ଓଡ଼ିଶା ନାଭାଲ ଟାଟା ହକି ହାଇ ପରଫରମାନ୍ସ ସେଣ୍ଟର ପକ୍ଷରୁ ତୃଣମୂଳ ସ୍ତରରେ ହକିକୁ ସୁଦୃଢ଼ କରିବାକୁ ଗୋଲକିପିଂ କର୍ମଶାଳା ଆୟୋଜିତ

ଭୁବନେଶ୍ୱର, 21/12/2025: ଓଡ଼ିଶା ନାଭାଲ ଟାଟା ହକି ହାଇ ପରଫରମାନ୍ସ ସେଣ୍ଟର (ଓଏନଟିଏଚଏଚପିସି) ପକ୍ଷରୁ ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ତୃଣମୂଳସ୍ତରୀୟ ବାଳକ ଓ ବାଳିକାଙ୍କ ପାଇଁ ଏକ ବିଶେଷ ହକି ଗୋଲକିପିଂ  ୱାର୍କସପ ସଫଳତାର ସହିତ ଆୟୋଜନ କରାଯାଇଛି। ଏହାର ଉଦ୍ଦେଶ୍ୟ ହେଉଛି ଯୁବ ହକି ପ୍ରତିଭାମାନଙ୍କ ମଧ୍ୟରେ ଗୋଲକିପିଂ କୌଶଳର ମୂଳଦୁଆକୁ ମଜବୁତ କରିବା।

ଏହି ୧୧ ଦିନିଆ ୱାର୍କସପ ୨୦୨୫ ଡିସେମ୍ବର ୮ରୁ ଆରମ୍ଭ ହୋଇଥିଲା। ଏଥିରେ ଆଧୁନିକ ଗୋଲକିପରମାନଙ୍କ ପାଇଁ ଅତ୍ୟାବଶ୍ୟକୀୟ ଦକ୍ଷତା ଯଥା   ଗୋଲକିପିଂ କୌଶଳ, ମ୍ୟାଚ ସଚେତନତା, ରିଫ୍ଲେକ୍ସ ଟ୍ରେନିଂ, ପୋଜିସନିଂ ଏବଂ ମାନସିକ ଦୃଢ଼ତାର ବିକାଶ ଉପରେ ଧ୍ୟାନ ଦିଆଯାଇଥିଲା।

ଏହି ଅଧିବେଶନଗୁଡ଼ିକୁ ଓଏନଟିଏଚଏଚପିସିର ଗୋଲକିପିଂ କୋଚ ଏମଡି ଇସମାଇଲଙ୍କ ନେତୃତ୍ୱରେ ଆୟୋଜନ କରାଯାଇଥିଲା ଏବଂ ଏଥିରେ  ଓଏନଟିଏଚଏଚପିସି କ୍ୟାଡେଟ ଅମିଶା କୁଲୁ, ମଙ୍ଗଳ ସାହୁ ଏବଂ ବିବେକ ଲକ୍ରା ଯୁବ ଅଂଶଗ୍ରହଣକାରୀମାନଙ୍କ ସହିତ ନିଜର ଅଭିଜ୍ଞତା  ବାଣ୍ଟିଥିଲେ।

ୱାର୍କସପର ସମାପନ ଉତ୍ସବରେ ଡା. ପ୍ର. ସାର୍ଥକ ପଟ୍ଟନାୟକ ମୁଖ୍ୟ ଅତିଥି ଭାବେ ଉପସ୍ଥିତ ଥିଲେ। ଡା. ପଟ୍ଟନାୟକ ଜଣେ ବିଶିଷ୍ଟ ସର୍ଜନ, ମାଷ୍ଟର ଇନ ସର୍ଜରୀ, ଅର୍ଥୋପେଡିକ୍ସ, ଫେଲୋଶିପ ଇନ ସ୍ପୋର୍ଟସ ସାଇନ୍ସ ଇନଷ୍ଟିଚ୍ୟୁଟ ଅଫ ସାଉଥ ଆଫ୍ରିକା (କେପଟାଉନ, ଏସ.ଏ.), ଫେଲୋଶିପ ଇନ ଆର୍ଥ୍ରୋସ୍କୋପି ଆଣ୍ଡ ସ୍ପୋର୍ଟସ ମେଡିସିନ (ଆଇଏସଏକେଓଏସ), ଫେଲୋଶିପ ଇନ ହିପ ଆର୍ଥ୍ରୋସ୍କୋପି (ସ୍ପେନ), ଫେଲୋଶିପ ଇନ ଶୋଲ୍ଡର ଆଣ୍ଡ ସ୍ପୋର୍ଟସ ମେଡିସିନ (ପେନସିଲଭାନିଆ ସ୍ପୋର୍ଟସ ମେଡିସିନ କ୍ଲିନିକ, ୟୁଏସଏ) ଏବଂ ସ୍ପୋର୍ଟସ ସାଇନ୍ସ ଇଣ୍ଡିଆ (ଏସଏସଆଇ)ର ପ୍ରତିଷ୍ଠାତା ତଥା ପରିଚାଳନା ନିର୍ଦ୍ଦେଶକ ସହିତ ଏସଏସଆଇ ଫ୍ୟାନଜିନର ମୁଖ୍ୟ ସମ୍ପାଦକ।

ସେ ଅଂଶଗ୍ରହଣକାରୀମାନଙ୍କୁ କ୍ରୀଡା ବିଜ୍ଞାନ, ଆଘାତ ପ୍ରତିରୋଧ ଏବଂ ଦୀର୍ଘକାଳୀନ କ୍ରୀଡାବିତ ବିକାଶର ଗୁରୁତ୍ୱ ବିଷୟରେ ଉଦବୋଧନ ଦେଇଥିଲେ।