ଇଭିକୁ ପ୍ରୋତ୍ସାହିତ କରିବା ପାଇଁ ଆକ୍ସିସ ବ୍ୟାଙ୍କ ପକ୍ଷରୁ ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ସହିତ ସହଭାଗୀତା
ଭୁବନେଶ୍ୱର : ଭାରତର ସର୍ବବୃହତ ଘରୋଇ କ୍ଷେତ୍ରର ବ୍ୟାଙ୍କଗୁଡ଼ିକ ମଧ୍ୟରୁ ଗୋଟିଏ, ଆକ୍ସିସ ବ୍ୟାଙ୍କ, ଜେଏସଡବ୍ଲ୍ୟୁ ଏମଜି ମୋଟର ସହିତ ମିଳିତ ଭାବରେ, ଭାରତୀୟ ଗ୍ରାହକମାନଙ୍କ ପାଇଁ ବୈଦ୍ୟୁତିକ ଗତିଶୀଳତାକୁ ଅଧିକ ସୁଗମ ଏବଂ ଭବିଷ୍ୟତ ପାଇଁ ପ୍ରସ୍ତୁତ କରିବା ପାଇଁ ଡିଜାଇନ୍ କରାଯାଇଥିବା ଏକ ଅଭିନବ ଦ୍ୱୈତ ଋଣ କାର୍ଯ୍ୟକ୍ରମ ପ୍ରଚଳନ କରିଛି।
ଏମଜିର ଅଗ୍ରଣୀ ବ୍ୟାଟେରୀ-ଆଜ୍-ଏ-ସର୍ଭିସ୍ (ବାସ୍) ମଡେଲରେ ଆବଦ୍ଧ, ଏହି ପଦକ୍ଷେପ ଗ୍ରାହକମାନଙ୍କୁ ଯାନ ଏବଂ ଏହାର ବ୍ୟାଟେରୀ ପାଇଁ ପୃଥକ ଋଣ ପାଇବାକୁ ଅନୁମତି ଦିଏ, ଯାହା ମାଲିକାନା ମୂଲ୍ୟକୁ ଯଥେଷ୍ଟ ହ୍ରାସ କରିଥାଏ। ଏହି କାର୍ଯ୍ୟକ୍ରମ ୧୦୦ ପ୍ରତିଶତ ପର୍ଯ୍ୟନ୍ତ ଅନ-ରୋଡ ମୂଲ୍ୟ ଓ ବ୍ୟାଟେରୀ ପାଇଁ ୮ ବର୍ଷ ପର୍ଯ୍ୟନ୍ତ ନମନୀୟ କାର୍ଯ୍ୟକାଳ ପ୍ରଦାନ କରୁଛି। ଏହା ପାରମ୍ପରିକ ଇନ୍ଧନ ଖର୍ଚ୍ଚକୁ ପୂର୍ବାନୁମାନଯୋଗ୍ୟ, ଦୀର୍ଘକାଳୀନ ମୂଲ୍ୟରେ ପରିଣତ କରୁଛି ଓ ସ୍ଥାୟୀ ଡ୍ରାଇଭିଂକୁ ଏକ ବ୍ୟବହାରିକ, ବୁଦ୍ଧିମତାର ପସନ୍ଦ ଭାବେ ପ୍ରସ୍ତୁତ କରୁଛି ।
ଏହି ସହଭାଗୀତା ବିଷୟରେ ମତାମତ ଦେଇ, ଆକ୍ସିସ୍ ବ୍ୟାଙ୍କର କାର୍ଯ୍ୟନିର୍ବାହୀ ନିର୍ଦ୍ଦେଶକ ମୁନିଶ ଶାରଦା କହିଛନ୍ତି, “ଆକ୍ସିସ୍ ବ୍ୟାଙ୍କରେ, ଆମେ ଗ୍ରାହକ-ଅନୁକୂଳ ସମାଧାନ ପ୍ରଦାନ କରିବା ଏବଂ ଯାନବାହନ ଫାଇନାନ୍ସିଂରେ ନବସୃଜନକୁ ଆଗକୁ ବଢ଼ାଇବା ପାଇଁ ପ୍ରତିବଦ୍ଧ। ଆମେ ଅଗ୍ରଣୀ ଦ୍ୱୈତ ଋଣ କାର୍ଯ୍ୟକ୍ରମରେ ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ସହିତ ସହଭାଗୀତାକୁ ନେଇ ଆମେ ଖୁସି, ଯାହା ବିଭିନ୍ନ ବର୍ଗରେ ସ୍ମାର୍ଟ ଏବଂ ନମନୀୟ ବିକଳ୍ପ ପ୍ରଦାନ କରି ଭାରତରେ ଇଭି ଫାଇନାନ୍ସିଂ ଇକୋସିଷ୍ଟମକୁ ବୃଦ୍ଧି କରିବ। ଆମେ ନିଶ୍ଚିତ ଯେ ଏହି ସହଯୋଗ ଗ୍ରାହକମାନଙ୍କ ପାଇଁ ଇଭି ପସନ୍ଦଗୁଡ଼ିକୁ ଅଧିକ ସୁଗମ କରିବାରେ ସାହାଯ୍ୟ କରିବ ଏବଂ ବୈଦ୍ୟୁତିକ ଯାନର ବ୍ୟାପକ ଗ୍ରହଣକୁ ସମର୍ଥନ କରିବ।”
ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆର ପରିଚାଳନା ନିର୍ଦ୍ଦେଶକ ଅନୁରାଗ ମେହରୋତ୍ରା କହିଛନ୍ତି, “ବୈଦ୍ୟୁତିକ ଯାନ କ୍ରୟ ଅନୁକୂଳ କରିବା ପାଇଁ ବ୍ୟବହାରିକ ଏବଂ ପ୍ରଗତିଶୀଳ କରିବାକୁ ପଡିଥାଏ। ଏଥିପାଇଁ ଦ୍ୱୈତ ଋଣ କାର୍ଯ୍ୟକ୍ରମ ସେହି ଆଧାରରେ ସଠିକ୍ ଭାବରେ, ବିନା ଦ୍ୱନ୍ଦରେ ଗ୍ରାହକମାନଙ୍କୁ ଆର୍ôଥକ ନମନୀୟତା ଦେବା ପାଇଁ ଯାନ ମୂଲ୍ୟରୁ ବ୍ୟାଟେରୀକୁ ପୃଥକ କରେ। ଗ୍ରାହକମାନେ ପ୍ରଯୁକ୍ତିବିଦ୍ୟାରେ ସବସ୍କ୍ରିପସନ୍ ମଡେଲଗୁଡ଼ିକୁ କିପରି ଗ୍ରହଣ କରିଛନ୍ତି, ସେହିପରି ବ୍ୟାଟେରୀ-ଆଜ୍-ଏ-ସର୍ଭିସ୍ (ବାସ୍) ସେମାନଙ୍କୁ ସ୍ମାର୍ଟ ଅର୍ଥନୀତି ସହିତ ଅତ୍ୟାଧୁନିକ ଗତିଶୀଳତା ଅନୁଭବ କରିବାକୁ ଅନୁମତି ଦେଇଥାଏ। ଆକ୍ସିସ୍ ବ୍ୟାଙ୍କ ସହିତ ମିଶି, ଆମେ ନବସୃଜନକୁ ଦୈନନ୍ଦିନ ପ୍ରବେଶରେ ପରିଣତ କରୁଛୁ, ଯାହା ଭାରତର ଏକ ଅଧିକ ସ୍ଥାୟୀ ଭବିଷ୍ୟତ ଆଡକୁ ଯାତ୍ରାକୁ ତ୍ୱରାନ୍ୱିତ କରୁଛି।”
ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ଦ୍ୱାରା ସେପ୍େଟମ୍ବର ୨୦୨୪ ରେ ଆରମ୍ଭ ହୋଇଥିବା ବାସ (ବ୍ୟାଟେରୀ-ଆଜ୍-ଏ-ସର୍ଭିସ୍), ଯାନବାହନରୁ ବ୍ୟାଟେରୀର ମୂଲ୍ୟକୁ ପୃଥକ କରି ବୈଦ୍ୟୁତିକ ଯାନ ଗ୍ରହଣ ପାଇଁ ସବୁଠାରୁ ବଡ଼ ପ୍ରତିବନ୍ଧକ – ଉଚ୍ଚ ପ୍ରାରମ୍ଭିକ ମୂଲ୍ୟକୁ ଦୂର କରିଥାଏ। ଏହି ନବସୃଜନ ଉପରେ ଆଧାରିତ, ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ଏବଂ ଆକ୍ସିସ୍ ବ୍ୟାଙ୍କ, ଯେଉଁମାନେ ୨୦୧୯ ଠାରୁ ସହଭାଗୀ ଅଛନ୍ତି, ବର୍ତ୍ତମାନ ଡୁଆଲ୍ ଲୋନ୍ ଫାଇନାନ୍ସିଂ ପ୍ରଚଳନ କରିଛନ୍ତି, ଯାହା ଚ୍ୟାନେଲ୍ ଏବଂ ଖୁଚୁରା ଫାଇନାନ୍ସ ସମାଧାନ ମଧ୍ୟରେ ସେମାନଙ୍କର ସହଯୋଗକୁ ଆହୁରି ମଜବୁତ କରିଥାଏ।
ଏହି ଅଭିନବ ଫାଇନାନ୍ସିଂ ସମାଧାନ କେବଳ ବୈଦ୍ୟୁତିକ ଯାନ ମାଲିକାନାକୁ ଅଧିକ ସୁଲଭ କରିଥାଏ ତାହା ନୁହଁ ବରଂ ମୂଲ୍ୟ ଦ୍ୱାରା ବାଧାପ୍ରାପ୍ତ ନହୋଇ ଗ୍ରାହକମାନଙ୍କୁ ସେମାନଙ୍କର ଯାନଗୁଡ଼ିକୁ ଅପଗ୍ରେଡ୍ କରିବା ପାଇଁ ଅଧିକ ବିକଳ୍ପ ମଧ୍ୟ ପ୍ରଦାନ କରିଥାଏ। ଏକ ଆର୍ôଥକ ସହଯୋଗୀ ଭାବରେ ଆକ୍ସିସ ବ୍ୟାଙ୍କ ସହିତ, ଏହି କାର୍ଯ୍ୟକ୍ରମ ଏକ ବ୍ୟାପକ ଗ୍ରାହକ ଆଧାରରେ ପହଞ୍ଚିଥାଏ ଏବଂ ସ୍ମାର୍ଟ ମୋବିଲିଟି ସମାଧାନ ପାଇଁ ପ୍ରବେଶକୁ ବିସ୍ତାର କରିଥାଏ। ଏହି ସହଯୋଗ ମାଧ୍ୟମରେ, ଜେଏସଡବ୍ଲ୍ୟୁ ଏମଜି ମୋଟର ଇଣ୍ଡିଆ ଏବଂ ଆକ୍ସିସ୍ ବ୍ୟାଙ୍କ ଗ୍ରାହକମାନଙ୍କୁ ଅଧିକ ପସନ୍ଦ ଏବଂ ଆର୍ôଥକ ନିୟନ୍ତ୍ରଣ ପ୍ରଦାନ କରିବାକୁ ଲକ୍ଷ୍ୟ ରଖିଛନ୍ତି, ସହିତ ଭାରତର ବୈଦ୍ୟୁତିକ ଯାନ ଇକୋସିଷ୍ଟମର ଅଭିବୃଦ୍ଧିରେ ମଧ୍ୟ ଯୋଗଦାନ ଦେଉଛନ୍ତି।
