ଏସବିଆଇ ଜେନେରାଲ ଇନସ୍ୟୁରାନ୍ସ ପକ୍ଷରୁ “ହେଲ୍ଥ ଆଲଫା’ ଉନ୍ମଚିତ – ଜିଏସଟି ସଂସ୍କରଣ ପରେ ଏହା ଏକ ଶିଳ୍ପ – ପ୍ରଥମ ଉତ୍ପାଦ

ଭୁବନେଶ୍ୱର: ଭାରତର ଅଗ୍ରଣୀ ସାଧାରଣ ବୀମା କମ୍ପାନୀ ଏସବିଆଇ ଜେନେରାଲ ଇନସ୍ୟୁରାନ୍ସ, ଏହାର ପ୍ରମୁଖ ଖୁଚୁରା ସ୍ୱାସ୍ଥ୍ୟ ବୀମା ଉତ୍ପାଦ – “ହେଲ୍ଥ ଆଲଫା” ଉନ୍ମଚନ କରିଛି। ଅସୀମିତ ନମନୀୟତା ଏବଂ ୫୦ ରୁ ଅଧିକ କଭରେଜ୍ ବିକଳ୍ପ ସହିତ ଡିଜାଇନ୍ କରାଯାଇଥିବା, ହେଲ୍ଥ ଆଲଫା “ଆପଣଙ୍କର ସ୍ୱାସ୍ଥ୍ୟ, ଆପଣଙ୍କ କଭର, ଆପଣଙ୍କ ପଥ’ ଦର୍ଶନକୁ ପ୍ରତିଫଳିତ କରୁଛି, ଯାହା ଗ୍ରାହକମାନଙ୍କୁ ସେମାନଙ୍କ ଜୀବନଶୈଳୀ ଓ ସ୍ୱାସ୍ଥ୍ୟସେବା ଆବଶ୍ୟକତା ଅନୁଯାୟୀ ବ୍ୟକ୍ତିଗତ ସ୍ୱାସ୍ଥ୍ୟ ଯୋଜନା ତିଆରି କରିବାକୁ ସକ୍ଷମ କରୁଛି। ଏହି ଗୁରୁତ୍ୱପୂର୍ଣ୍ଣ ଲଞ୍ଚ ଏସବିଆଇ ଜେନେରାଲ ଇନସ୍ୟୁରାନ୍ସର ସୁଲଭ, କଷ୍ଟମାଇଜ୍ଡ ଏବଂ ଅତ୍ୟାଧୁନିକ ଉତ୍ପାଦ ପ୍ରଦାନ କରିବା ପ୍ରତି ସମର୍ପଣକୁ ପ୍ରତିଫଳିତ କରୁଛି। ଯାହା ଗ୍ରାହକମାନଙ୍କୁ ଦୃଢ଼ ସ୍ୱାସ୍ଥ୍ୟ କଭରେଜ୍ ପାଇବାକୁ ସୁନିଶ୍ଚିତ କରିବା ସହ ସେମାନଙ୍କର ବିବିଧ ସ୍ୱାସ୍ଥ୍ୟସେବା ଆବଶ୍ୟକତା, ଚିକିତ୍ସା ଏବଂ ହସ୍ପିଟାଲିଟେସନ୍ ଖର୍ଚ୍ଚର ଆର୍ôଥକ ବୋଝକୁ ହ୍ରାସ କରିବ।
ଏହି ସ୍କିମ୍ ୫ ଲକ୍ଷ ଟଙ୍କାରୁ ଅସୀମିତ ବୀମା ରାଶି ପର୍ଯ୍ୟନ୍ତ ବିଭିନ୍ନ ପ୍ରକାରର ବୀମା ବିକଳ୍ପ ପ୍ରଦାନ କରୁଛି। ପଲିସିଧାରକମାନେ ପାଞ୍ଚ ବର୍ଷ ପର୍ଯ୍ୟନ୍ତ ଏକ ଦୀର୍ଘକାଳୀନ ପଲିସି ଅବଧି ବାଛିପାରିବେ, ଯାହା ବର୍ଦ୍ଧିତ ଚିକିତ୍ସା ଖର୍ଚ୍ଚ ବିପକ୍ଷରେ ସୁରକ୍ଷା ପ୍ରଦାନ କରିବ ଏବଂ ଅବଧି-ଆଧାରିତ ରିହାତିରୁ ଲାଭ ପାଇବ। ଏହି ଯୋଜନା କ୍ରୟ କରିବା ପାଇଁ ପ୍ରବେଶ ବୟସ ବୟସ୍କମାନଙ୍କ ପାଇଁ କୌଣସି ପ୍ରତିବନ୍ଧକ ବିନା ୧୮ ବର୍ଷରୁ ଏବଂ ପିଲାମାନଙ୍କ ପାଇଁ ୯୧ ଦିନରୁ ୨୫ ବର୍ଷ ପର୍ଯ୍ୟନ୍ତ ସମସ୍ତଙ୍କ ପାଇଁ ଉଦ୍ଧିଷ୍ଟ କରାଯାଇଛି।
ଦ୍ରୁତ ଗତିରେ ବିକଶିତ ହେଉଥିବା ଇକୋସିଷ୍ଟମ ଏବଂ ଗ୍ରାହକଙ୍କ ଏକ ବିସ୍ତୃତ ପରିସରର ଆବଶ୍ୟକତା ପୂରଣ କରିବା ପାଇଁ ଡିଜାଇନ୍ ହୋଇଥିବା, ହେଲ୍ଥ ଆଲଫା ଗ୍ରାହକ-କେନ୍ଦ୍ରିକ, ବ୍ୟକ୍ତିଗତ କଭରେଜ୍ ବିକଳ୍ପଗୁଡ଼ିକର ଏକ ପରିସର ପ୍ରଦାନ କରେ ଯାହା ବ୍ୟାପକ ସୁରକ୍ଷା ଏବଂ ବିକଳ୍ପ ସୁବିଧା ଉପରେ ଗୁରୁତ୍ୱ ଦିଏ। ହେଲ୍ଥ ଆଲଫାର ମୁଖ୍ୟ ବୈଶିଷ୍ଟ୍ୟଗୁଡ଼ିକ ମଧ୍ୟରେ ଅନ୍ତର୍ଭୁକ୍ତ:
ଏହି ପଲିସି ଅଧୀନରେ କୌଣସି ଦାବି ନ ଥିଲେ ବାର୍ଷିକ ୧୦ ଗୁଣା ପର୍ଯ୍ୟନ୍ତ କ୍ରମବର୍ଦ୍ଧିତ ବୋନସ୍ ପ୍ରଦାନ କରିବ। ପୁଣି ପଲିସିର ମୂଳ ବୀମାକୃତ ରାଶି ଅସୀମିତ ରହିଛି। ପଲିସିର ନିୟମ ଏବଂ ସର୍ତ୍ତାବଳୀ ଅନୁଯାୟୀ ଯେକୌଣସି ପରିମାଣର ଦାବି ଦେୟଯୋଗ୍ୟ ହେବ। ଏଥିସହିତ ମୂଳ ବୀମାକୃତ ରାଶିଠାରୁ ଅଧିକ ଏକକ ଦାବି ପାଇଁ ହସ୍ପିଟାଲରେ ଭର୍ତ୍ତି ଖର୍ଚ୍ଚ କଭର କରିବ; ଏହି ଲାଭ ପଲିସିର ଜୀବନକାଳ ମଧ୍ୟରେ ଥରେ ଉପଲବ୍ଧ ହୋଇପାରିବ। ଏହା ଶିଳ୍ପର ପ୍ରଥମ ଏବଂ ଅନନ୍ୟ ଆଡ-ଅନ୍ ଯାହା କ୍ରୀଡା କିମ୍ବା ଦୈନନ୍ଦିନ ଫିଟନେସ୍ କାର୍ଯ୍ୟକଳାପ ସମୟରେ ହୋଇଥିବା ଆଘାତ ପାଇଁ ଓପିଡି ଲାଭ ପ୍ରଦାନ କରେ, ଯେଉଁଥିରେ ବିଶେଷଜ୍ଞ ପରାମର୍ଶ, ଡାଇଗ୍ନୋଷ୍ଟିକ୍ ପରୀକ୍ଷା, ନିର୍ଦ୍ଧାରିତ ଔଷଧ ଏବଂ ଫିଜିଓଥେରାପି ଅନ୍ତର୍ଭୁକ୍ତ। ପଲିସିଧାରକଙ୍କ ପାଇଁ ସଂଗୃହିତ ଅପେକ୍ଷା ଅବଧିକୁ ନବବିବାହିତ ପତି/ପତ୍ନୀ (୩୫ ବର୍ଷ ବୟସ ପର୍ଯ୍ୟନ୍ତ) ଏବଂ/କିମ୍ବା ନବଜାତ ଶିଶୁ (ସର୍ବାଧିକ ୨ ସନ୍ତାନ) ପର୍ଯ୍ୟନ୍ତ ବିସ୍ତାର କରାଯାଇପାରିବ, ଯଦି ସେମାନେ ବିବାହ କିମ୍ବା ଜନ୍ମର ୧୨୦ ଦିନ ମଧ୍ୟରେ ପଞ୍ଜୀକୃତ ହୁଅନ୍ତି। ଯଦି ନୂତନ ପଲିସି କୋଟେସନ୍ ଜେନେରେସନ୍ ହେବାର ୫ ଦିନ ମଧ୍ୟରେ କିଣାଯାଏ ତେବେ ଏହି ଉତ୍ପାଦ ୫ ପ୍ରତିଶତର ଏକ ସ୍ୱତନ୍ତ୍ର “ସ୍ୱାଗତ ରିହାତି’ ପ୍ରଦାନ କରିବ।
ଲଞ୍ଚ ସମୟରେ ଭାଷଣ ଦେଇ, ଏସବିଆଇ ଜେନେରାଲ୍ ଇନସ୍ୟୁରାନ୍ସର ଉପ-ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ମହମ୍ମଦ ଆରିଫ୍ ଖାନ କହିଛନ୍ତି, “ଏସବିଆଇ ଜେନେରାଲ୍ ଇନସ୍ୟୁରାନ୍ସରେ, ଆମେ ହେଲ୍ଥ ଆଲଫା ଲଞ୍ଚ କରି ଖୁସି ବ୍ୟକ୍ତ କରୁଛୁ। ଜିଏସଟି ସଂସ୍କାର ପରେ ଏହା ଶିଳ୍ପରେ ପ୍ରଥମ ପ୍ରସ୍ତାବ, ଯାହା ସୁଲଭତା ଏବଂ ସୁଗମତାରେ ବିପ୍ଳବ ଆଣିବ। ବର୍ତ୍ତମାନ ସମୟରେ ବର୍ଦ୍ଧିତ ଚିକିତ୍ସା ଖର୍ଚ୍ଚ ସହିତ, ପର୍ଯ୍ୟାପ୍ତ କଭରେଜ ସହିତ ସଠିକ୍ ସ୍ୱାସ୍ଥ୍ୟ ବୀମା ଯୋଜନା ଖୋଜିବା ପୂର୍ବ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ। ହେଲ୍ଥ ଆଲଫା କେବଳ ଅନ୍ୟ ଏକ ସ୍ୱାସ୍ଥ୍ୟ ବୀମା ଯୋଜନା ନୁହେଁ; ଏହା କଷ୍ଟମାଇଜେସନ୍‌, ନବସୃଜନ ଏବଂ ଗ୍ରାହକ-ପ୍ରଥମ ସମାଧାନକୁ ମିଶ୍ରଣ କରି ଲୋକଙ୍କ ପାଇଁ ସ୍ୱାସ୍ଥ୍ୟ କଭରେଜ ଅଭିଜ୍ଞତାକୁ ପୁନଃ ପରିଭାଷିତ କରୁଛି। ଆମର ବ୍ୟାପକ ହସ୍ପିଟାଲ ନେଟୱାର୍କ ଓ ଦୃଢ଼ ଦାବି ପ୍ରକ୍ରିୟା ସହିତ, ଆମେ ବିଶ୍ୱାସ କରୁଛୁ ଯେ ଏହି ଉତ୍ପାଦ ବ୍ୟକ୍ତି ଓ ପରିବାରକୁ ସେମାନଙ୍କର ସ୍ୱାସ୍ଥ୍ୟ ବୀମା ଉପରେ ଅଭୂତପୂର୍ବ ନିୟନ୍ତ୍ରଣ ପ୍ରଦାନ କରିବାରେ ଏକ ନୂତନ ମାନଦଣ୍ଡ ସ୍ଥାପନ କରିବ।”
ଏହି ଲଞ୍ଚ ସହିତ, ଏସବିଆଇ ଜେନେରାଲ୍ ଇନସ୍ୟୁରାନ୍ସ ଖୁଚୁରା ସ୍ୱାସ୍ଥ୍ୟସେବା କ୍ଷେତ୍ରରେ ଏହାର ନେତୃତ୍ୱକୁ ସୁଦୃଢ଼ କରିବା ଓ ଗ୍ରାହକ-କେନ୍ଦ୍ରିକ ସ୍ୱାସ୍ଥ୍ୟ ବୀମାରେ ନୂତନ ମାନଦଣ୍ଡ ସ୍ଥାପନ କରିବା ଲକ୍ଷ୍ୟ ରଖିଛି।