ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କୁ କାରଣ ଦର୍ଶାଅ ନୋଟିସ

ପୁରୀ () ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗରେ ପୁରୀ ଜିଲ୍ଲା ପ୍ରଶାସନ ପକ୍ଷରୁ ବିଜେପି ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କ କାରଣ ଦର୍ଶାଅ ନୋଟିସ ଜାରି ହୋଇଛି । ଗତକାଲି ସମ୍ବିତ ପ୍ରଶାସନର ବିନା ଅନୁମତିରେ ପୁରୀରେ ନିର୍ବାଚନ ରାଲି କରିଥିଲେ । ଏହି ରାଲି ଉତ୍ତରାରୁ ପୁରୀ ପର୍ଯ୍ୟନ୍ତ ହୋଇଥିଲା । ଏଥିରେ ସମ୍ବିତଙ୍କ ଶହ ଶହ ସମର୍ଥକ ବାଇକରେ ରାଲି କରିଥିଲେ ।

ସଂଯୋଗବଶତଃ ଗତକାଲି କଂଗ୍ରେସର ଏକ ପ୍ରତିନିଧି ଦଳ ସମ୍ବିତ ନିର୍ବାଚନ ରୋଡ଼ ସୋରେ ଶ୍ରୀଜଗନ୍ନାଥଙ୍କ ମୂର୍ତ୍ତିକୁ ହାତରେ ଧରି ନିର୍ବାଚନ ଆଚରଣ ବିଧିର ଉଲ୍ଲଂଘନ କରିଥିବା ଅଭିଯୋଗରେ ମୁଖ୍ୟ ନିର୍ବାଚନ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଥିଲେ ।

ଏଥିସହ ଶ୍ରୀଜଗନ୍ନାଥଙ୍କ ମୂର୍ତ୍ତି ଧରି ରୋଡ଼ ସୋରେ ଯାଉଥିବା ସମୟରେ ସମ୍ବିତ ଚପଲ ପିନ୍ଧିଥିବାର ମଧ୍ୟ ଅଭିଯୋଗ ହୋଇଛି । ସ୍ଲିପର ପିନ୍ଧି ଶ୍ରୀଜଗନ୍ନାଥଙ୍କ ଧରି ରୋଡ଼ ସୋ କରି ସେ ହିନ୍ଦୁ ଧର୍ମୀୟ ଭାବନା ଓ ମହାପ୍ରଭୁଙ୍କ ଭକ୍ତଙ୍କ ଭାବାବେଗକୁ କୁଠାରଘାତ କରିଛନ୍ତି । ଏନେଇ ପୁରୀ ଟାଉନ ଥାନାରେ ଏକ ମାମଲା ମଧ୍ୟ ରୁଜୁ ହୋଇଛି ।

Share

Leave a Reply

Your email address will not be published. Required fields are marked *

four × 3 =