ଶାଶ୍ୱତଙ୍କ ଦିଆସିଲି କାଠି ସାଇକେଲ

ଭୁବନେଶ୍ୱର: ଆଜି ବିଶ୍ୱ ସାଇକେଲ ଦିବସ । ସାଇକେଲ ପ୍ରେମୀଙ୍କ ଲାଗି ଦିନଟିଏ । ତେବେ ଏହି ଅବସରରେ ଦିଆସିଲି କାଠିରେ ଏକ ସାଇକେଲ ତିଆରି କରିଛନ୍ତି ପୁରୀର ଯୁବ ଚିତ୍ରଶିଳ୍ପୀ ଶାଶ୍ୱତ ରଞ୍ଜନ ସାହୁ । ସେ ୩ ହଜାର ୬ ଶହ ୫୩ ଟି ଦିଆସିଲି କାଠିରେ ଏକ ସାଇକେଲର ସୁନ୍ଦର ପ୍ରତିକୃତି ବନାଇଛନ୍ତି। ଶାଶ୍ୱତଙ୍କୁ ୭ଦିନ ଲାଗିଥିଲା ଏହି ନିଆରା କଳାକୃତି ତିଆରି ପାଇଁ। ଦିଆସିଲି କାଠିରେ ତିଆରି ହୋଇଥିବା ସାଇକେଲର ପ୍ରତିକୃତିର ଉଚ୍ଚତା ୫୦ ଇଞ୍ଚ ଏବଂ ଲମ୍ବ ୨୫ ଇଞ୍ଚ ରହିଛି। ପୁରୀ ସହର କୁମ୍ଭାରପଡା ଅଂଚଳର ବାସିନ୍ଦା ହେଉଛି ୧୮ ବର୍ଷୀୟ ଶ୍ୱାସତ ରଂଜନ ସାହୁ। ବିଶ୍ୱ ସାଇକେଲ ଦିବସ ଅବସରରେ ତାଙ୍କର ନିଆରା କଳାକୃତି ବେଶ ଚର୍ଚ୍ଚାର ବିଷୟ ହୋଇଛି।