ଖୁବଶୀଘ୍ର ପରଦାକୁ ଆସିବ ମୋଦିଙ୍କ ବାୟୋପିକ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜୀବନୀ ଉପରେ ଆଧାରିତ ଫିଲ୍ମ ପିଏମ ନରେନ୍ଦ୍ର ମୋଦିର ପ୍ରଥମ ପୋଷ୍ଟର ରିଲିଜ ହୋଇଛି । ଏହି ପୋଷ୍ଟରରେ ନରେନ୍ଦ୍ର ଦାମଦୋର ଦାସ ମୋଦିଙ୍କ ଚରିତ୍ରରେ ବିବେକ ଓବରୟ ନଜରକୁ ଆସିଛନ୍ତି । ବିବେକ ଓବରୟଙ୍କ ଏହି ଲୁକ୍ ନରେନ୍ଦ୍ର ମୋଦିଙ୍କ ଲୁକ୍ ସହ ମେଳ ଖାଉଛି । ପୋଷ୍ଟରରେ ପଛପଟେ ରାଷ୍ଟ୍ରୀୟ ଧ୍ୱଜ ଫରଫର ହୋଇ ଉଡୁଥିବା ବେଳେ ଫିଲ୍ମର ଟ୍ୟାଗଲାଇନ ମଧ୍ୟ ସାମ୍ନାକୁ ଆସିଛି । ଦେଶଭକ୍ତି ହି ମେରି ଶକ୍ତି ଫିଲ୍ମର ଟ୍ୟାଗଲାଇନ ଥିବା ବେଳେ ଏହାକୁ ୨୩ଟି ଭାଷାରେ ରିଲିଜ କରାଯାଇଛି । ୨୦୧୯ ପୂର୍ବରୁ ଏହି ଫିଲ୍ମ ମୋଦିଙ୍କ ପାଇଁ ମାଷ୍ଟର ଷ୍ଟ୍ରୋକ ସାବ୍ୟସ୍ତ ହୋଇପାରେ ।
ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀଶ ଏହି ଫିଲ୍ମର ପ୍ରଥମ ପୋଷ୍ଟର ଲଞ୍ଚ କରିଛନ୍ତି । ମୋଦିଙ୍କ ଭୂମିକାରେ ଅଭିନୟ କରିଥିବା ବିବେକ ଓବରୟ ଫିଲ୍ମର ପ୍ରଥମ ପୋଷ୍ଟର ଟ୍ୱିଟ୍ କରିବା ସହ କ୍ୟାପସନରେ ଲେଖିଛନ୍ତି, ଏହି ଯାତ୍ରା ପାଇଁ ସମସ୍ତଙ୍କ ପ୍ରାର୍ଥନା ଓ ଆର୍ଶୀବାଦ କାମନା କରୁଛି । ଉମଙ୍ଗ କୁମାରଙ୍କ ନିର୍ଦ୍ଦେଶିତ ଏହି ଫିଲ୍ମ ଖୁବ୍ ଶୀଘ୍ର ରିଲିଜ ହେବାକୁ ଯାଉଛି । ତେବେ କେବେ ଏହି ଫିଲ୍ମ ରିଲିଜ ହେବ ସେନେଇ କୌଣସି ସୂଚନା ଦିଆଯାଇନାହିଁ ।

Share

Leave a Reply

Your email address will not be published. Required fields are marked *

five × 2 =