କଂଗ୍ରେସ ଭବନ ଫାଟକରେ ତାଲା ପକାଇଲା ମହିଳା କଂଗ୍ରେସ

ରାଜ୍ୟ କଂଗ୍ରେସ ଭବନରେ ଦେଖିବାକୁ ମିଳିଛି ଟିକଟ ତାତି । ଆଜି ରାଜ୍ୟ କଂଗ୍ରେସର କିଛି ମହିଳା କର୍ମୀ ରାଜ୍ୟ କଂଗ୍ରେସ ଭବନ ଆସି ତୀବ୍ର ଅସନ୍ତୋଷ ପ୍ରକାଶ କରିଛନ୍ତି । ମହିଳାମାନେ ଖାସ୍ କରି ଟିକଟ ଦାବି କରିଛନ୍ତି । ମହିଳାଙ୍କୁ ଟିକଟ ଦେବାକୁ ଦାବି କରି ଫାଟକରେ ତାଲା ପକାଇ ଧାରଣାରେ ବସଛନ୍ତି ମହିଳାମାନେ । ଟିକଟ ଦାବି କରୁଥିବା ମହିଳା କଂଗ୍ରେସ କର୍ମୀ , ପିସିସି ସଭାପତିଙ୍କୁ ଚେତାବନୀ ଦେଇଛନ୍ତି , ଯଦି ଟିକଟ ନମିଳେ, ତେବେ ସେମାନେ ସଭିଏଁ ଭୋଟ୍ ବର୍ଜନ କରିବେ ।

ରାଜ୍ୟ କଂଗ୍ରେସରେ ଟିକେଟ୍ କଳି । ବିଶେଷ କରି ମହିଳାଙ୍କୁ ୩୩ ପ୍ରତିଶତ ସଂରକ୍ଷଣ ବ୍ୟବସ୍ଥା ଲାଗୁ କରିବାକୁ ରାଜ୍ୟ ସରକାର ପ୍ରସ୍ତାବ ଦେବା ପରେ ମହିଳାଙ୍କ ମଧ୍ୟରେ ଉତ୍କଣ୍ଠା ବଢିଥିବା ପରିଲକ୍ଷିତ ହୋଇଛି । ଏପରିକି ବିଜୁ ଜନତା ଦଳ ପକ୍ଷରୁ ଲୋକସଭା ପାଇଁ ୩୩ ପ୍ରତିଶତ ମହିଳାଙ୍କୁ ପ୍ରାର୍ଥୀ କରାଯାଇଛି । ତେବେ ନିର୍ବାଚନ ଯେତିକି ପାଖଉଛି, ଟିକେଟକୁ ନେଇ ଅସନ୍ତୋଷ ସେତିକି ବଢିବାରେ ଲାଗିଛି । ଏପରିକି ଟିକେଟ୍ ନପାଇ ଅନେକ ନେତା ଦଳ ଛାଡୁଥିବାର ମଧ୍ୟ ଦେଖିବାକୁ ମିଳିଛି ।

Share

Leave a Reply

Your email address will not be published. Required fields are marked *

seven − five =