ଆଜି ପାକିସ୍ତାନକୁ ଭେଟିବ ଭାରତ

ଆଜି ଟି ଟ୍ବେଣ୍ଟି ବିଶ୍ୱକପର ମହାସଂଗ୍ରାମ । ଭାରତ-ପାକ୍ ମହାଲଢେଇ। କଲମ୍ବୋର ଆର ପ୍ରେମଦାସା ଷ୍ଟାଡିୟମରେ ମୁହାଁମୁହିଁ ହେବେ ଦୁଇ ଚୀର ପ୍ରତିଦ୍ବନ୍ଦୀ ଭାରତ-ପାକିସ୍ତାନ ।  ଆମେରିକା ଓ ନାମ୍ବିଆ ଠାରୁ ଶାନଦାର ବିଜୟ ପରେ ଏବେ ଭାରତର ଟାର୍ଗେଟ ପାକିସ୍ତାନ । ଟି-୨୦ ବିଶ୍ବକପରେ ଭାରତ ଓ ପାକିସ୍ତାନ ମଧ୍ୟରେ ହୋଇଛି ୮ଥର ମୁକାବିଲା ।  ଗୋଟିଏ ମ୍ୟାଚକୁ ଛାଡିଦେଲେ ଅନ୍ୟ ସବୁ ମ୍ୟାଚରେ ପାକକୁ ଧୋଇଛି ଟିମ୍ ଇଣ୍ଡିଆ । ଆର ପ୍ରେମଦାସା ଷ୍ଟାଡିମୟରେ ଭାରତର ପଲ୍ଲା ଭାରୀ ।  ଦମଦାର ବ୍ୟାଟିଂ ଏବଂ ଶକ୍ତିଶାଳୀ ବୋଲିଂ ଆକ୍ରମଣ ଭାରତର ଶକ୍ତି। ପାକିସ୍ତାନର ଶକ୍ତି ଦ୍ରୁତ ବୋଲର ଏବଂ ଟପ୍-ଅର୍ଡର ବ୍ୟାଟରଙ୍କ ବିସ୍ଫୋରକ ବ୍ୟାଟିଂ।

ଆୟୋଜକ ଶ୍ରୀଲଙ୍କାକୁ ଛାଡ଼ି ଦେଲେ କେବଳ ଅଷ୍ଟ୍ରେଲିଆ ହିଁ ଭାରତକୁ ଏଯାଏ ପ୍ରେମଦାସାରେ ହରାଇପାରିଛି । ତେବେ ଭାରତ-ପାକିସ୍ତାନ ମ୍ୟାଚରେ ବାଧକ ସାଜିପାରେ ବର୍ଷା ।  ପାଣିପାଗ ବିଭାଗ କଲମ୍ବୋରେ ବର୍ଷା ସତର୍କତା ଜାରି କରିଛି । ଯଦି ମ୍ୟାଚ୍ ବାତିଲ ହୁଏ ତେବେ ଭାରତ ଏବଂ ପାକିସ୍ତାନର ୫ ପଏଣ୍ଟରେ ପହଞ୍ଚିବେ।  ଉଭୟ ସୁପର ୮ ପାଇଁ ଯୋଗ୍ୟତା ଅର୍ଜନ କରିବେ ।