ଇଂଲଣ୍ଡ ଟେଷ୍ଟ ଅଧିନାୟକ ପଦ ଛାଡ଼ିଲେ ରୁଟ୍

ଇଂଲଣ୍ଡ ଟେଷ୍ଟ ଦଳର ଅଧିନାୟକ ଜୋ ରୁଟ ଶୁକ୍ରବାର ତାଙ୍କ ପଦରୁ ଇସ୍ତଫା ଦେଇଛନ୍ତି। କ୍ରମାଗତ ପରାଜୟ ପରେ ରୁଟଙ୍କ ଉପରେ ପଦ ଛାଡିବା ପାଇଁ ଚାପ ରହିଥିଲା | ଅଷ୍ଟ୍ରେଲିଆ ବିପକ୍ଷରେ ଆସେସ ସିରିଜରେ ୪-୦ରେ ହାରିବା ପରେ ୱେଷ୍ଟଇଣ୍ଡିଜ ନିକଟରୁ ମଧ୍ୟ ଇଂଲଣ୍ଡ ତିନି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ ୧-୦ରେ ହାରିଥିଲା। ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ(ଡବ୍ଲୁଟିସି) ପଏଣ୍ଟ ଟେବୁଲରେ ଇଂଲଣ୍ଡ ଦଶମ ସ୍ଥାନରେ ରହିଛି। ଡବ୍ଲୁଟିସରେ ଏପର୍ଯ୍ୟନ୍ତ ଖେଳିଥିବା ୧୩ଟି ମ୍ୟାଚ ମଧ୍ୟରୁ ଇଂଲଣ୍ଡ କେବଳ ଗୋଟିଏ ମ୍ୟାଚ୍ ଜିତିଛି |

ରୁଟ୍ ଟେଷ୍ଟ ଅଧିନାୟକ ପଦରୁ ଇସ୍ତଫା ଦେଇଥିବା ସମ୍ପର୍କରେ ଇଂଲଣ୍ଡ କ୍ରିକେଟ୍ ବୋର୍ଡ ଟୁଇଟ୍ କରି ସୂଚନା ଦେଇଛି।

ରୁଟ୍ ଇଂଲଣ୍ଡର ସବୁଠାରୁ ସଫଳ ଟେଷ୍ଟ ଅଧିନାୟକ । ତାଙ୍କ ନେତୃତ୍ବରେ ଇଂଲଣ୍ଡ ୨୭ଟି ଟେଷ୍ଟ ମ୍ୟାଚ୍ ଜିତିଥିଲା | ୨୦୧୭ ରେ ସାର୍ ଆଲାଷ୍ଟାୟର୍ କୁକଙ୍କ ଉତ୍ତରାଧିକାରୀ ଭାବରେ ନିଯୁକ୍ତ ହେବା ପରେ, ରୁଟ୍ ଦଳକୁ ଅନେକ ସ୍ମରଣୀୟ ସିରିଜ୍ ବିଜୟରେ ନେତୃତ୍ୱ ନେଇଥିଲେ । ତନ୍ମଧ୍ୟରୁ ୨୦୧୮ରେ ଭାରତ ଉପରେ ୪-୧ ଘରୋଇ ସିରିଜ୍ ବିଜୟ ଏବଂ ୨୦୨୦ ରେ ଦକ୍ଷିଣ ଆଫ୍ରିକା ବିପକ୍ଷରେ ୩-୧ ବିଜୟ ରହିଛି ।

ରୁଟ୍ ୨୦୦୧ ପରେ ଇଂଲଣ୍ଡର ପ୍ରଥମ ଅଧିନାୟକ ଭାବେ ୨୦୧୮ରେ ଶ୍ରୀଲଙ୍କାକୁ ତାର ମାଟିରେ ହରାଇ ସିରିଜ ବିଜୟୀ ହୋଇଥିଲେ। ତାଙ୍କ ଅଧିନାୟକତ୍ୱରେ ୨୦୨୧ରେ ମଧ୍ୟ ଇଂଲଣ୍ଡ ତାର ଘରେ ଶ୍ରୀଲଙ୍କାକୁ ୨-୦ରେ ପରାସ୍ତ କରିଥିଲା ​​|

ଅଧିନାୟକ ଭାବରେ ୧୪ ଶତକ ସହ ଜୋ ରୁଟ୍ ଆଲେଷ୍ଟାୟର୍ କୁକଙ୍କ ପରେ ଇଂଲଣ୍ଡ ପାଇଁ ଦ୍ୱିତୀୟ ସର୍ବାଧିକ ରନ୍ ସ୍କୋରର୍ | ଏହାଛଡା ଅଧିନାୟକ ଭାବରେ ସେ ଇଂଲଣ୍ଡ ପାଇଁ ସର୍ବାଧିକ ରନ୍ କରିଛନ୍ତି | ରୁଟଙ୍କ ଆଗରେ ଗ୍ରେମ୍ ସ୍ମିଥ୍, ଆଲାନ୍ ବର୍ଡର୍, ରିକି ପଣ୍ଟିଂ ଏବଂ ବିରାଟ କୋହଲି ଅଛନ୍ତି |

Share

Leave a Reply

Your email address will not be published. Required fields are marked *

1 + 2 =