ତହସିଲଦାରଙ୍କୁ ହତ୍ୟା ଧମକ

ସମ୍ବଲପୁର: ନିର୍ବାଚନ ସମୟରେ ରକ୍ତ ମୁଖା ହେଉଛନ୍ତି ବିଜେପି ନେତା । ପୁଣି ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ଦାଦାଗିରି । କାର୍ୟ୍ୟରତ ତହସିଲଦାରଙ୍କ ସହ ଯୁକ୍ତିତର୍କ ସହ ହତ୍ୟା ଧମକ । ସମ୍ବଲପୁର ଦୁର୍ଗାପାଲ୍ଲୀ କୁସୁମପଡାରେ ଅବୈଧ ନିର୍ମାଣ ଉଚ୍ଛେଦ ବେଳେ ତହସିଲଦାର ଏବଂ ବିଧାୟକଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ସମର୍ଥକଙ୍କ ସହ ଆସି ଉଚ୍ଛେଦ ରୋକିବା ସହ ଅସଭ୍ୟ ଭାଷାରେ ଗାଳିଗୁଲଜ କରିଥିଲେ ଜୟନାରାୟଣ ।
କେବଳ ଏତିକି ନୁହେଁ ବିଧାୟକ ଜୟନାରାୟଣ ମିଶ୍ର ତହସିଲଦାରଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ । ଏନେଇ ଅଭିଯୋଗ ପରେ କ୍ଷେତରାଜପୁର ଥାନାରେ ମାମଲା ରୁଜୁ ହୋଇଛି । ମାମଲାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ଥାନା ଅଧିକାରୀ । ପଞ୍ଚାୟତ ନିର୍ବାଚନ ଯେତେ ଆସନ୍ନ ହେଉଛି, ସେତେ ଅକ୍ରୋଶମୂଳକ ହେଉଛନ୍ତି ବିଜେପି ନେତା । ପିପିଲିରେ ଗତକାଲି ବିଜେପି ନେତାଙ୍କ ଆକ୍ରମଣରେ ବିଜେଡି ଜିଲ୍ଲାପରିଷଦ ପ୍ରାର୍ଥୀ ଆହତ ହୋଇଛନ୍ତି ।

Share

Leave a Reply

Your email address will not be published. Required fields are marked *

11 + eleven =