ସିବିଆଇ ତଦନ୍ତ ପାଇଁ ଗାନ୍ଧୀଙ୍କ ଶରଣରେ ପଶିଲା ବିଜେପି

ଭୁବନେଶ୍ୱର() ଯାଜପୁର ପିଇଓ ସ୍ମିତାରାଣୀଙ୍କ ହତ୍ୟା ଘଟଣାରେ ସିବିଆଇ ତଦନ୍ତ ଦାବି କରି ବିଧାନସଭାରେ ବିଜେପି ବିଧାୟକମାନେ ଫେଲ ମାରିବା ପରେ ଏବେ ଜାତିର ପିତା ମହାତ୍ମା ଗାନ୍ଧୀଙ୍କ ଶରଣରେ ପଶିଛନ୍ତି । ବିଧାନସଭା ଅଧିବେଶନ ଆରମ୍ଭରୁ ବିଜେପି ଓ କଂଗ୍ରେସ ବିଧାୟକ ମାନେ ଗୃହରେ ଏହି ଦାବିରେ ପ୍ରବଳ ହଟ୍ଟଗୋଳ କଲେ । ଗୃହ କାର୍ଯ୍ୟ ବାରମ୍ବାର ଅଚଳ ହେଲା । ବିଜେପି ବିଧାୟକ ମାନେ ମୁହଁରେ କଳା ପଟି ବାନ୍ଧି ବିଧାନସଭାରେ ବସିଲେ । କୌଣସି ଆଲୋଚନାରେ ଭାଗ ନେଲେ ନାହିଁ । ହେଲେ ସରକାର କିଛି ଶୁଣିଲେ ନାହିଁ । ସରକାର କେବଳ ମୁଲତବି ପ୍ରସ୍ତାବର ଉତ୍ତର ଦେଇ ସ୍ମିତାରାଣୀ ଆତ୍ମହତ୍ୟା କରିଛନ୍ତି ବୋଲି କହି କଥାକୁ ଏଡାଇ ଗଲେ । କଂଗେସ ହୋ ହାଲ୍ଲାରୁ ନିବୃତ ରହି ଶେଷରେ ହାରିଗଲା ଭଳି ଗୃହ କାର୍ଯ୍ୟରେ ସହଯୋଗ କଲା । କିନ୍ତୁ ବିଜେପି ତାର ମୂଳ ଦାବିରୁ ନ ଓହରି ଶେଷରେ କୌଣସି ବାଟ ନ ପାଇ ଏବେ ଯାଇଁ ବିଧାନସଭା ପରିସରରେ ଥିବା ମହାତ୍ମା ଗାନ୍ଧୀଙ୍କ ପ୍ରତିମୁର୍ତ୍ତି ତଳେ ଧାରଣା ଦେଇ ବସିଛନ୍ତି ଏବଂ ମହାତ୍ମା ଗାନ୍ଧୀଙ୍କ ଶରଣରେ ପଶିଛନ୍ତି । ମହାତ୍ମା ଗାନ୍ଧୀଙ୍କ ଅହିଂସା ମାର୍ଗରେ ବିଜେପି ତାର ଦାବି ହାସଲ କରିବ ବୋଲି କହିଛି ଏବଂ ଏହା ପରେ ବିଜେପି ବିଧାୟକ ମାନେ ଘଟଣାର ସିବିଆଇ ତଦନ୍ତ ଦାବି କରି ରାଜ୍ୟପାଳଙ୍କୁ ଭେଟିବେ ବୋଲି ନିଷ୍ପତି କରିଛନ୍ତି ।

Share

Leave a Reply

Your email address will not be published. Required fields are marked *

2 × 2 =