ଟି-୨୦ ସିରିଜ୍ ପାଇଁ ଭାରତ ଆସିବ ଅଷ୍ଟ୍ରେଲିଆ ଟିମ୍

ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ପାଇଁ ଚଳିତ ବର୍ଷ ସେପ୍ଟେମ୍ବରରେ ଅଷ୍ଟ୍ରେଲିଆ କ୍ରିକେଟ୍ ଦଳ ଭାରତ ଗସ୍ତରେ ଆସିପାରେ । ୱେବସାଇଟ୍ Foxsports.com.au ର ଏକ ରିପୋର୍ଟ ଅନୁଯାୟୀ ଏହି ସିରିଜ୍ ମାଧ୍ୟମରେ ଭାରତୀୟ ଦଳ ଆଇସିସି ଟି-୨୦ ବିଶ୍ୱକପ 2022 ପାଇଁ ନିଜ ପ୍ରସ୍ତୁତିକୁ ଚୂଡ଼ାନ୍ତ ରୂପ ଦେବ | ଚଳିତ ବର୍ଷ ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଟି -୨୦ ବିଶ୍ୱକପ ଅନୁଷ୍ଠିତ ହେବ।

ରିପୋର୍ଟରେ କୁହାଯାଇଛି, ଜିମ୍ବାୱେ ଏବଂ ନ୍ୟୁଜିଲ୍ୟାଣ୍ଡ ବିପକ୍ଷରେ ଘରୋଇ ସିରିଜ୍ ଖେଳିବା ପରେ ଅଷ୍ଟ୍ରେଲିଆ ସେପ୍ଟେମ୍ବରରେ ଭାରତରେ ତିନୋଟି ଟି-୨୦ ମ୍ୟାଚ୍ ଖେଳିବ। ଏହା ପରେ କଙ୍ଗାରୁ ଦଳ ୱେଷ୍ଟଇଣ୍ଡିଜ୍ ଏବଂ ଇଂଲଣ୍ଡ ବିପକ୍ଷରେ ଧଳା ବଲ୍ ସିରିଜ୍ ଖେଳିବ |

ଅଷ୍ଟ୍ରେଲିଆ ଦଳ ଶେଷ ଥର ପାଇଁ ୨୦୧୯ ରେ ଭାରତ ଗସ୍ତ କରିଥିଲା। ସେହି ଗସ୍ତରେ ଅଷ୍ଟ୍ରେଲିଆ ଦୁଇ ମ୍ୟାଚ୍ ବିଶିଷ୍ଟ ଟି-୨୦ ସିରିଜକୁ ୨-୦ରେ ଜିତି ନେଇଥିଲା | ଏହା ବ୍ୟତୀତ ସେହି ଭ୍ରମଣରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏକ ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ମଧ୍ୟ ଖେଳାଯାଇଥିଲା | ଦିନିକିଆ ସିରିଜରେ ମଧ୍ୟ ଭ୍ରମଣକାରୀ ଦଳ ଚମତ୍କାର ପ୍ରଦର୍ଶନ କରି ଭାରତକୁ ୩-୨ରେ ହରାଇଥିଲା |

ଆସନ୍ତା ବର୍ଷ ଅଷ୍ଟ୍ରେଲିଆ ଫେବୃଆରୀ ଏବଂ ମାର୍ଚ୍ଚରେ ଚାରିଟି ଟେଷ୍ଟ ମ୍ୟାଚ୍ ପାଇଁ ଭାରତ ଗସ୍ତ କରିବାର କାର୍ଯ୍ୟକ୍ରମ ରହିଛି | ଅପରପକ୍ଷରେ ଟିମ୍ ଇଣ୍ଡିଆ ଜୁନ୍ ୯ ରୁ ୧୯ ପର୍ଯ୍ୟନ୍ତ ଦକ୍ଷିଣ ଆଫ୍ରିକା ବିପକ୍ଷରେ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ | ଏହା ପରେ ମେନ ଇନ୍ ବ୍ଲୁ ଦୁଇଟି ଟି-୨୦ ଅନ୍ତର୍ଜାତୀୟ ପାଇଁ ଆୟର୍ଲାଣ୍ଡ ଗସ୍ତ କରିବ |

ଆୟର୍ଲାଣ୍ଡ ଗସ୍ତ ଶେଷରେ ଭାରତୀୟ ଦଳ ଇଂଲଣ୍ଡ ଯିବ। ଭାରତୀୟ ଦଳ ମଧ୍ୟ ଇଂଲଣ୍ଡ ବିପକ୍ଷରେ ପଞ୍ଚମ ତଥା ଶେଷ ଟେଷ୍ଟ ଖେଳିବ ଯାହା କରୋନା ମହାମାରୀ ଯୋଗୁଁ ଗତ ବର୍ଷ ସ୍ଥଗିତ ରଖାଯାଇଥିଲା।

Share

Leave a Reply

Your email address will not be published. Required fields are marked *

twelve + twelve =