ନବିକରଣ ଲାଗି ଉଚ୍ଛେଦ

ଭୁବନେଶ୍ୱର()  ଭୁବନେଶ୍ୱର ବରମୁଣ୍ଡା ବସଷ୍ଟାଣ୍ଡ ହେବ ଆନ୍ତଃରାଜ୍ୟ ବସ ଟର୍ମିନାଲ । ରାଜ୍ୟର ବିଭିନ୍ନ ସ୍ଥାନରୁ ବସ୍‌ ରହିବ ବରମୁଣ୍ଡାରେ । ଭୁବନେଶ୍ୱର ଡେଭ୍‌ଲପ୍‌ମେଣ୍ଟ ଅଥରିଟି- ବିଡିଏ ପକ୍ଷରୁ ଏନେଇ ଯୋଜନା ପ୍ରସ୍ତୁତ ହୋଇ ଆଜିଠାରୁ କାମ ଆରମ୍ଭ ହୋଇଛି । ଏଥିପାଇଁ ବହୁତ ସ୍ଥାନ ଆପଶ୍ୟକ ରହିଛି । ସେଥିପାଇଁ ଯେଉଁମାନେ ସରକାରୀ ସ୍ଥାନକୁ କବଜା କରି ରହିଛନ୍ତି ପ୍ରଥମେ ସେମାନଙ୍କୁ ଉଚ୍ଛେଦ କରାଯାଉଛି ।

ତେବେ ଉଚ୍ଛେଦ ପରେ ଉନ୍ନୟନ କାମ ଆରମ୍ଭ ହେବ । କିନ୍ତୁ ବିନା କୌଣସି ପ୍ରତିଶ୍ରୁତି ଓ ଥଇଥାନରେ ଉଚ୍ଛେଦ ଅଭିଯାନକୁ ବିରୋଧ କରୁଛି ଗୋପବନ୍ଧୁ କ୍ଷୁଦ୍ର ବ୍ୟବସାୟୀ ସଂଘ । ବସଷ୍ଟାଣ୍ଡରେ ଦୀର୍ଘ ୨୫ବର୍ଷ ଧରି ବ୍ୟବସାୟ କରି ଗୁଜରଣ କରୁଥିବା ପ୍ରାୟ ୧୩୦ଜଣ ବ୍ୟବସାୟୀ ଏବେ ଚିନ୍ତାରେ । କିନ୍ତୁ ସେପଟେ ଜିଦରେ ଅଟଳ ରହିଛି ବିଡିଏ । ବିକାଶ କାର୍ଯ୍ୟରେ ବାଧା ସୃଷ୍ଟି କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦେଇଛି ବିଡିଏ ।

Share

Leave a Reply

Your email address will not be published. Required fields are marked *