ଉତ୍କର୍ଷ ଓଡିଶା – ମେକ୍ ଇନ୍ ଓଡିଶା କନକ୍ଲେଭରେ ମାନ୍ୟବର ଉପମୁଖ୍ୟମନ୍ତ୍ରୀ କେ.ଭି. ସିଂ ଦେଓଙ୍କ ଏନର୍ଜି ପ୍ଯାଭିଲିୟନ ପରିଦର୍ଶନ

ମାନ୍ୟବର ଉପମୁଖ୍ୟମନ୍ତ୍ରୀ ଶ୍ରୀ କେ.ଭି. ସିଂ ଦେଓ ଉତ୍କର୍ଷ ଓଡ଼ିଶା – ମେକ୍ ଇନ୍ ଓଡ଼ିଶା କନକ୍ଲେଭରେ ଏନର୍ଜି ପାଭିଲିୟନ ପରିଦର୍ଶନ କରିଥିଲେ, ଯେଉଁଠାରେ ସେ ଉନ୍ନତ ଶକ୍ତି ସମାଧାନ, ନବୀକରଣଯୋଗ୍ୟ ଶକ୍ତି ଏବଂ ଡିଜିଟାଲ ନବସୃଜନ କ୍ଷେତ୍ରରେ ଓଡ଼ିଶାର ଉଲ୍ଲେଖନୀୟ ଅଗ୍ରଗତିକୁ ବୁଲି ଦେଖିଥିଲେ। ଏହି ପାଭିଲିୟନରେ ଆଡଭାନ୍ସ ଗ୍ରୀଡ୍ ପରିଚାଳନା, ରିଅଲ୍-ଟାଇମ୍ ଏନର୍ଜି ମନିଟରିଂ ଏବଂ ସ୍ମାର୍ଟ ମିଟର ଭଳି ଉଲ୍ଲେଖନୀୟ ପଦକ୍ଷେପକୁ ପ୍ରଦର୍ଶିତ କରାଯାଇଛି ।
ଏହି କାର୍ଯ୍ୟକ୍ରମର ପ୍ରଶଂସା କରି ସେ କହିଥିଲେ, “ଉତ୍କର୍ଷ ଓଡ଼ିଶା – ମେକ୍ ଇନ୍ ଓଡ଼ିଶା କନକ୍ଲେଭରେ ଏହି ଭବ୍ୟ ଷ୍ଟଲଗୁଡ଼ିକୁ ଦେଖି ମୁଁ ଖୁସି। ଏହି କାର୍ଯ୍ୟକ୍ରମ ଓଡ଼ିଶାର ନବସୃଜନ, ଉଦ୍ୟୋଗୀ ମନୋଭାବ ଏବଂ ଅସୀମ ସମ୍ଭାବନାର ଏକ ପ୍ରକୃତ ପ୍ରମାଣ। ଆମ ରାଜ୍ୟ ବ୍ୟବସାୟ ଏବଂ ଶିଳ୍ପର ଭବିଷ୍ୟତକୁ ଗଢୁଥିବା ଦେଖି ମୁଁ ଗର୍ବିତ।”
ଏହି ଏନର୍ଜି ପାଭିଲିଅନ୍ ଦୀର୍ଘସ୍ଥାୟୀ ଏବଂ ଉନ୍ନତ ପ୍ରଯୁକ୍ତିବିଦ୍ୟା ଦ୍ଵାରା ପରିଚାଳିତ ଶକ୍ତି ସମାଧାନ ପ୍ରତି ଓଡ଼ିଶାର ପ୍ରତିବଦ୍ଧତାକୁ ପ୍ରଦର୍ଶନ କରିବା ପାଇଁ ଏକ ପ୍ରମୁଖ ପ୍ଲାଟଫର୍ମ ଭାବରେ କାର୍ଯ୍ୟ କରୁଛି । ବିଦ୍ୟୁତ୍ ବଣ୍ଟନରେ ଅଟୋମେସନ ଠାରୁ ଆରମ୍ଭ କରି ସବୁଜ ହାଇଡ୍ରୋଜେନ୍ ଏବଂ ସୌର ଶକ୍ତି ସମନ୍ୱୟରେ ଉନ୍ନତି ପର୍ଯ୍ୟନ୍ତ କିଭଳି ଓଡ଼ିଶା ଏକ ଦୃଢ଼ ଏବଂ ସ୍ଥିର ଏନର୍ଜି ଇକୋସିଷ୍ଟମ ଗଠନ ପାଇଁ ଅତ୍ୟାଧୁନିକ ପ୍ରଯୁକ୍ତିବିଦ୍ୟାର ଉପଯୋଗ କରୁଛି ତାହା ଏହି ପାଭିଲିଅନ୍ ରେ ଦର୍ଶାଯାଇଛି। ଏହି ପଦକ୍ଷେପ ଯୋଗୁଁ ରାଜ୍ୟର ଆର୍ଥିକ ଅଭିବୃଦ୍ଧି ଘଟିବା ସହିତ ଆମ ରାଜ୍ୟ ସ୍ୱଚ୍ଛ ଏବଂ ସ୍ମାର୍ଟ ଶକ୍ତି ସମାଧାନରେ ଅଗ୍ରଣୀ ଭୂମିକା ଗ୍ରହଣ କରିପାରିଛି ।