ସୋନିର ନୂଆ ସୁପରଜୁମ୍ କ୍ୟାମେରା ପଂଚମ ପିଢ଼ିର ଆର୍ଏକ୍ସ୧୦ଭି
ଭୁବନେଶ୍ୱର: ସୋନି ପକ୍ଷରୁ ଆର୍ଏକ୍ସ୧୦ ସିରିଜ୍ର ଅଲ୍-ଇନ୍-ୱାନ୍ କ୍ୟାମେରାର ପଂଚମ ପିଢ଼ି ମଡେଲ୍ ଆର୍ଏକ୍ସ୧୦ ଭିକୁ ଉନ୍ମୋଚନ କରାଯାଇଛି। ଏହି ଗୋଟିଏ କ୍ୟାମେରାରେ ୱାଇଡ୍-ଆଙ୍ଗେଲ ଓ ସୁପର-ଟେଲିଫଟୋ ସୁବିଧା ରହିଛି ଯାହା ଏହାକୁ ଉଭୟ ସୌକିନ, ବନ୍ୟଜୀବନ ଓ କ୍ରୀଡ଼ା ଫଟୋଗ୍ରାଫି ପାଇଁ ଉପଯୁକ୍ତରେ ପରିଣତ କରିଛି। ଏଥିରେ ଜେଇସ୍ ଭାରିଓ-ସୋନାର ଟି ୨୪-୬୦୦ ଏମ୍ଏମ୍ ଏଫ୍୨ ୪-୪.୦ ଲେନ୍ସ ରହିଛି। ଏଥିରେ ଉଚ୍ଚ ମାନର ଛବି, ସୁପର ଟେଲିଫଟୋ ଓ ସମନ୍ୱିତ ଲେନ୍ସ ଡିଜାଇନର୍ ମିଶ୍ରଣ ରହିଛି। ଆରଏକ୍ସ ୧୦ଭିରେ ଏଆଇର ଶକ୍ତି ଥିବା ବାସ୍ତବ ସମୟ ରେକଗ୍ନିସନ ଏଏଫ୍ ରହିଛି ଯାହା ଜରିଆରେ ଲଗାତାର ଭାବେ ଫଟୋ ଉତ୍ତୋଳନ କରିହେବ।
ଏ ସମ୍ପର୍କରେ ସୋନି ଇଣ୍ଡିଆର ଇମେଜିଂ ଓ ପର୍ସନାଲ ସଲ୍ୟୁସନ ବିଜନେସ୍ ମୁଖ୍ୟ ଶ୍ରୀ ମୁକେଶ ଶ୍ରୀବାସ୍ତବ କହିଛନ୍ତି ଯେ, “ନୂଆ ଆର୍ଏକ୍ସ୧୦ ଭି ସହିତ ଆମେ ଏକ ଛୋଟ କ୍ୟାମେରା ଯାହା ପ୍ରଦାନ କରିପାରିବ ତାହାକୁ ଆଗକୁ ବଢ଼ାଉଛୁ। ଏକ ବହୁମୁଖୀ କ୍ୟାମେରା ଚାହୁଥିବା ସୌକିନ ଓ ଫଟୋଗ୍ରାଫ ପ୍ରେମୀ ତଥା ପେସାଦାର ବନ୍ୟଜନ୍ତୁ ଫଟୋଗ୍ରାଫର ପାଇଁ ପ୍ରସ୍ତୁତ କରାଯାଇଥିବା ଏହି କ୍ୟାମେରାରେ ୨୪-୬୦୦ ଜୁମ୍ର ରେଂଜ୍, ଅତ୍ୟାଧୁନିକ ଏଆଇର ଶକ୍ତି ଥିବା ବିଷୟବସ୍ତୁ ଚିହ୍ନଟକାରୀ ଓ ବ୍ଲାକ୍ଆଉଟ୍ମୁକ୍ତ ୩୦ଏଫ୍ପିଏସ୍ ବର୍ଷ୍ଟ ସୁଟିଂ ସହ ଉଚ୍ଚ ବେଗ ପ୍ରଦର୍ଶନର ମିଶ୍ରଣ ରହିଛି। ସ୍ୱତନ୍ତ୍ର ବନ୍ୟଜନ୍ତୁ ଓ ଦ୍ରୁତ ଗତିରେ ଚାଲୁଥିବା କ୍ରୀଡ଼ାଠାରୁ ସ୍ୱାଭାବିକ ଦୈନନ୍ଦିନ ଅନୁଭୂତି ପର୍ଯ୍ୟନ୍ତ ଏହା ଚଉଡ଼ା ଦୃଷ୍ଟିକୋଣରୁ ଅସାଧାରଣ କ୍ଲୋଜ-ଅପ୍ ପର୍ଯ୍ୟନ୍ତ ଫଟୋ ଉଠାଇବାର ସ୍ୱାଧୀନତା ଦେଇ ସେମାନଙ୍କୁ ଶ୍ରେଷ୍ଠ ନମନୀୟତା ଓ ବିଶ୍ୱାସ ସହ ପ୍ରତିଟି ମୁହୂର୍ତ୍ତକୁ ତୋଳିଧରିବାରେ ସାହାଯ୍ୟ କରୁଛି।”
ଆର୍ଏକ୍ସ୧୦ ଭିରେ ବିଓଞ୍ଜ ଏକ୍ସଆର୍ ଇମେଜ୍ ପ୍ରୋସେସର ଦିଆଯାଇଛି। ଏହା କମ୍ ଆଲୋକରେ ମଧ୍ୟ ଭଲ ଗୁଣବତାର ଫଟୋ ନେବାରେ ସହାୟକ ହେବ। କ୍ୟାମେରାରେ ୧୨ଟି କ୍ରିଏଟିଭ୍ ଲୁକ୍ ରହିଛି ଯାହା ଦ୍ୱାରା ଫଟୋର ରଙ୍ଗ ଓ ଲୁକ୍ ବଦଳାଇପାରିବେ। ଏଥିରେ ଅପ୍ଟିକାଲ୍ ଇମେଜ୍ ଷ୍ଟାବିଲାଇଜେସନ୍ ମଧ୍ୟ ରହିଛି। ଏହି କ୍ୟାମେରାରେ ଏଆଇ ଆଧାରିତ ଅଟୋଫୋକସ୍ ଦିଆଯାଇଛି। ଏହା ମଣିଷ, ପଶୁ, ପକ୍ଷୀ, କୀଟପତଙ୍ଗ, କାର, ଟ୍ରେନ୍ ଓ ବିମାନକୁ ଚିହ୍ନଟ କରି ଟ୍ରାକ୍ କରିପାରିବ। ଦ୍ରୁତ ଗତିରେ ଚାଲୁଥିବା ବିଷୟକୁ ମଧ୍ୟ ଫୋକସ୍ରେ ରଖିପାରିବ। ଏଥିରେ ପ୍ରତି ସେକେଣ୍ଡରେ ୩୦ଟି ଫଟୋ ପର୍ଯ୍ୟନ୍ତ ଫଟୋ ଉତ୍ତୋଳନ କରିବାର ସୁବିଧା ରହିଛି।
ଭିଡିଓ ପାଇଁ ମଧ୍ୟ ଏହି କ୍ୟାମେରାରେ ଭଲ ସୁବିଧା ରହିଛି। ଏଥିରେ ୪କେ ୧୨୦ପି ଭିଡିଓ ରେକର୍ଡ କରିହେବ। ହାତରେ କ୍ୟାମେରା ଧରି ଭିଡିଓ କଲେ ମଧ୍ୟ ଇମେଜ୍ ଷ୍ଟାବିଲାଇଜେସନ୍ ଭିଡିଓକୁ ସ୍ଥିର ରଖିବ। ଏଥିରେ ୩.୬୮ ମିଲିୟନ୍ ଡଟ୍ର ଓଏଲଇଡି ଭ୍ୟୁଫାଇଣ୍ଡର୍ ଓ ୩ ଇଂଚର ଏଲ୍ସିଡି ସ୍କ୍ରିନ୍ ରହିଛି।
ଆର୍ଏକ୍ସ ୧୦ ଭିରେ ଏନ୍ପି-ଏଫ୍ଜେଡ୍୧୦୦ ବ୍ୟାଟେରି ରହିଛି ଯାହା ଗୋଟିଏ ଚାର୍ଜରେ ପ୍ରାୟ ୬୩୦ଟି ଫଟୋ ଉଠାଇପାରିବ। ୱାଇ-ଫାଇ ଓ ୟୁଏସ୍ବି ଟାଇପ୍-ସି ସୁବିଧା ମଧ୍ୟ ରହିଛି। ଭାରତରେ ଏହି କ୍ୟାମେରାର ମୂଲ୍ୟ ୨,୪୫,୬୪୫ ଟଙ୍କା ରହିଛି। ୨୦୨୬ ସେପ୍ଟମ୍ବର ୨ରୁ ସୋନିର ଅଧିକୃତ ଷ୍ଟୋର୍ ଓ ପ୍ରମୁଖ ଇ-କମର୍ସ ପ୍ଲାଟଫର୍ମରେ ଏହା ଉପଲବ୍ଧ ହେବ।
