ଟାଟା ଷ୍ଟିଲ ଫାଉଣ୍ଡେସନ ପକ୍ଷରୁ ବ୍ରାହ୍ମଣୀପାଳରେ ସ୍ଥାନୀୟ ଲୋକଙ୍କ ପାଇଁ ବେସିକ୍ ଲାଇଫ୍ ସପୋର୍ଟ (ବିଏଲ୍‌ଏସ୍‌) ପ୍ରଶିକ୍ଷଣର ଶୁଭାରମ୍ଭ

୧୦୦୦ରୁ ଅଧିକ ସ୍ଥାନୀୟ ଲୋକଙ୍କୁ ତାଲିମ ପ୍ରଦାନ

ବ୍ରାହ୍ମଣୀପାଳ: ଟାଟା ଷ୍ଟିଲ୍ ଫାଉଣ୍ଡେସନ୍ (ଟିଏସ୍‌ଏଫ) ସ୍ଥାନୀୟ ବିକାଶ ଏବଂ ନିରାପତା ପ୍ରତି ନିଜର ପ୍ରତିବଦ୍ଧତାକୁ ସମର୍ଥନ କରି ବ୍ରାହ୍ମଣୀପାଳଠାରେ ଏକ ବେସିକ୍ ଲାଇଫ୍ ସପୋର୍ଟ (ବିଏଲଏସ) ପ୍ରଶିକ୍ଷଣ କାର୍ଯ୍ୟକ୍ରମ ଆରମ୍ଭ କରିଛି ।

ଏହି ପ୍ରଶିକ୍ଷଣର ପ୍ରାଥମିକ ଉଦ୍ଦେଶ୍ୟ ହେଉଛି ସ୍ଥାନୀୟ ଅଂଚଳରେ ପ୍ରଶିକ୍ଷିତ, ଇଚ୍ଛୁକ ଏବଂ ଦକ୍ଷ ପ୍ରାଥମିକ ପ୍ରତିକ୍ରିୟା ପ୍ରଦାନକାରୀଙ୍କ ଏକ ଗୁରୁତ୍ୱପୂର୍ଣ୍ଣ ସମୂହ ସୃଷ୍ଟି କରିବା, ଯାହା ଜୀବନ ପ୍ରତି ବିପଦଜନକ ପ୍ରାକ୍‌-ଡାକ୍ତରଖାନା ପରିସ୍ଥିତିରେ ପ୍ରଭାବଶାଳୀ ବିଏଲ୍‌ଏସ୍ ପ୍ରଦାନ କରିବାରେ ସକ୍ଷମ ହେବେ । ଏହା ବ୍ୟତୀତ ଯେକୌଣସି ବିପର୍ଯ୍ୟୟ ପରିସ୍ଥିତିରେ ତୁରନ୍ତ ମୁକାବିଲା ପାଇଁ ପ୍ରସ୍ତୁତ ଗୋଷ୍ଠୀ ଗଠନ କରି ବିପର୍ଯ୍ୟୟ ବିପଦ ହ୍ରାସ (ଡିଆର୍‌ଆର୍‌) ପାଇଁ ଗୋଷ୍ଠୀ ମୁକାବିଲା କ୍ଷମତା ବୃଦ୍ଧି କରିବା ଏହି ପଦକ୍ଷେପର ଲକ୍ଷ୍ୟ ।

ଟାଟା ଷ୍ଟିଲ୍ ଫାଉଣ୍ଡେସନ୍ ଏହାର ସିଏସ୍‌ଆର ପଦକ୍ଷେପର ଏକ ଅଂଶ ଭାବରେ କାର୍ଡିଓପଲମୋନାରୀ ରିସସିଟେସନ (ସିପିଆର), ଶ୍ୱାସକ୍ରିୟା ପ୍ରତିକ୍ରିୟା ଏବଂ ଆକସ୍ମିକ ମାମଲା ପରିଚାଳନାକୁ ନେଇ ବିଏଲଏସ ପ୍ରଶିକ୍ଷଣ ଅଧିବେଶନ ଆରମ୍ଭ କରିଛି । ବର୍ତମାନ ସୁଦ୍ଧା ଟାଙ୍ଗିରିଆପାଳ, ରାସୋଳ, କିଆଝର, ଦେଉଳକଣା ଓ ରାଧିକାଦେଇପୁର ଗ୍ରାମ ପଂଚାୟତରେ ୩୯ଟି ଅଧିବେଶନରେ ୧୦୨୩ ଜଣ ଉପକୃତ ହୋଇଛନ୍ତି । ଏହି କାର୍ଯ୍ୟକ୍ରମ ଟାଟା ଷ୍ଟିଲ ଏଫଏପି ଚୁକ୍ତିଭିତିକ କର୍ମଚାରୀଙ୍କ ନିକଟରେ ପହଂଚିିଛି, ଯେଉଁଥିରେ ୬୯ ଜଣ ଅଂଶଗ୍ରହଣକାରୀଙ୍କ ପାଇଁ ଦୁଇଟି ସ୍ୱତନ୍ତ୍ର ଅଧିବେଶନ ମଧ୍ୟ ସାମିଲ ଅଛି । ଜୟନ୍ତ କୁମାର ତ୍ରିପାଠୀ (ମେଡିକାଲ ପ୍ରଫେସନାଲ)ଙ୍କ ପ୍ରତ୍ୟକ୍ଷ ତତ୍ୱାବଧାନରେ ଟାଟା ଷ୍ଟିଲ୍ ଫାଉଣ୍ଡେସନ୍‌ର ବ୍ରାହ୍ମଣୀପାଳ ୟୁନିଟ୍‌ର ସୌଭାଗ୍ୟ କୁମାର ଦାସ ଏହି ଅଧିବେଶନରେ ମାଷ୍ଟର ଟ୍ରେନର ଭାବେ କାର୍ଯ୍ୟ କରିଥିଲେ ।

ବିଶେଷଜ୍ଞ ଚିକିତ୍ସା ସହାୟତା ଆସିବା ପୂର୍ବରୁ ଜୀବନ ପ୍ରତି ବିପଦ ଥିବା ପରିସ୍ଥିତିରେ ପୀଡ଼ିତଙ୍କୁ ଉଦ୍ଧାର କରିବା ପାଇଁ ବେସିକ୍ ଲାଇଫ୍ ସପୋର୍ଟ (ବିଏଲ୍‌ଏସ୍‌) ପକ୍ଷରୁ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯାଇଥାଏ । ଠିକ୍ ସମୟରେ ବିଏଲ୍‌ଏସ୍ ଜୀବନ ବଂଚିବା ହାରରେ ଉଲ୍ଲେଖନୀୟ ଉନ୍ନତି ଆଣିଥାଏ, ବିଶେଷକରି ଘର, ଗୋଷ୍ଠୀ, ମନୋରଞ୍ଜନ କ୍ଷେତ୍ର ଏବଂ ସଡ଼କ ଦୁର୍ଘଟଣା ପରି ଅଣ-ବୃତିଗତ କ୍ଷେତ୍ରରେ ଦେଖାଯାଉଥିବା ହଠାତ୍ ହୃଦଘାତ ଏବଂ ଜରୁରୀକାଳୀନ ପରିସ୍ଥିତିରେ ସାଧାରଣ ଲୋକଙ୍କ ମଧ୍ୟରେ ପ୍ରଶିକ୍ଷିତ ଏବଂ ଇଚ୍ଛୁକ ବିଏଲଏସ୍ ପ୍ରଦାନକାରୀମାନେ ଏହି ପରିସ୍ଥିତିରେ ଜୀବନ ବଂଚିବା ଫଳାଫଳକୁ ବୃଦ୍ଧି କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି ।

ବିଏଲ୍‌ଏସ୍ ପ୍ରଶିକ୍ଷଣ କାର୍ଯ୍ୟକ୍ରମରେ ଟାଟା ଷ୍ଟିଲ ଫାଉଣ୍ଡେସନର ଗୋଷ୍ଠୀ ସ୍ୱାସ୍ଥ୍ୟ ଏବଂ ନିରାପତା ପ୍ରତି ସମର୍ପଣ ଉପରେ ଗୁରୁତ୍ୱାରୋପ କରାଯାଇଛି । ଅତ୍ୟାବଶ୍ୟକ ଜୀବନ ରକ୍ଷାକାରୀ କୌଶଳ ପ୍ରଦାନ କରି, ଏହା ଗୋଷ୍ଠୀ କଲ୍ୟାଣରେ ଯୋଗଦାନ କରେ ଏବଂ ବିପର୍ଯ୍ୟୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପ୍ରସ୍ତୁତ ଦକ୍ଷ ପ୍ରାଥମିକ ପ୍ରତିକ୍ରିୟା ପ୍ରଦାନକାରୀଙ୍କ ଏକ ନେଟୱାର୍କ ସ୍ଥାପନ କରେ ।

Share

Leave a Reply

Your email address will not be published. Required fields are marked *

4 + three =