁ ପୁନଃନିର୍ଦ୍ଦେଶ କରୁଛି ।