ବିସ୍ଫୋରଣରେ ୪ ଯବାନ ସହିଦ, ୨ ଗୁରୁତର ଆହତ

ଛତିଶଗଡର ବୀଜାପୁରରେ ବଡ ଧରଣର ନକ୍ସଲ ଆକ୍ରମଣ ! ବିଧାନସଭା ନିର୍ବାଚନ ପୂର୍ବରୁ ଯବାନଙ୍କ ଉପରେ ଆକ୍ରମଣ କରି ଆତଙ୍କ ସୃଷ୍ଟି କରିଛନ୍ତି ଲାଲବାହିନୀ । ଏହି ଆକ୍ରମଣରେ ସିଆରପିଏଫର ୪ ଜଣ ଯବାନ ସହିଦ ହୋଇଥିବା ବେଳେ ଦୁଇଜଣ ଯବାନ ଗୁରୁତର ଭାବେ ଆହତ ହୋଇଛନ୍ତି । ନକ୍ସଲ ଆକ୍ରମଣରେ ସହିଦ ହୋଇଥିବା ଯବାନ ମାନେ ସିଆରପିଏଫ-୧୬୮ ବାଟାଲିୟନର ଥିଲେ । ଏହି ପେଟ୍ରୋଲିଂ କରୁଥିବା ବେଳେ ବାସାଗୁଡାର ମୁଦ୍ରୋଣ୍ଡୋ ନିକଟରେ ବିସ୍ଫୋରଣ ହୋଇଥିଲା । ଏହି ଘଟଣା ସର୍ମ୍ପକରେ ସିଆରପିଏଫ ଅଧିକାରୀ ଦିବ୍ୟାଙ୍ଗ ପଟେଲ ସୂଚନା ଦେଇଛନ୍ତି ।
ଏହା ପୂର୍ବରୁ ମେ ୨୦୧୮ରେ ଛତିଶଗଡର ଦାନ୍ତେୱାଡା ଅଞ୍ଚଳରେ ମାଓ ଆକ୍ରମଣରେ ସାତ ଜଣ ଯବାନ ସହିଦ ହୋଇଥିଲେ । ସେତେବେଳେ ଆଇଡି ବିସ୍ଫୋରଣ କରି ଯବାନଙ୍କୁ ଟାର୍ଗେଟ କରିଥିଲେ ନକ୍ସଲ । ତେବେ ବିଧାନସଭା ନିର୍ବାଚନ ପୂର୍ବରୁ ନକ୍ସଲଙ୍କ ଏଭଳି ଆକ୍ରମଣ ରାଜ୍ୟ ପୋଲିସର ଚିନ୍ତା ବଢାଇ ଦେଇଛି ।

Share

Leave a Reply

Your email address will not be published. Required fields are marked *

two × five =