ଆଜି ସୁପ୍ରିମକୋର୍ଟରେ ପ୍ରକାଶ ପାଇପାରେ ଓଡ଼ିିଶା ଡିଜିପି ଚୟନ ପ୍ରକ୍ରିୟା ମାମଲା

ଆଜି ଓଡ଼ିିଶା ଡିଜିପି  ଚୟନ ପ୍ରକ୍ରିୟା ମାମଲା ନେଇ  ସୁପ୍ରିମକୋର୍ଟଙ୍କ ରାୟ ପ୍ରକାଶିତ ହେବାର ସମ୍ଭାବନା ରହିଛି । ଓଡିଶା  ଡିଜିପି ଚୟନ ପ୍ରକ୍ରିୟା ସମ୍ବନ୍ଧିତ ପ୍ରକାଶ  ସିଂହ ମାମଲା ସୁପ୍ରିମକୋର୍ଟଙ୍କ ଗୁରୁବାର  ତାଲିକାରେ ସମ୍ମିଳିତ କରାଯାଇଛି ।  ଡିଜିପି ଚୟନ ନେଇ ଝାଡ଼ଖଣ୍ଡର ଏକ  ମାମଲାରେ ସୁପ୍ରିମକୋର୍ଟରେ ଶୁଣାଣି  ଶେଷ ହୋଇନାହିଁ । ଓଡିଶାର ମାମଲା ସମ୍ପର୍କିତ ଶୁଣାଣି ସମ୍ପୂର୍ଣ୍ଣ ହୋଇଯାଇଛି ।  ଏହାର ରାୟ ମଧ୍ୟ ସଂରକ୍ଷିତ ରହିଛି । ତେବେ ଝାଡ଼ଖଣ୍ଡ ମାମଲାର ଶୁଣାଣି  ସମ୍ପୂର୍ଣ୍ଣ ହୋଇନଥିବାରୁ ଓଡ଼ିଶା  ମାମଲାର ରାୟ ଗୁରୁବାର ଆସିବ କି  ନାହିଁ ସେ ନେଇ ଅନିଶ୍ଚିତତା ରହିଛି ।

ପୂର୍ବରୁ କୁହାଯାଇଥିଲା ଯେ, ଝାଡ଼ଖଣ୍ଡ  ମାମଲା ନେଇ ଶୁଣାଣି ଶେଷ ହେବା  ପରେ ଉଭୟ ରାଜ୍ୟର ଡିଜିପି ଚୟନ ମାମଲାରେ ସୁପ୍ରିମକୋର୍ଟଙ୍କ ଏକ  ଯୁଗ୍ମ ରାୟ ପ୍ରକାଶ ପାଇବ । ତେବେ  ଓଡ଼ିଶାର ମାମଲା ସମ୍ପୂର୍ଣ୍ଣ ଭିନ୍ନ  ହୋଇଥିବାରୁ ଏବଂ ଏହି ମାମଲାର  ଶୁଣାଣି ସଂରକ୍ଷିତ ରହିଥିବାରୁ ଗୁରୁବାର  ଏହି ମାମଲାର ରାୟ ଆସିପାରେ  ବୋଲି ସୁପ୍ରିମକୋର୍ଟଙ୍କ ଜଣେ  ବରିଷ୍ଠ ଓକିଲଙ୍କ ଠାରୁ ଜଣାପଡିଛି ।