ଆଜି ମସ୍କୋରେ ପୁଟିନଙ୍କୁ ଭେଟିବେ ଜାତିସଂଘ ମହାସଚିବ

ଜାତିସଂଘର ମହାସଚିବ ଆଣ୍ଟୋନିଓ ଗୁଟେରସ୍ ଆଜି ମସ୍କୋରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟିବେ।ପୁଟିନ ଏବଂ ଗୁଟେରସଙ୍କ ମଧ୍ୟରେ ଆଲୋଚନା ୟୁକ୍ରେନର ମାରିୟୁପୋଲ ସହର ଉପରେ ହୋଇପାରେ ବୋଲି ମନେ କରାଯାଉଛି। ମାରିୟୁପୋଲ ହେଉଛି ସେହି ସହର ଯାହାକୁ ରୁଷ ସମ୍ପୂର୍ଣ୍ଣ ନିଜ ଦଖଲକୁ ନେଇଥିବା ଘୋଷଣା କରିଛି । ଏହା ସତ୍ତ୍ୱେ ଏଠାରେ ଆଜୋଭଷ୍ଟାଲ ଷ୍ଟିଲ ପ୍ଲାଣ୍ଟକୁ ନିୟନ୍ତ୍ରଣକୁ ନେବାରେ ସକ୍ଷମ ହୋଇ ନାହିଁ |

ମଙ୍ଗଳବାର ଦିନ ୟୁକ୍ରେନ ସୈନ୍ୟ ଦାବି କରିଛନ୍ତି ଯେ ରୁଷ ଏହି କାରଖାନାକୁ ଏବେ ବି ଚାରିପଟେ ଘେରି ରହିଛି ।ଆଜୋଭଷ୍ଟାଲରେ ଲୁଚି ରହିଥିବା ସାଧାରଣ ନାଗରିକଙ୍କୁ ଉଦ୍ଧାର କରିବା ପାଇଁ ୟୁକ୍ରେନ ଗୁଟେରସଙ୍କୁ ମାନବିକ କରିଡରର ଗ୍ୟାରେଣ୍ଟି ଦେବାକୁ ଦାବି କରିଥିଲା ।।

ମିଳିତ ଜାତିସଂଘର ମୁଖ୍ୟ ମଧ୍ୟ ଗୁରୁବାର ୟୁକ୍ରେନ ଗସ୍ତ କରିବେ ବୋଲି ଆଶା କରାଯାଉଛି । ସେ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କ ସହ ଆଲୋଚନା କରିବେ।
ଏହି ସମୟ ମଧ୍ୟରେ ଆମେରିକା ଆଜିଠାରୁ ଅନେକ ଦେଶ ସହିତ ୟୁକ୍ରେନ ସମ୍ବନ୍ଧୀୟ ପ୍ରତିରକ୍ଷା ଆଲୋଚନା ଆରମ୍ଭ କରିଛି |

ଏହି ଆଲୋଚନା ଏପରି ଏକ ସମୟରେ ହେଉଛି ଯେତେବେଳେ ରୁଷର ବୈଦେଶିକ ମନ୍ତ୍ରୀ ସର୍ଗଇ ଲାଭ୍ରୋଭ ତୃତୀୟ ବିଶ୍ୱଯୁଦ୍ଧର ସମ୍ଭାବନା ରହିଛି ବୋଲି କହିଛନ୍ତି। ଶାନ୍ତି ଆଲୋଚନା ପାଇଁ ୟୁକ୍ରେନର ଆଭିମୁଖ୍ୟକୁ ସେ ସମାଲୋଚନା କରିଛନ୍ତି।

Share

Leave a Reply

Your email address will not be published. Required fields are marked *

five + 2 =