ଉପଭୋକ୍ତାଙ୍କ ପାଇଁ ଟିପିସିଓଡିଏଲ ଦ୍ଵାରା ଅତ୍ୟାଧୁନିକ କଷ୍ଟମର୍ କେୟାର୍ ସେଣ୍ଟର୍ ଉଦଘାଟିତ
ଟାଟା ପାୱାର ଏବଂ ଓଡ଼ିଶା ସରକାରଙ୍କ ଏକ ଯୌଥ ଉଦ୍ୟୋଗ ଟିପି ସେଂଟ୍ରାଲ ଓଡିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ (ଟିପିସିଓଡିଏଲ୍), ଭୁବନେଶ୍ୱରର ପାୱର ହାଉସ୍ କଲୋନୀ ନିକଟରେ ଏହାର ବିସିଡିଡି୧ (ଭୁବନେଶ୍ୱର ସିଟି ଡିଷ୍ଟ୍ରିବ୍ୟୁସନ୍ ଡିଭିଜନ୍- ୧) ମଡେଲ୍ ଗ୍ରାହକ ସେବା କେନ୍ଦ୍ର ଉଦଘାଟନ କରିଛି। ଏହି ଉନ୍ନତ ସୁବିଧା ଭୁବନେଶ୍ୱରର ଚାରି ଲକ୍ଷରୁ ଅଧିକ ଉପଭୋକ୍ତାଙ୍କୁ ଗୋଟିଏ ସ୍ଥାନରେ ସବୁ ସମସ୍ୟାର ସମାଧାନ ପ୍ରଦାନ କରିବା ସହିତ ସେବା ଅନୁରୋଧ, ବିଲିଂ ସମ୍ବନ୍ଧୀୟ ପ୍ରଶ୍ନ ଏବଂ ଅଭିଯୋଗର ଶୀଘ୍ର ଏବଂ ଦକ୍ଷ ସମାଧାନ ସୁନିଶ୍ଚିତ କରିବାକୁ ଲକ୍ଷ୍ୟ ରଖିଛି।
ଏହି କେନ୍ଦ୍ରକୁ ଗ୍ରାହକ ସେବାର ଏକ ମଡେଲ୍ ଭାବରେ ତିଆରି କରାଯାଇଛି, ଯେଉଁଠାରେ ଆଧୁନିକ ସୁବିଧା ସହିତ ପ୍ରଯୁକ୍ତିବିଦ୍ୟା ଆଧାରିତ ସେବାଗୁଡିକ ଉପଲବ୍ଧ ରହିଛି। ଏଠାରେ ଡିଜିଟାଲ୍ କିଓସ୍କ, ସ୍ୱୟଂ-ସେବା ବିକଳ୍ପ, ଏକ ଉତ୍ସର୍ଗୀକୃତ ଧାଡ଼ି ପରିଚାଳନା ପ୍ରଣାଳୀ, ବାସ୍ତବ-ସମୟ ମତାମତର ବ୍ୟବସ୍ଥା ରହିଛି। ସମସ୍ୟାର ଶୀଘ୍ର ସମାଧାନ ପାଇଁ ଏକ ସମ୍ମିଳନୀ କକ୍ଷ ଏବଂ ଗ୍ରାହକଙ୍କ ସୁବିଧା ପାଇଁ ପର୍ଯ୍ୟାପ୍ତ ପାର୍କିଂ ବ୍ୟବସ୍ଥା ମଧ୍ୟ କରାଯାଇଛି।
ଏହି ସେଣ୍ଟର ଗ୍ରାହକ ସଂପର୍କ ଓ ସଚେତନତାର ଏକ ମୁଖ୍ୟ କେନ୍ଦ୍ର ଭାବେ କାମ କରିବ। ଏଠାରେ ଡିଜିଟାଲ୍ ପେମେଣ୍ଟ, ସ୍ମାର୍ଟ ମିଟରିଂ ଏବଂ ସ୍ୱୟଂସେବା ପ୍ଲାଟଫର୍ମକୁ ପ୍ରୋତ୍ସାହନ ଦିଆଯିବ, ଯାହା ଟିପିସିଓଡିଏଲ୍ର ଭରସାଯୋଗ୍ୟ, ସ୍ବଚ୍ଛ ଏବଂ ଗ୍ରାହକାଭିମୁଖୀ ବିଦ୍ୟୁତ୍ ବିତରଣ ସେବା ଦେବାର ଦୃଷ୍ଟିକୋଣକୁ ପ୍ରତିଫଳିତ କରେ।
ଉଦଘାଟନ ଉତ୍ସବରେ ଟାଟା ପାୱାରର ସିଏଚ୍ଆର୍ଓ ଏବଂ ସଷ୍ଟେନେବିଲିଟି ଓ ସିଏସ୍ଆର୍ ମୁଖ୍ୟ ଶ୍ରୀ ହିମଲ ତିୱାରୀ, ଟିପିସିଓଡିଏଲ୍ର ସିଇଓ ଶ୍ରୀ ଅରଭିନ୍ଦ ସିଂହଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
ଏହି ଅବସରରେ ଟାଟା ପାୱାରର ସିଏଚ୍ଆର୍ଓ ଏବଂ ସଷ୍ଟେନେବିଲିଟି ଓ ସିଏସ୍ଆର୍ ମୁଖ୍ୟ ଶ୍ରୀ ହିମଲ ତିୱାରୀ କହିଛନ୍ତି ଯେ, “ଭୁବନେଶ୍ୱରର ଏହି ନୂଆ ମଡେଲ୍ ଗ୍ରାହକ ସେବା କେନ୍ଦ୍ର ସରଳ, ସ୍ୱଚ୍ଛ ଏବଂ ପ୍ରଯୁକ୍ତିବିଦ୍ୟା-ଚାଳିତ ସେବା ଅଭିଜ୍ଞତା ପ୍ରଦାନ କରିବା ପାଇଁ ଟିପିସିଓଡିଏଲ୍ର ରହିଥିବା ପ୍ରତିବଦ୍ଧତାକୁ ପ୍ରତିଫଳିତ କରୁଛି। ଏହି ପଦକ୍ଷେପ ଟିପିସିଓଡିଏଲ୍ କିଭଳି ଉପଭୋକ୍ତାଙ୍କ ସୁବିଧା ଓ ବିଶ୍ୱାସକୁ ମଜବୁତ କରିବା ପାଇଁ ବିଭିନ୍ନ ପଦକ୍ଷେପ ନେଉଛି ତାହା ଦର୍ଶାଉଛି ଏବଂ ପ୍ରତ୍ୟେକ ଉପଭୋକ୍ତା କିଭଳି ଆଦର୍ ଓ ସହଯୋଗ ପାଉଥିବା ଅନୁଭବ କରିବେ ତାହା ସୁନିଶ୍ଚିତ କରୁଛି।“
ଏହି ଅବସରରେ ଟିପିସିଓଡିଏଲ୍ ର ସିଇଓ ଶ୍ରୀ ଅରଭିନ୍ଦ ସିଂହ କହିଛନ୍ତି ଯେ, ” ଭୁବନେଶ୍ୱରରେ ଏହି ଉନ୍ନତ ଗ୍ରାହକ ସେବା କେନ୍ଦ୍ରର ଉଦଘାଟନ ପ୍ରଯୁକ୍ତିବିଦ୍ୟା ଏବଂ ମାନବିକତା ଦ୍ୱାରା ଗ୍ରାହକ ସନ୍ତୋଷ ବଢ଼ାଇବା ଦିଗରେ ଆମର ଆଉ ଏକ ପାଦକ୍ଷେପ। ଏହି ଆଧୁନିକ କେନ୍ଦ୍ରଟି ଗ୍ରାହକଙ୍କୁ ସୁବିଧା, ସ୍ପଷ୍ଟତା ଓ ବିଶ୍ୱାସ ଦେବା ପାଇଁ ତିଆରି କରାଯାଇଛି, ଯାହା ନିଶ୍ଚିତ କରିବ ଯେଭଳି ପ୍ରତ୍ୟେକ ଗ୍ରାହକ ନିଜକୁ ମୂଲ୍ୟବାନ ଅନୁଭବ କରିପାରିବେ।“
ଏହି ପଦକ୍ଷେପ ସହିତ, ଓଡ଼ିଶାର ଡିଜିଟାଲ୍ ଏବଂ ଗ୍ରାହକ-କୈନ୍ଦ୍ରିକ ବିଦ୍ୟୁତ୍ ସେବା ଦେବାର ଲକ୍ଷ୍ୟ ସହିତ ସମନ୍ୱିତ ହୋଇ, ଟିପିସିଓଡିଏଲ୍ ଗ୍ରାହକମାନଙ୍କୁ ସରଳ ଓ ଦ୍ରୁତ ସେବା ଦେବାର ପ୍ରତିବଦ୍ଧତାକୁ ଆହୁରି ସୁଦୃଢ଼ କରିଛି।
