ପାକିସ୍ତାନର ଦାବି ଶୁଣିଲାନି ICC

ପାକିସ୍ତାନକୁ ଝଟକା । ଆଇସିସି ଆଗରେ ରଖିଥିବା ଦାବିକୁ ଶୁଣିଲାନି । ପାକିସ୍ତାନକୁ ଗୋଟିଏ ଦିନର ଅଲ୍ଟିମେଟ ଦେଇଛି ଆଇସିସି । ଟି-୨୦ ବିଶ୍ବକପରେ ଭାରତ ବିପକ୍ଷରେ ପାକିସ୍ତାନ ମ୍ୟାଚ ଖେଳିବା ପୂର୍ବରୁ ଆଇସିସି ଆଗରେ କିଛି ସର୍ତ୍ତ ରଖିଥିଲା । ଯାହାକୁ ସିଧା ସିଧା ମନା କରିଦେଇଛି । ତେବେ ବାଂଲାଦେଶକୁ ଏକ ପ୍ରକାର ଆଶ୍ବସ୍ତି ମିଳିଛି । ବାଂଲାଦେଶ ଆଇସିସିର ରାଜସ୍ବ ନାର୍ଯ୍ୟ ଅଂଶ ପାଇବା ଜାରି ରଖିବ । ଗତବର୍ଷ ହିଂସା ପାଇଁ ବାଲାଂଦେଶ ମହିଳା ଟି-୨୦ ବିଶ୍ବକପ ଆୟୋଜନରୁ ବଞ୍ଚିତ ହୋଇଥିଲା । ଏଥିପାଇଁ ବାଂଲାଦେଶକୁ ଆର୍ଥିକ କ୍ଷତିପୂରଣ ସ୍ବରୁପ ୧୯ ବର୍ଷରୁ କମ୍ ବିଶ୍ବକପ ଭଳି ଟୁର୍ଣ୍ଣାମେଣ୍ଟ ଆୟୋଜନ କରିବା ପାଇଁ ଦେବ ।

ସେପଟେ ଭାରତ ବିପକ୍ଷ ମ୍ୟାଚକୁ ପାକିସ୍ତାନ ବର୍ଜନ କରିବା ନିଷ୍ପତ୍ତି ସମ୍ପର୍କରେ ମଧ୍ୟ ବୈଠକ ହୋଇଛି । ଯେଉଁଥିରେ ପାକିସ୍ତାନକୁ ଗୋଟିଏ ଦିନର ମହଲତ ଦେଇଛି ଆଇସିସି । ନକଭିଙ୍କ ସହ ଆଲୋଚନା ପରେ ସେ କହିଛନ୍ତି କି, ସରକାରଙ୍କ ଆଲୋଚନା ପରେ ଜଣାଇବେ । ବୁଧବାର ଚୂଡ଼ାନ୍ତ ନିଷ୍ପତ୍ତି ଶୁଣାଇବ ଆଇସିସି ।

ପାକିସ୍ତାନର କେଉଁ ଦାବି ପ୍ରତ୍ୟାଖ୍ୟାନ ହେଲା ?

୧- ଆଇସିସି ପୁଣିଥରେ ଭାରତ-ପାକିସ୍ତାନ ଦ୍ବିପାକ୍ଷିକ ସିରିଜ୍ ଖେଳିବାକୁ ଅନୁମତି ଦିଅନ୍ତୁ । ପାକିସ୍ତାନ ଏହି ଦାବି ରଖିଥିଲା ଯାହାକୁ ଆଇସିସି ମନା କରି ଦେଇଛନ୍ତି ।

୨- ଭାରତ-ପାକିସ୍ତାନ-ବାଂଲାଦେଶ ତ୍ରିରାଷ୍ଟ୍ରୀୟ ସିରିଜ୍ ଖେଳାଯିବାକୁ ପ୍ରସ୍ତାବ ଦେଇଥିଲା ପାକିସ୍ତାନ । ଏହାକୁ ମଧ୍ୟ ଆଇସିସି ସିଧାସଳଖ ପ୍ରତ୍ୟାଖ୍ୟାନ କରିଛି ।

୩- ଭାରତ ବାଂଲାଦେଶ ଗସ୍ତ ପ୍ରସଙ୍ଗ ମଧ୍ୟ ଉଠାଯାଇଥିଲା । ଯାହାକୁ ନେଇ ଆଇସିସି କହିଛନ୍ତି କି, କୌଣସି ଦେଶକୁ ଅନ୍ୟ ଦେଶ ଗସ୍ତ କରିବାକୁ ବାଧ୍ୟ କରିବା ପାଇଁ ଆଇସିସିର ନିୟମ ନାହିଁ । ଏହା କ୍ରିକେଟ ବୋର୍ଡ ଏବଂ ସରକାର ନିଷ୍ପତ୍ତି ନେବେ ।

ସେପଟେ ଆସନ୍ତା ୧୫ ତାରିଖରେ କଲୋମ୍ବୋରେ ଅନୁଷ୍ଠିତ ହେବାକୁ ରହିଛି ପାକିସ୍ତାନ-ଭାରତ ମ୍ୟାଚ୍ । ଟି-୨୦ ବିଶ୍ବକପର ଲିଗ୍ ପର୍ଯ୍ୟାୟରେ ଭେଟାଭେଟି ହେବେ। ମାତ୍ର ବାଂଲାଦେଶ ଟୁର୍ଣ୍ଣାମେଣ୍ଟରୁ ବାଦ ପଡ଼ିବା ପରେ ଭାରତ ବିପକ୍ଷ ମ୍ୟାଚ ବର୍ଜନ କରିଛି ପାକିସ୍ତାନ । ଏବେ କିଛି ଦାବି ରଖିଥିବା ଆଇସିସି ଏହାକୁ ସିଧାସିଧା ମନା କରି ଦେଇଛି । ତେବେ ପାକିସ୍ତାନକୁ ଆଇସିସି ଗୋଟିଏ ଦିନର ଅଲ୍ଟିମେଟ ଦେଇଥିବାବେଳେ କଣ ନିଷ୍ପତ୍ତି ନେଉଛି ଏହା ଉପରେ ସମସ୍ତଙ୍କ ନଜର ରହିଛି ।