ଭାରତୀୟ ଜିପିରେ ଦୃଢ଼ ପ୍ରଦର୍ଶନ ସହ ମିର୍ ପଂଚମ, ମାକ୍ୱେର୍ଜ୍‌ଙ୍କ ଚମତ୍କାର ପ୍ରତ୍ୟାବର୍ତନ

ଭୁବନେଶ୍ୱର: ପ୍ରଥମ ଭାରତୀୟ ଗ୍ରାଣ୍ଡ ପ୍ରିକ୍ସ ଜୋଆନ୍ ମିର୍‌ଙ୍କ ପାଇଁ ବେଶ ଫଳପ୍ରଦ ସାବ୍ୟସ୍ତ ହୋଇଛି । ସେହିପରି ହୋଣ୍ଡା ଆର୍‌ସି୨୧୩ଭିରେ ମାର୍କ ମାକ୍ୱେର୍ଜ୍ ସଫଳ ପ୍ରତ୍ୟାବର୍ତନ କରି ଆଗୁଆ ପୋଡିୟମ୍ ଦଖଲ କରିବା ଲାଗି ଚ୍ୟାଲେଞ୍ଜ ସୃଷ୍ଟି କରିବା ସହ ସଫଳ ପ୍ରତ୍ୟାବର୍ତନ କରିଛନ୍ତି ।
ଚତୁର୍ଥ ସ୍ଥାନରୁ ରେସ୍ ଆରମ୍ଭ କରିଥିବା ମିର୍‌ଙ୍କ ଉପରେ ସମସ୍ତଙ୍କ ନଜର ଥିଲା । ଆହତ କାରଣରୁ ମାରିନି ରେସ୍‌ରୁ ଓହରିଯାଇଥିଲେ । କ୍ୱାର୍ଟାରାରୋଙ୍କ ସହ ମିର୍ ମିଳିତ ଭାବେ ପଂଚମ ସ୍ଥାନରେ ରହିଛନ୍ତି । ତାଙ୍କ ପଛକୁ ରହିଛନ୍ତି ବ୍ରାଡ ବାଇଣ୍ଡର ।
ମିର୍‌ଙ୍କ ପଛରେ ରେସ୍ କରୁଥିବା ବ୍ରାଡ ବାଇଣ୍ଡର ଅଳ୍ପ ସେକେଣ୍ଡ୍ ମଧ୍ୟରେ ପଂଚମ ସ୍ଥାନରେ ରହି ରେସ୍ ଶେଷ କରିଥିଲେ । ହୋଣ୍ଡା ଚାଳକ ଭାବେ ମିର୍‌ଙ୍କ ଏହା ସବୁଠୁ ଭଲ ପ୍ରଦର୍ଶନ ଓ ତାହା ହେଉଛି ତାଙ୍କର ଓ ଟିମ୍‌ର ଅକ୍ଳାନ୍ତ ପରିଶ୍ରମର ଫଳ । ହୋଣ୍ଡାର ନିଜସ୍ୱ କ୍ଷେତ୍ର ଭାବେ ପରିଚିତ ମୋଟେଗିରେ ମିର ତାଙ୍କର ଆଗାମୀ ରେସ୍ କରିବେ ।
ଆରମ୍ଭରୁ ପୂର୍ଣ୍ଣ ଆତ୍ମବିଶ୍ୱାସର ସହ ରେସ୍‌ରେ ଆଗକୁ ବଢ଼ିଥିବା ମାକ୍ୱେର୍ଜ୍ ଅଳ୍ପ ସମୟ ଭିତରେ ଶ୍ରେଷ୍ଠ ତିନି ଜଣଙ୍କ ମଧ୍ୟରେ ପହଂଚିଥିଲେ । ମାର୍ଟିନ୍ ଓ ବାଗନାଇଆଙ୍କଠାରୁ ତାଙ୍କୁ କଡ଼ା ପ୍ରତିଦ୍ୱନ୍ଦ୍ୱିତା ସାମ୍ନା କରିବାକୁ ପଡ଼ିଥିଲା । ପଂଚମ ଲ୍ୟାପ୍‌ରେ ସେ ତଳେ ପଡ଼ିଯାଇଥିଲେ । କିନ୍ତୁ ମାତ୍ର ଆଠ ସେକେଣ୍ଡ୍ ଭିତରେ ସେ ପୁଣି ପ୍ରତ୍ୟାବର୍ତନ କରି ୧୬ତମରୁ ରେସ୍ ଆଗକୁ ବଢ଼ାଇଥିଲେ । ଲ୍ୟାପ୍ ୧୪ ମଧ୍ୟରେ ସେ ଶ୍ରେଷ୍ଠ ୧୦ ଭିତରେ ପହଂଚି ଯାଇଥିଲେ । ଆଠ ଥର ବିଶ୍ୱ ଚମ୍ପିଆନ୍ ହୋଇଥିବା ମାକ୍ୱେର୍ଜ୍ ନବମ ସ୍ଥାନରେ ପହଂଚିଯାଇଛନ୍ତି ।
ରେପ୍‌ସଲ୍ ହୋଣ୍ଡା ଟିମ୍ ଏବେ ଜାପାନ ଗସ୍ତ କରି ସେଠାରେ ମୋଟେଗି ସର୍କିଟ୍‌ରେ ରେସ୍ କରିବ ।
ମାର୍କ ମାକ୍ୱେର୍ଜ୍ କହିଛନ୍ତି ଯେ, “ଯଦି ଆପଣ ରେସ୍‌ର ଫଳାଫଳକୁ ଦେଖିବେ ଏବଂ ନବମ ସ୍ଥାନରୁ ଆପଣ ସମ୍ପୂର୍ଣ୍ଣ କାହାଣୀ ଜାଣିପାରିବେନି । ମାତ୍ର ଦୁର୍ଘଟଣାଗସ୍ତ ହେବା ଦୃଷ୍ଟିରୁ ଏହା ଏକ ସ୍ୱାଭାବିକ ଫଳ । ରେସ୍‌କୁ ଫେରିବା ପରେ ମୁଁ ପେକୋ ଓ ମାର୍ଟିନଙ୍କ ତ୍ରୁଟି ଉପରେ ଧ୍ୟାନ ଦେଇଥିଲି ଓ ଆଗକୁ ବଢ଼ିବାକୁ ଚେଷ୍ଟା କରିଥିଲି । ସେହିଠାରେ ମୁଁ ଭୁଲ କରିଥିଲି । ଆମର ସମ୍ପୂର୍ଣ୍ଣ ଧାନ ରେସ୍ ଶେଷ କରିବା ଉପରେ ରହିବାର ଥିଲା । ଏହି ସପ୍ତାହରେ ମୋଟାମୋଟି ଭାବେ ଯାହା ମିଳିଲା ସେଥିରେ ଆମେ ଖୁସି ।’’

ଜୋଆନ୍ ମିର୍ କହିଛନ୍ତି ଯେ ଆଜିର ରେସ୍ ବହୁତ ଭଲ ଥିଲା । ପଂଚମ ସ୍ଥାନରେ ରହିବା ସହ ପ୍ରଦର୍ଶନକୁ ନେଇ ମୁଁ ବହୁତ ଖୁସି । ଟିମ୍ ଓ ମୁଁ ବାଇକ୍‌କୁ ଭଲ ଭାବେ ବୁଝିପାରିଛୁ । ରେସ୍ ଶେଷ ଆଡ଼କୁ ଛୋଟ କାରଣ ପାଇଁ ମୁଁ ଫାବିଓଙ୍କଠାରୁ ପଛରେ ରହିଗଣି । ମୁଁ ଭାରତରେ ମୋ ରେସ୍‌କୁ ଉପଭୋଗ କରିଛି । ସେହି ସଫଳତାକୁ ଜାପାନରେ ଦୋହରାଇବି ।’’