ଅନନ୍ତଙ୍କ ବିରୋଧରେ ହୋଇଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ

ଭୁବନେଶ୍ୱର()  ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନାଙ୍କ ନାମରେ ଗତ ୧୯ ତାରିଖରେ ବାଘମାରୀ ଥାନାରେ ଏତଲା ହେବା ପରେ ଘଟଣା ଉପରୁ ଧୀରେ ଧୀରେ ପର୍ଦ୍ଦା ହଟିବାରେ ଲାଗିଛି । ଜମିବାଡ଼ି ଗଣ୍ଡଗୋଳକୁ କେନ୍ଦ୍ର କରି ବିଧାୟକ ନାମରେ ଏତଲା ହୋଇଥିବା ବେଳେ ଏହା ସମ୍ପୂର୍ଣ୍ଣ ପ୍ରାୟୋଜିତ ବୋଲି ପୋଲିସ ପକ୍ଷରୁ ସୂଚନା ମିଳିଛି । ମହିଳାଙ୍କ ଏତଲାକୁ ଆଧାର କରି ତଦନ୍ତ ହୋଇଥିବା ବେଳେ ଏହି ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ଓ କପୋଳକଳ୍ପିତ ବୋଲି ସମ୍ପୃକ୍ତ ଥାନାର ଜନୈକ ଅଧିକାରୀ ସୂଚନା ଦେଇଛନ୍ତି ।

ପୋଲିସର ସୂଚନା ମୁତାବକ ବିଧାୟକ ଅନନ୍ତ ନାରାୟଣ ଙ୍କ ଭାଇଙ୍କ ଶଳା ବାଘମାରୀ ସାରୁଅ ଅନ୍ତର୍ଗତ ପୁବୁସାହି ଠାରେ ଏକ ଜମି କିଣିଥିଲେ । ସେ ଜମିରେ ଚାଷବାସ କରି ଚାଲୁଥିଲେ । ଜମିର କାଗଜପତ୍ର ଠିକ ଥିଲେ ମଧ୍ୟ ଏକ ପୋଖରୀ ଖୋଳାକୁ କେନ୍ଦ୍ର କରି ସେହି ଗ୍ରାମର ଦିଲ୍ଲୀପ ମହାଭୋଇ ଜମି ମାଲିକଙ୍କୁ ବଟି ମାଗିଥିଲେ । ବାହାରୁ ଆସି ପୋଖରୀ ଖୋଳିବାକୁ ହେଲେ ବଟି ଦେବାକୁ ପଡିବ ବୋଲି ଧମକାଇଥିଲେ । ଏଥିରେ ରାଜି ନହେବାରୁ ଜମି ମାଲିକ ଙ୍କୁ ମରଣାନ୍ତକ ଆକ୍ରମଣ କରିଥିଲେ । ପାରିବାରିକ ସମ୍ପର୍କ ଥିବାରୁ ଅନନ୍ତ ଖବର ପାଇ ସେଠାରେ ପହଞ୍ଚିଥିଲେ । ଆକ୍ରମଣ ର ଶିକାର ବ୍ୟକ୍ତିଙ୍କୁ ସେଠାରୁ ଉଦ୍ଧାର କରିଥିଲେ । ସେହି ସମୟରେ ତାଙ୍କର ଅଭିଯୁକ୍ତଙ୍କ ସହ ପାଟିତୁଣ୍ଡ ହୋଇଥିଲା । ଘଟଣାସ୍ଥଳରେ ଜଣେ ସ୍ଥାନୀୟ ସମିତି ସଭ୍ୟ ଓ ଅନ୍ୟ କିଛି ଲୋକ ମଧ୍ୟ ଉପସ୍ଥିତ ଥିଲେ । ତୁରନ୍ତ ଆହତ ଜଣଙ୍କୁ ରାତି ୯ ଟା ସୁଧା ପ୍ରଥମେ ଖୋର୍ଦ୍ଧା ହସ୍ପିଟାଲ ଓ ପରେ ଭୁବନେଶ୍ୱର ସ୍ଥିତ ଶ୍ରୀ ହସ୍ପିଟାଲରେ ଭର୍ତ୍ତି କରାଯାଇଥିଲା ।

କିନ୍ତୁ ଘଟଣାକୁ ରଙ୍ଗ ଦିଆଯାଇ ରାତି ୧୦ ଟା ସମୟରେ ବିଧାୟକ ଓ ତାଙ୍କ କିଛି ସମର୍ଥକ ଘରେ ପଶିଥିଲେ ବୋଲି ରାତି ୧୨ଟା ବେଳେ ଏତଲା ଦିଆଗଲା । ମାଡ଼ ମାରିଥିବା ଲୋକର ସ୍ତ୍ରୀ ତାଙ୍କୁ ଟଣାଓଟରା କରାଯାଇଥିବା ବାଘମାରୀ ଥାନାରେ ଅଭିଯୋଗ ଆଣିଲେ, ଯିଏକି ଘଟଣାସ୍ଥଳରେ ଆଦୌ ଉପସ୍ଥିତ ନଥିବା ପୋଲିସ ତଦନ୍ତରୁ ଜାଣିବାକୁ ପାଇଛି । ଘଟଣା ର ପୁଙ୍ଖାନୁପୁଙ୍ଖ ତଦନ୍ତ କରି ମିଥ୍ୟା ଏତଲା ଦେବା ଓ ପୋଲିସକୁ ବିଭ୍ରାନ୍ତ କରିବା ଅଭିଯୋଗରେ ଅଭିଯୁକ୍ତଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି ।

Share

Leave a Reply

Your email address will not be published. Required fields are marked *