ଇଣ୍ଡିଆ ଟ୍ରାଞ୍ଜିସନ ଆକ୍ସିଲେରେଟର ପ୍ରୋଗ୍ରାମ (ଆଇଟିଏ) ଇଣ୍ଡିଆ ପ୍ରୋଜେକ୍ଟ ସପୋର୍ଟ ପ୍ରୋଗ୍ରାମର ଶୁଭାରମ୍ଭ କରିବ

ଭୁବନେଶ୍ୱର: ଏକ ବିଶ୍ୱସ୍ତରୀୟ ବହୁ ଅଂଶୀଦାର ଆଧାରିତ ଅଭିଯାନ ଇଣ୍ଡଷ୍ଟ୍ରିଆଲ ଟ୍ରାଞ୍ଜିସନ ଆକ୍ସିଲେରେଟର (ଆଇଟିଏ) ପକ୍ଷରୁ ୨୦୨୫ ନଭେମ୍ବର ୪ରେ ନୂଆଦିଲ୍ଲୀରେ ଏହାର ଇଣ୍ଡିଆ ପ୍ରୋଜେକ୍ଟ ସପୋର୍ଟ ପ୍ରୋଗ୍ରାମ (ଭାରତ ପ୍ରକଳ୍ପ ସହାୟତା କାର୍ଯ୍ୟକ୍ରମ)ର ଶୁଭାରମ୍ଭ କରାଯିବ ଏବଂ ‘ଇଣ୍ଡିଆ ଇନସାଇଟସ ବ୍ରିଫିଂ’ ନାମକ ଏକ ସ୍ୱତନ୍ତ୍ର ରିପୋର୍ଟ ଉନ୍ମୋଚନ କରାଯିବ।
ଚଳିତ ବର୍ଷ ବୋଷ୍ଟନ କନସଲଟିଂ ଗ୍ରୁପ (ବିସିଜି) ଓ ଭାରତୀୟ ଶିଳ୍ପ ମହାସଂଘ (ସିଆଇଆଇ) ସହଯୋଗରେ ଏହି କାର୍ଯ୍ୟକ୍ରମର ପ୍ରସ୍ତୁତି ହୋଇଥିଲା। ଏହାର କାର୍ଯ୍ୟକାରିତା ପର୍ଯ୍ୟାୟରେ ସରକାରୀ ଏଜେନ୍ସି, ଶିଳ୍ପ ଲିଡର, ଆର୍ôଥକ ଅନୁଷ୍ଠାନ ଓ ବ୍ୟବସ୍ଥା ସହଯୋଗୀଙ୍କ ସହ ଆଲୋଚନା ଜରିଆରେ ବାଣିଜ୍ୟିକ ସ୍ତରରେ ଜିରୋ ଏମିସନ ପାଖାପାଖି ଲକ୍ଷ୍ୟ ହାସଲ କରିବାକୁ ତ୍ୱରାନ୍ୱିତ କରାଯିବ।
କାର୍ଯ୍ୟକ୍ରମର ପ୍ରଥମ ଦିନରେ ବିଜିସି ସହଯୋଗରେ ‘ଇଣ୍ଡିଆ ଇନସାଇଟସ ବ୍ରିଫିଂ: ଅନଲକିଂ ଇଣ୍ଡିଆଜ କ୍ଲିନ ଇଣ୍ଡଷ୍ଟ୍ରିଆଲାଇଜେସନ ଅପର୍ଚୁନିଟି’ ନାମକ ନୂଆ ରିପୋର୍ଟକୁ ଉନ୍ମୋଚନ କରାଯିବ ଯାହା ସ୍ୱଚ୍ଛ ଶିଳ୍ପ ଅଭିବୃଦ୍ଧି ପାଇଁ ପାଣ୍ଠି ଯୋଗାଡ଼ କରିବା, ଭାରତର ବିଶ୍ୱସ୍ତରୀୟ ପ୍ରତିଦ୍ୱନ୍ଦ୍ୱିତା ବଢ଼ାଇବା ଏବଂ ଭାରତକୁ ଉଦୀୟମାନ ସ୍ୱଚ୍ଛ ଅର୍ଥନୀତିର ଏକ ଲିଡର ଭାବେ କିଭଳି ଉପସ୍ଥାପନ କରାଯାଇପାରିବ ତାହା ଉପରେ ଆଲୋକପାତ କରିବ।
ଇଣ୍ଡଷ୍ଟ୍ରିଆଲ୍ ଟ୍ରାନ୍ସିସନ୍ ଆକ୍ସିଲେରେଟରର ପରିଚାଳନା ନିର୍ଦ୍ଦେଶକ ଜେମସ ସ୍କୋଫିଲଡ କହିଛନ୍ତି ଯେ, “ଭାରତର ଶିଳ୍ପ ରୂପାନ୍ତରଣ ଅର୍ଥନୈତିକ ବୃଦ୍ଧି, ପ୍ରତିଯୋଗିତା ଏବଂ ଜଳବାୟୁ ଆକାଂକ୍ଷାକୁ ପରିଚାଳନା କରିବାରେ ଗୋଟିଏ ପିଢ଼ିରେ ଥରେ ମିଳୁଥିବା ସୁଯୋଗକୁ ପ୍ରତିନିଧିତ୍ୱ କରୁଛି। ଇନସାଇଟ୍ସ ବ୍ରିଫିଂ ଓ କର୍ମଶାଳା ଭାରତୀୟ ସ୍ୱଚ୍ଛ ଶିଳ୍ପ ପ୍ରକଳ୍ପଗୁଡ଼ିକର ସମ୍ଭାବନାକୁ ପ୍ରଦର୍ଶନ କରିବ। ଆମେ ଡିକାର୍ବନାଇଜେସନ୍ କିପରି ବାଣିଜ୍ୟିକ ଭାବେ ଲାଭଜନକ ଏବଂ ବିସ୍ତାରଯୋଗ୍ୟ ହୋଇପାରିବ ତାହା ଚିତ୍ରଣ କରି କାର୍ଯ୍ୟକୁ ଆଗକୁ ବଢ଼ାଇବାକୁ ଲକ୍ଷ୍ୟ ରଖୁଛୁ। ଭାରତ ଏହାର ପ୍ରଚୁର ସୁଲଭ ଶକ୍ତି ଉତ୍ପାଦନକୁ ବ୍ୟବହାର କରି ଘରୋଇ କ୍ଷେତ୍ର ଏବଂ ନେଟ ଜିରୋ ଆଡ଼କୁ ଦୃଢ଼ ନୀତି ସହିତ ସ୍ୱଚ୍ଛ ସାମଗ୍ରୀ, ଇନ୍ଧନ ଏବଂ ପ୍ରଯୁକ୍ତିବିଦ୍ୟାକୁ ବିଶ୍ୱସ୍ତରୀୟ ପରିବର୍ତ୍ତନରେ ନେତୃତ୍ୱ ନେବାରେ ଅନନ୍ୟ ଭାବେ ସ୍ଥାନିତ କରିଛି। ଏହି ପରିବର୍ତ୍ତନ ନୂଆ ଚାକିରି ସୃଷ୍ଟି, ନିବେଶ ଆକର୍ଷଣ କରିବ ଏବଂ ଦେଶର ଦୀର୍ଘକାଳୀନ ଶକ୍ତି ସ୍ଥିରତାକୁ ଦୃଢ଼ କରିବ। ଭାରତ ଏବେ ସ୍ୱଚ୍ଛ ନିର୍ମାଣ କରିବାର ଉତ୍ସାହଜନକ ସୁଯୋଗ ରଖିଛି ଯାହା ସ୍ୱଚ୍ଛ ଶିଳ୍ପ ନେତୃତ୍ୱ ପାଇଁ ଏହାର ଆକାଂକ୍ଷା ଏବଂ ବିଶ୍ୱବ୍ୟାପୀ ଆମେ ଦେଖୁଥିବା ଗତିକୁ ଅର୍ଥପୂର୍ଣ୍ଣ ଭାବେ ଯୋଗଦାନ କରିବାର କ୍ଷମତାକୁ ପ୍ରଦର୍ଶନ କରିବ।”
ବୋଷ୍ଟନ କନସଲଟିଂ ଗ୍ରୁପର ଏପିଏସି ଲିଡର-ଜଳବାୟୁ ଓ ସ୍ଥାୟିତ୍ୱ ଅଭ୍ୟାସ ସୁମିତ ଗୁପ୍ତା କହିଛନ୍ତି ଯେ, “ଭାରତର ଉଦୀୟମାନ ସ୍ୱଚ୍ଛ ଶିଳ୍ପ ଆକାଂକ୍ଷାର ପରିମାଣ ଏବଂ କାର୍ଯ୍ୟକାରିତାର ଜରୁରୀକାଳୀ ସ୍ଥିତିକୁ ପ୍ରତିଫଳିତ କରୁଛି। ଆଇଟିଏର ଇଣ୍ଡିଆ ପ୍ରୋଜେକ୍ଟ ସପୋର୍ଟ ପ୍ରୋଗ୍ରାମ୍ ସୃଜନଶୀଳ ପ୍ରଯୁକ୍ତିବିଦ୍ୟା ନିବେଶ ଏବଂ ନିଯୁକ୍ତି ଆଡ଼କୁ ଗତି କରିବାର ଏକ ସମୟୋଚିତ ଉଦ୍ୟମ। ପ୍ରଥମ ଧରଣର ପ୍ରକଳ୍ପଗୁଡ଼ିକୁ ପରବର୍ତ୍ତୀ ନିଯୁକ୍ତି ତରଙ୍ଗ ଆଡ଼କୁ ଆଗେଇ ନେଇ ଭାରତ ମୁଖ୍ୟ ଶିଳ୍ପ କ୍ଷେତ୍ରଗୁଡ଼ିକରେ ଅନୁକରଣୀୟ ଏବଂ ବୃହତ୍ ପରିମାଣର ଡିକାର୍ବନାଇଜେସନ୍ ପାଇଁ ଭିତ୍ତିଭୂମି ସ୍ଥାପନ କରିପାରିବ।”
ଇଣ୍ଡଷ୍ଟ୍ରିଆଲ୍ ଟ୍ରାନ୍ସିସନ୍ ଆକ୍ସିଲେରେଟରର ଇଣ୍ଡିଆ ଲିଡ ଯଶ କାଶ୍ୟପ କହିଛନ୍ତି ଯେ, “ଏହି ଇନସାଇଟ୍ ବ୍ରିଫିଂ ଭାରତର ସ୍ୱଚ୍ଛ ଶିଳ୍ପକୁ ଦ୍ରୁତ ଗତିରେ ଆଗେଇ ନେବାର ଏକ ସହାୟତା କାର୍ଯ୍ୟକ୍ରମ ବିକାଶ କରିବାର ପ୍ରଥମ ପଦକ୍ଷେପ ହେବ। ଆମେ ଭାରତର ଡିକାର୍ବନାଇଜେସନ୍ ସମ୍ଭାବନାକୁ ସମ୍ଭବ, ବାଣିଜ୍ୟିକ ପରିମାଣର ପ୍ରକଳ୍ପଗୁଡ଼ିକରେ ପରିଣତ କରିବାକୁ ଚାହୁଁଛୁ। ବର୍ତ୍ତମାନର ଅଗ୍ରଗତିକୁ ରୋକିଥିବା ନୀତି, ଅର୍ଥନୀତି ଏବଂ ପ୍ରଯୁକ୍ତିବିଦ୍ୟାରେ ଥିବା ପ୍ରତିବନ୍ଧକଗୁଡ଼ିକୁ ସମାଧାନ କରି ଆମେ ଯୋଜନାରୁ କାରଖାନା ଆଡ଼କୁ ଅଗ୍ରସର ହେବୁ। ଆଇଟିଏ ମାଧ୍ୟମରେ ଆମେ କାର୍ଯ୍ୟକୁ ସମନ୍ୱୟ କରି ପ୍ରମୁଖ ପ୍ରକଳ୍ପଗୁଡ଼ିକୁ ତ୍ୱରାନ୍ୱିତ କରିବୁ ଭାରତର ଶିଳ୍ପ ପରିବର୍ତନ ପାଇଁ ବିଶ୍ୱସ୍ତରୀୟ ମାନଦଣ୍ଡ ସ୍ଥାପନ କରିବ ଏବଂ ବୃହତ୍ ପରିମାଣର ବୃଦ୍ଧିକୁ ପରିଚାଳନା କରିବ।”