MKCG ମେଡିକାଲରେ ବିରଳ ଶିଶୁ ଜନ୍ମ: ଗୋଟିଏ ଶରୀର, ଦୁଇଟି ମୁଣ୍ଡ
MKCG ମେଡିକାଲରେ ବିରଳ ଶିଶୁ ଜନ୍ମ । ନବଜାତ ଶିଶୁର ରହିଛି ଦୁଇଟି ମୁଣ୍ଡ। ଗୋଟିଏ ଶୀରର ଓ ଗୋଟିଏ ହାର୍ଟ ରହିଥିବା ବେଳେ ରହିଛି ଦୁଇଟି ମୁଣ୍ଡ । କନ୍ଧମାଳ ଜିଲ୍ଲା ତୁମୁଡିବନ୍ଧ ଅଞ୍ଚଳରୁ ଏମକେସିଜି ମେଡିକାଲକୁ ଆସିଥିବା ଜଣେ ମହିଳାଙ୍କ ଗର୍ଭରୁ ଜନ୍ମିତ ହୋଇଛି ଏହି ଶିଶୁ । ଗତ ରବିବାର ରାତିରେ ଏହି ଦୁଇ ମୁଣ୍ଡିଆ ଶିଶୁଟି ଜନ୍ମ ହୋଇଛି । ଶିଶୁଟି ବର୍ତ୍ତମାନ ଏମକେସିଜି ମେଡିକାଲ ଶିଶୁ ବିଭାଗର ଏସଏନସିୟୁରେ ଚିକିତ୍ସିତ ହେଉଛନ୍ତି । ସେଠାରେ ଡାକ୍ତରୀ ଟିମ୍ଙ୍କ କଡ଼ା ନଜରରେ ଶିଶୁଟିର ଚିକିତ୍ସା ଜାରି ରହିଛି।
ଚିକିତ୍ସା ବିଜ୍ଞାନରେ ଏଭଳି ଘଟଣା ଖୁବ୍ କ୍ୱଚିତ୍ ଦେଖିବାକୁ ମିଳେ। ଡାକ୍ତରୀ ବିଶେଷଜ୍ଞମାନେ ଏହି ଅତ୍ୟନ୍ତ ବିରଳ ସ୍ଥିତିକୁ କ୍ରାନିଓପାଗସ୍ ପାରାସାଇଟିକସ୍ (Craniopagus parasiticus) ଭାବରେ ଚିହ୍ନଟ କରିଛନ୍ତି। ଏହା ହେଉଛି ଯୋଡି ହୋଇଥିବା ଯାଆଁଳା ଶିଶୁମାନଙ୍କର ଏକ ରୂପ, ଯେଉଁଥିରେ ଶିଶୁମାନେ ଶାରୀରିକ ଭାବରେ ମୁଣ୍ଡ ସହିତ ସଂଯୁକ୍ତ ହୋଇ ଜନ୍ମ ଗ୍ରହଣ କରିଥାନ୍ତି।
ବର୍ତ୍ତମାନ ଏହି ଶିଶୁଟିକୁ ଉନ୍ନତ ଧରଣର ଏସଏନସିୟୁ ସୁବିଧାରେ ନିରନ୍ତର ପର୍ଯ୍ୟବେକ୍ଷଣରେ ରଖାଯାଇଛି। ଡାକ୍ତରମାନେ ନିଶ୍ୱାସପ୍ରଶ୍ୱାସ, ହୃଦସ୍ପନ୍ଦନ ହାର ଏବଂ ଅନ୍ୟାନ୍ୟ ଜରୁରୀ ସ୍ୱାସ୍ଥ୍ୟ ସୂଚକାଙ୍କ ସମେତ ସମସ୍ତ ଗୁରୁତ୍ୱପୂର୍ଣ୍ଣ ମାପଦଣ୍ଡ ଉପରେ ତୀକ୍ଷ୍ଣ ନଜର ରଖିଛନ୍ତି।
