ରାଜକ୍ଷମା ଖାରଜ କଲେ ରାଷ୍ଟ୍ରପତି

ନୂଆଦିଲ୍ଳୀ ()ନିର୍ଭୟା ମାମଲାର ଦୋଷୀ ମୁକେଶ୍ ସିଂହର ରାଜକ୍ଷମା ଆବେଦନ ଖାରଜ କରିଛନ୍ତି ରାଷ୍ଟ୍ରପତି ରାମନାଥ୍ କୋବିନ୍ଦ୍ ।ସୁପ୍ରିମକୋର୍ଟରୁ କ୍ୟୁରେଟିଭ୍ ପିଟିସନ୍ ଖାରଜ ହେବାପରେ ମୁକେଶ୍ ରାଷ୍ଟ୍ରପତିଙ୍କୁ ରାଜକ୍ଷମା ଆବେଦନ ପାଇଁ ଆବେଦନ କରିଥିଲା ।

ଚାରି ଦୋଷୀ ମୁକେଶ ସିଂ, ବିନୟ ଶର୍ମା, ଅକ୍ଷୟ ସିଂ ଓ ପଓ୍ୱନ ଗୁପ୍ତାକୁ ଜାନୁଆରୀ ୨୨ ତାରିଖ ସକାଳ ୭ଟାରେ ଫାଶୀ ଦେବାର ଥିଲା । ମୁକେଶର ଦୟା ଯାଚିକା ରାଷ୍ଟ୍ରପତିଙ୍କ ପାଖରେ ଥିବା କାରଣରୁ ଗୁରୁବାର କୋର୍ଟ ପକ୍ଷରୁ ୨୨ ଜାନୁଆରୀରେ ଫାଶୀ ଦିଆଯାଇପାରିବ ନାହିଁ ବୋଲି କୁହାଯାଇଥିଲା ।

ଜାନୁଆରୀ ୭ ତାରିଖରେ ପଟିୟାଲା ହାଉସ୍ କୋର୍ଟ ୪ ଦୋଷୀ ମୁକେଶ୍ ସିଂହ , ବିନୟ ଶର୍ମା , ପୱନ ଗୁପ୍ତା ଏବଂ ଅକ୍ଷୟ ଠାକୁରଙ୍କ ଡେଥ୍ ୱାରେଣ୍ଟ୍ ଜାରୀ କରିଥିଲେ । ତେବେ ଦୋଷୀଙ୍କ ଆଗରେ ଶେଷ ବିକଳ୍ପ ଥିଲା ରାଷ୍ଟ୍ରପତିଙ୍କ ପାଖରେ ଦୟା ଯାଚିକା ଆବେଦନ କରିବା ଏବଂ ମୁକେଶ୍ ସିଂହ ରାଜକ୍ଷମା ଆବେଦନ ମଧ୍ୟ କରିଥିଲା, ଯାହାକୁ ଆଜି ରାଷ୍ଟ୍ରପତି ରାମନାଥ୍ କୋବିନ୍ଦ୍ ଖାରଜ କରିଛନ୍ତି ।