ପାଟକୁରାରେ ବିଜେଡି ୧ ନମ୍ବର:ସୁର

କେନ୍ଦ୍ରାପଡ଼ା()  ଆସନ୍ତାକାଲି ପାଟକୁରା ବିଧାନସଭା ଆସନ ଲାଗି ହେବ ଭୋଟ ଗଣତି । ଗତ ୨୦ ତାରିଖରେ ହୋଇଥିବା ପରୀକ୍ଷାର କାଲି ବାହାରିବ ଫଳ । ତେଣୁ ସବୁ ପ୍ରାର୍ଥୀଙ୍କ ମନରେ ଛନକା ପଶିଥିବା ବେଳେ ୩ ପ୍ରମୁଖ ଦଳମାନଙ୍କରେ ଭାଳେଣି ପଡିଛି ।

ବିଜେଡି ପୁଣି ଥରେ ପାଟକୁରା ପଡିଆରେ ଛକା ମାରିବାକୁ ଦମ୍ ଦେଖାଇଥିବା ବେଳେ ବିଜେପି ମଧ୍ୟ ବିଜୟ ବାନା ଉଡାଇବ ବୋଲି କହୁଛି । ବିଜେଡି ପାଟକୁରାରେ ବହୁ ଭୋଟରେ ଜିତିବ ବୋଲି ଛାତି ବାଡେଇ କହୁଛି । ପାଟକୁରାବାସୀ ନବୀନଙ୍କ ନେତୃତ୍ୱ ଓ ବିକାଶକୁ ଗ୍ରହଣ କରିଛନ୍ତି ତେଣୁ ସାବିତ୍ରୀ ଅଗ୍ରୱାଲଙ୍କୁ ନିଶ୍ଚୟ ଜିତାଇ ଆଣିବେ ବୋଲି ବିଧାୟକ ଦେବୀ ମିଶ୍ର କହିଛନ୍ତି ।

ଅନ୍ୟପଟେ ନିଜେ ମୁହଁ ଖୋଲିଛନ୍ତି ପ୍ରାର୍ଥୀ ବିଜୟ ମହାପାତ୍ର । କାଲିର ଫଳାଫଳ ମୋ ପାଇଁ ସ୍ମରଣୀୟ ହୋଇ ରହିବ । ପାଟକୁରାବାସୀ ଉଚିତ ନିଷ୍ପତ୍ତି ନେଇଥିବେ ଆଉ ପାଟକୁରାବାସୀଙ୍କ ନିଶ୍ଚୟ ବିଜୟ ହେବ ବୋଲି ବିଜୟ ମହାପାତ୍ର କହିଛନ୍ତି । ପାଟକୁରା ନିର୍ବାଚନ ଏକ ଐତିହାସିକ ନିର୍ବାଚନ ଥିଲା । ପୂର୍ବରୁ ବହୁ ନିର୍ବାଚନ ଦେଖିଛି ହେଲେ ଚଳିତ ନିର୍ବାଚନ ପରି ନୁହେଁ । ଅତୀତରେ ଏପରି କେବେ ହୋଇ ନଥିଲା ।

ବିଜୟ ପରାଜୟ ବରଣ କରୁଛନ୍ତି ବୋଲି ବିଧାୟକ ସୁର ରାଉତରାୟ କହିଛନ୍ତି । ସୁର କହିଛନ୍ତି ବିଜୟ ଜଣେ ଦକ୍ଷ ଆଉ ବିଜ୍ଞ ରାଜନେତା । ସେ ନିଜେ ବୁଲିଥିଲେ ହୁଏତ ଏଥର ଜିତି ପାରିଥାନ୍ତେ । ନିଜ ବ୍ୟକ୍ତିଗତ ଭୋଟରେ ବିଜୟ ପାଟକୁରା ଜୟ କରି ପାରିଥାନ୍ତେ । ହେଲେ ବିଜେପି ପାଇଁ ସେ ହାରିବେ । ବିଜେଡି ୧ ନମ୍ବର, ବିଜେପି ୨ ନମ୍ବର ଆଉ କଂଗ୍ରେସ ୩ ନମ୍ବରରେ ରହିବ ବୋଲି ଭବିଷ୍ୟତ ଦେଖିଲେ ସୁର ।

Share

Leave a Reply

Your email address will not be published. Required fields are marked *